मेथा 26:63 - ॱलोवा

⁶³ हीना येशुगी घीया ॱमासुवालाक। धेनी चो क्षो़पो़नगी खोङबाला ॱनेवालाक, “ङा को़न्‍क्षोक सो़न्‍पोला ॱना क्‍यारी ॱनाहीन, ख्‍यो़ को़न्‍क्षोकगी से मास्‍यीकागो हीने, हेक्‍याला स्‍यो़क?”

मेथा 26:63 ပူးပေါင်းရင်းမြစ်များ

मेथा 16:16

सीमोन पेटोगी ॱनेवालाक, “खेराङ नी मास्‍यीका, सो़न्‍पो को़न्‍क्षोकगी सेगो लाक।”

मेथा 26:62

धेनी चो क्षो़पो़न याला लारी येशुला ॱनेवालाक, “ख्‍यो़ला लेन ग्‍याप्‍येला घीया मेते? दे मी देगी ख्‍यी़ कोरला, देरे पाङपो तेरकीन दे घी ले?”

मेथा 27:12

हीना क्षो़पो़न क्षेक्‍या धाङ मी गेम्‍पाक्‍याई, खोङला क्‍यो़न काली घाङला, खोङबागी कालेन च्‍यीया ॱमानावालाक।

मेथा 27:14

हीना खोङबागी क्‍यो़न्‍जुक च्‍यीकगीया कालेन ॱमासुवालाक। होझ्‍येरी चीख्‍यापगो ॱमीच्‍यीकी ॱहालेवालाक।

मेथा 27:40

ॱनेवालाक, “ख्‍यो़ को़न्‍क्षोकगी क्षो़खाङला स्‍यीक्‍ती श्‍याक्‍मो सुमला चीक थुप्‍कीन ख्‍यो़, राङला क्‍योप! ख्‍यो़ को़न्‍क्षोकगी से हीन्‍ना ग्‍याङस्‍यीङने माला भाप्‍ती स्‍योक।”

मेथा 27:43

खी़ को़न्‍क्षोकला ॱलोते झ्‍येरी, ‘ङा नी को़न्‍क्षोकगी से हीन।’ ॱनेरी ॱनालाक। धा को़न्‍क्षोकगी थुक ॱङेना, धान्‍दा खोला थारपा जेदास्‍योक।”

मेथा 27:54

धा ॱमाक्‍मीगी ग्‍यापो़न धाङ खी़मुला येशुला ॱरुङगीनक्‍याई, सायोम ग्‍याप्‍कीन धाङ घी झ्‍युङगीन घीरी थोवालाक। धेनी खुङक्‍या जीक्‍टागी खारी ॱनेवालाक, “दे नी ॱङोन्‍नेगी को़न्‍क्षोकगी से हीन्‍दाराक!”

मेथा 4:3

धेनी छो़ता लेन्‍गीनगो होरी, खोङबाला ॱनेवालाक, “खेराङ को़न्‍क्षोकगी से हीन्‍ना, दे धोगोङक्‍या ग्‍याङगाला ग्‍युरयेगी का ॱनाङाजे।”

मारकु 14:61

हीना येशुगी घीया ॱमासुवा कालेन ॱमानावालाक। याङ चो क्षो़पो़नगी खोङबाला ढीवालाक, “ख्‍यो़ नी झ्‍यीलापचेनगी से मास्‍यीकागो ले?”

योहान्‍ना 1:34

धेनी ङी होदे ज्‍याजुङ धेनी खोङबाराङ को़न्‍क्षोकगी से लाक ॱनेरी ङा पाङपो झ्‍यीदाहीन।”

योहान्‍ना 1:49

नाथानेलगी ॱनेवालाक, “राब्‍बी, खेराङ को़न्‍क्षोकगी सेगो लाक। खेराङ ईस्‍राएलगी ग्‍यावुगो लाक।”

योहान्‍ना 10:24

याहुदापा पो़न्‍पोक्‍या खोङबागी थाकोरला जोम्‍दी, खोङला श्‍यी़वालाक, “खेराङ नाम थुक्‍पे हेला थेचुम केरु च्‍युक्‍ये? खेराङ मास्‍यीकागो हीन्‍ना हेला सावो सुङाजे।”

योहान्‍ना 10:30

ङा धाङ याप नी च्‍यीक हीन।”

योहान्‍ना 10:36

को़न्‍क्षोकगी धाम्‍पा जेदी जीक्‍तेनदु ॱङाक्‍ङा ङी, ‘ङा को़न्‍क्षोकगी से हीन।’ ॱनागीनगोला, खेक्‍या ङाला को़न्‍क्षोकला कुरवा धेबी, ॱनेरी घीझ्‍येरी क्‍यो़न चुक्‍वाले?

योहान्‍ना 18:37

पीलातुगी खोङबाला श्‍यी़वालाक, “धा हाना, ख्‍यो़ ग्‍यावु च्‍यीक ले?” येशुगी सुवालाक, “खेराङ राङगी ङा ग्‍यावु च्‍यीक लाक ॱनेरी सुजुङ। ङा धेन्‍पागी़ पाङपो झ्‍यीयेगी क्षीला केवालाक धेनी देगी क्षीलाराङ, ङा जीक्‍तेनदु होवाहीन। धेन्‍पागी हीन्‍गीनक्‍याई ङी काला ङेन्‍दालाक।”

योहान्‍ना 19:7

याहुदापाक्‍याई खोला लेन ग्‍याप्‍पालाक, “हेला क्षो़ठीम च्‍यीक हो़तालाक धेनी क्षो़ठीम देला ताना, खो स्‍यीघोगुलाक घीझ्‍येरी ॱनाना खी़ खोराङला को़न्‍क्षोकगी से हीन ॱनालाक।”

योहान्‍ना 19:9

खो धाब्‍ले फोडाङ नाङदु जुरी येशुला ढीवालाक, “ख्‍यो़ घाने हीनो?” हीना येशुगी लेन च्‍यीया ॱमासुवालाक।

योहान्‍ना 20:31

हीना येशु, मास्‍यीका धाङ को़न्‍क्षोकगी सेगो लाक धेनी खोङबाला धेपा झ्‍येरी, खोङबागी छेनने खेक्‍याला थामेपे छेसोक थोप्‍कीलाक ॱनेरी खीकी धेपा झ्‍यीयेला, ङी देक्‍या ढीक हो़क।

योहान्‍ना 6:69

धेनी खेराङ को़न्‍क्षोकगी धाम्‍पागो लाक ॱनेरी, हेक्‍या धेपा झ्‍यीदीहो़क धेनी दे हेक्‍याला स्‍येयेहो़क।”

योहान्‍ना 8:25

होझ्‍येरी खुङक्‍याई खोङबाला, “खेराङ सु हीनो?” ॱनेरी श्‍यी़वालाक। येशुगी खुङक्‍याला सुवालाक, “ङी खेक्‍याला गोमाने ॱनागीनगोराङ हीन।

२ कोरीन्‍थुपा 1:19

घीझ्‍येरी ॱनाना खेक्‍याई खोक्‍दु ङा, सीलवानु धाङ तीमोथेउगी ताम्‍शाङ स्‍येस्‍या, को़न्‍क्षोकगी से, येशु मास्‍यीका नी “लाक” धाङ “मालाक” ॱनेरी मालाक हीना खोङगी नाङ च्‍योई “लाक” च्‍यीगा हुङालाक।

१ पेटो 2:23

खुङक्‍याई मास्‍यीकाला ॱमेबेप ताङी घाङला, खोङबागी लेन ॱलोक्‍वा माजेपालाक। धेनी दुक्‍पु ङ्याङी घाङला, खोङबागी जीक्‍टा ॱमाकुवालाक। हीना ढाङतेनगी ठीम थाक जेगीनला ॱलो का जेपालाक।