मेथा 26:55 - ॱलोवा

⁵⁵ होदे धी़चो़ला येशुगी मीछोकक्‍याला सुवालाक, “झ्‍याक्‍पा च्‍यीकला शीम्‍दु डुगीन च्‍योक्‍रे, राल्‍डी धाङ ग्‍युक्‍पा खेरती खेक्‍या ङाला शीम्‍दु हुङाले? श्‍याक्‍मो-श्‍याक्‍मोला ङा को़न्‍क्षोकगी क्षो़खाङदु धेती ॱलाबालाक धेनी खेक्‍याई ङाला शीम्‍गी मीदुक।

मेथा 26:55 ပူးပေါင်းရင်းမြစ်များ

मेथा 21:23

धेनी येशु को़न्‍क्षोकगी क्षो़खाङ नाङदु फेप्‍ती, होदुरु क्षो़ सुङी घाङला क्षो़पो़न क्षेक्‍या धाङ मीमाङक्‍याई गेम्‍पाक्‍या, खोङबाचारु च्‍यारती श्‍यी़वालाक, “सी़ आङजाने ख्‍यो़ दे घीरी झ्‍यीदा धेनी देरे आङजा ख्‍यो़ला सी़ तेरजो?”

मेथा 26:47

येशु कामो़न सुङी घाङला, ङेने च्‍युङङीने च्‍यीक युदा ॱनागीनगो क्षो़पो़न क्षेक्‍या धाङ मी गेम्‍पाक्‍याई ताता मीछोक माङा च्‍यीक राडी धाङ ग्‍युक्‍पा खेरती, हुङगीनक्‍यामुला होवालाक।

मारकु 10:1

धेनी येशु होदेने योरदान चाङबु ॱहाकीनगी, युदेया युदु फेप्‍पालाक। धेनी याङ मीछोक माङा खोङबागी डामदु जोम्‍बालाक। धेनी च्‍योई च्‍योक्‍रे, खोङबागी खुङक्‍याला क्षो़ ॱनाङा जेपालाक।

मारकु 12:35

क्षो़खाङ नाङदु ॱलापच्‍या ॱनाङी घाङला येशुगी सुवालाक, “मास्‍यीका नी दावीदगी भीजा लाक ॱनेरी, क्षो़ठीमगी ॱलोपो़नक्‍या घाङगी झ्‍येरी ॱना थुक्‍वाले?

लुका 19:47

धेनी येशु ङीमा तेनग्‍याङ क्षो़खाङदु क्षो़ सुङी हो़तालाक। हीना क्षो़पो़न क्षेक्‍या धाङ क्षो़ठीमगी ॱलोपो़नक्‍या धाङ होदे लुङबागी पो़न्‍पोक्‍याई, खोङबाला सेये थापस्‍यी झ्‍यीदी हो़तालाक।

लुका 20:1

ङीमा च्‍यीक, येशु क्षो़खाङदु मीक्‍याला क्षो़ सुङी हो़तालाक धेनी ताम्‍शाङगो स्‍येदी घाङला, क्षो़पो़न क्षेक्‍या धाङ क्षो़ठीमगी ॱलोपो़नक्‍यामुला गेम्‍पाक्‍या खोङबाचारु होरी

लुका 4:20

धेनी येशुगी धेबगो टीरी श्‍याप्‍तोक्‍पा च्‍यीकला ची ग्‍याप्‍ती, खोङबा श्‍युक्‍पालाक। धेनी छोक्‍खाङ नाङ हो़गीन घीरीगी खोङबाला तेरी धेबालाक।

योहान्‍ना 7:14

धेनी धी़छेनगी फे चो़ला येशु क्षो़खाङ नाङदु फेप्‍ती, क्षो़ ॱनाङये गो चुक्‍पालाक।

योहान्‍ना 7:28

होझ्‍येरी क्षो़खाङगी नाङदु क्षो़ सुङी घाङला, येशुगी सुङकेक क्षेला सुङा जेपालाक, “ङा सु हीन्‍गीन धाङ ङा घाने हुङगीनगो, खेक्‍याला स्‍येये हो़तालाक। ङा ङाराङ राङश्‍यीगी होवामेन हीना ङाला ॱङाक्‍कीनगो धेन्‍पा हीन। धेनी खेक्‍याई खोङला ङो ॱमेस्‍येलालाक।

योहान्‍ना 8:2

ॱङारोक ॱङात्‍ती याङ, खोङबा क्षो़खाङदु फेप्‍पालाक। धेनी मी घीरी खोङबागी डुङदु होवालाक धेनी खोङबा श्‍युक्‍ती क्षो़ सुवालाक।

योहान्‍ना 8:20

येशुगी सुङ देक्‍या क्षो़खाङगी ॱङु पुजागी डामदु क्षो़ सुङा जेपालाक। धेनी खोङबागी धी़गो, धोराङा मारीन्‍बा सी़या खोङबाला माशीम्‍बालाक।