मेथा 27:66 - ॱलोवा

⁶⁶ होझ्‍येरी खुङक्‍या सोरी, धी़ठोगी घो काक्‍कीन फोङगीङला थेचे ग्‍याप्‍ती ॱरुङगीनक्‍या श्‍याक्‍पालाक।

मेथा 27:66 ပူးပေါင်းရင်းမြစ်များ

मेथा 27:60

धेनी डाकला शो़सा खोरी धी़ठो साबा नाङदु खोङबागी कुफुङ श्‍याक्‍पालाक। धेनी धी़ठोगी घोगो फोङगीङ क्षे च्‍यीकगी काक्‍ती, खो होदेने सोवालाक।

मेथा 27:65

पीलातुगी खुङक्‍याला ॱनेवालाक, “ॱरुङगीन ॱमाक्‍मीक्‍या ठीक। धेनी सोरी घाङथुप्‍तु ॱरुङ।”

मेथा 28:11

धा होदे केमी ॱङीउ डी़ घाङला, ॱरुङगीनक्‍याने रीङगा ग्‍याजारु सोरी घी झ्‍युङगीन घीरी, क्षो़पो़न क्षेला स्‍येपालाक।

मेथा 28:2

धेनी लाम्‍साङ चोवोगी भाङछेन च्‍यीक, नाम्‍खे श्‍यीङखामने होदुरु भाप्‍ती, सायोम क्षे च्‍यीक ग्‍याप्‍पालाक। धेनी खोङबा फेप्‍ती धी़ठोगी फोङगीङगो ॱहाला रीरी, होदेगी थोकला श्‍युक्‍पालाक।

मारकु 16:4

धेनी याला ती घाङला, खुङक्‍याई धोगोङगो नी, ॱहाला पुरी श्‍याक्‍सा थोवालाक। धोगोङगो ॱमीच्‍यीकी क्षे हो़तालाक।

योहान्‍ना 20:1

धा धी़न्‍डागी ङीमा धाङपोगोला ॱनाम माला एन्‍ला, मीरीयाम माक्‍दालीनी धी़ठोदु होवालाक धेनी धी़ठोने धोगोङगो ॱहाला री-री श्‍याक्‍सा थोवालाक।

२ तीमोथेउ 2:19

हीना “चोवोगी राङगी मीक्‍याला खेन्‍दालाक।” धेनी “चोवोगी छेन भो़गीनक्‍या लेङेनक्‍या पाङास्‍योक” ॱनेरी ढीक्‍टा को़न्‍क्षोकगी चीक्‍माङगो तेन्‍पो झ्‍येरी ॱनेलालाक।

ॱङो़न्‍पा 20:3

लो च्‍यीक तोङगो माजोक्‍कीन थुक्‍पे, होदेगी मीरीकक्‍याला ॱमीली़वास्‍योक ॱनेरी, नाम्‍खे भाङछेनगी होदेला थी मेगीन, दोङ-दोङ नाङदु ॱयुक्‍पालाक धेनी दोङ-दोङगोला घोजा ग्‍याप्‍ती थेचे ग्‍याप्‍पालाक। होदे स्‍याम्‍ने धी़ तीते च्‍यीकगी क्षीदु, होदेला टो घोगुलाक।