मेथा 27:54 - ॱलोवा

⁵⁴ धा ॱमाक्‍मीगी ग्‍यापो़न धाङ खी़मुला येशुला ॱरुङगीनक्‍याई, सायोम ग्‍याप्‍कीन धाङ घी झ्‍युङगीन घीरी थोवालाक। धेनी खुङक्‍या जीक्‍टागी खारी ॱनेवालाक, “दे नी ॱङोन्‍नेगी को़न्‍क्षोकगी से हीन्‍दाराक!”

मेथा 27:54 ပူးပေါင်းရင်းမြစ်များ

मेथा 26:63

हीना येशुगी घीया ॱमासुवालाक। धेनी चो क्षो़पो़नगी खोङबाला ॱनेवालाक, “ङा को़न्‍क्षोक सो़न्‍पोला ॱना क्‍यारी ॱनाहीन, ख्‍यो़ को़न्‍क्षोकगी से मास्‍यीकागो हीने, हेक्‍याला स्‍यो़क?”

मेथा 27:36

धेनी खुङक्‍या होदुरु खोङबाला ॱरुरी धेपालाक।

मेथा 27:40

ॱनेवालाक, “ख्‍यो़ को़न्‍क्षोकगी क्षो़खाङला स्‍यीक्‍ती श्‍याक्‍मो सुमला चीक थुप्‍कीन ख्‍यो़, राङला क्‍योप! ख्‍यो़ को़न्‍क्षोकगी से हीन्‍ना ग्‍याङस्‍यीङने माला भाप्‍ती स्‍योक।”

मेथा 27:43

खी़ को़न्‍क्षोकला ॱलोते झ्‍येरी, ‘ङा नी को़न्‍क्षोकगी से हीन।’ ॱनेरी ॱनालाक। धा को़न्‍क्षोकगी थुक ॱङेना, धान्‍दा खोला थारपा जेदास्‍योक।”

मेथा 27:51

धा होदे घाङलाराङ को़न्‍क्षोकगी क्षो़खाङ नाङगी योल्‍वा, गोने गाप थुक्‍पे दुबु ॱङीला रावालाक। धेनी सायोम ग्‍याप्‍पालाक धेनी डाकक्‍या गेवालाक।

मेथा 4:3

धेनी छो़ता लेन्‍गीनगो होरी, खोङबाला ॱनेवालाक, “खेराङ को़न्‍क्षोकगी से हीन्‍ना, दे धोगोङक्‍या ग्‍याङगाला ग्‍युरयेगी का ॱनाङाजे।”

मेथा 8:5

धेनी येशु काफारनाहुमदु फेप्‍ती, ग्‍यापो़न च्‍यीक खोङबागी डुङदु च्‍यारती श्‍यी़वालाक,

मारकु 15:39

येशुगी डुङदु लारी धेता ग्‍यापो़नगी, खोङबा सुङकेक क्षे तो़न्‍दी उप ताङगीनगो थोरी ॱनेवालाक, “दे मी दे नी, ॱङोन्‍नेराङ को़न्‍क्षोकगी से लाक।”

लुका 22:70

धेनी खुङ घीरीगी ॱनेवालाक, “देरे हीन्‍ना, ख्‍यो़ को़न्‍क्षोकगी से ले?” खोङबागी खुङक्‍याला सुवालाक, “ङा हीन्‍गीनगो खेक्‍याराङ ॱनालाक।”

योहान्‍ना 19:7

याहुदापाक्‍याई खोला लेन ग्‍याप्‍पालाक, “हेला क्षो़ठीम च्‍यीक हो़तालाक धेनी क्षो़ठीम देला ताना, खो स्‍यीघोगुलाक घीझ्‍येरी ॱनाना खी़ खोराङला को़न्‍क्षोकगी से हीन ॱनालाक।”

जेपा 10:1

केसारयारु कोरनेलीहु ॱनागीन मी च्‍यीक हो़तालाक। खो ईटालीपा ॱमाक्‍छोकगी ग्‍यापो़न च्‍यीक लाक।

जेपा 2:37

पेटोगी ॱनागीन लाब ॱहाघोरती मीक्‍याई सेम कीदा माझ्‍युवालाक। धेनी खुङक्‍याई पेटो धाङ श्‍येम्‍मा कुछापक्‍याला ढीवालाक, “पी़नक्‍याओ, देरे हीन्‍ना धा हेक्‍या घी झ्‍यीये?”

जेपा 21:32

धेनी खो उक्‍कुरा ॱमाक्‍मीक्‍या धाङ ग्‍यापो़नक्‍या ठीक्‍ती भाङ तारी मीक्‍याचारु सोवालाक। खुङक्‍या हुङगीन थोरी मीक्‍याई पाउलुला श्‍युरयेगो भोरपालाक।

जेपा 23:17

धेनी पाउलुगी ग्‍यापो़न च्‍यीकला केक तारी ॱनेवालाक, “दे ख्‍योक्‍तोङला ॱमाक्‍पो़नचारु ठीक्‍ती सोङ। खो ॱमाक्‍पो़नला लाब च्‍यीक स्‍येये हो़तालाक।”

जेपा 23:23

होदे स्‍याम्‍ने ॱमाक्‍पो़नगी ॱमाक्‍मी ॱङीला केक तारी का ॱनावालाक, “केसारयारु धीरीङ घोमु छुची घुवाला डोयेला ॱमाक्‍मी ङीग्‍या धाङ ताला श्‍यो़न्‍गीन ॱमाक्‍मी धी़न्‍चु धाङ दुङ खेरकीन ॱमाक्‍मी ङीग्‍या डाढीक झ्‍यी।

जेपा 27:1

हेक्‍या ईटाली ग्‍याखापला डोये ढो़ झ्‍युरी, खुङक्‍याई पाउलुला श्‍येम्‍मा चो़न्‍पाक्‍यामुला युलीयु ॱनागीन, रोमापा ग्‍यावुगी ॱमाक्‍मीक्‍याई ग्‍यापो़नगी लागाला ची ग्‍याप्‍पालाक।

जेपा 27:43

हीना ग्‍यापो़नगी पाउलुला क्‍योप्‍येगी दो़पा झ्‍येरी, ॱमाक्‍मीक्‍याई ढो़गो खी़ डुप्‍तु ॱमाच्‍युक्‍पालाक। धेनी खी़ क्‍या ग्‍याप थुप्‍कीनक्‍याला क्षुला क्षोरी, एन्‍ला सा काम्‍बोला सोङ ॱनेरी का ॱनावालाक।

रोमापा 1:4

येशु मास्‍यीका होरी चोवो नी, छीवाने ॱलार सो़न्‍पो श्‍याङा जेदी, धाम्‍पे थुक्‍ङीगी गोने नी़थुगी नाङ को़न्‍क्षोकगी से को़वालाक।

ॱङो़न्‍पा 11:13

होदे धी़लाराङ सुङगु क्षे च्‍यीक सोवालाक धेनी ग्‍याजागी दुबु च्‍युने च्‍यीक धीप्‍पालाक। धेनी सुङगुगोला मी तोङ धी़न स्‍यीवालाक। धेनी ल्‍हाक्‍मा ल्‍हाक्‍लाक्‍या जीक्‍पालाक धेनी खुङक्‍याई नाम्‍खे श्‍यीङखामगी, को़न्‍क्षोकला तो़पा पुवालाक।