मेथा 26:46 - ॱलोवा

⁴⁶ लोङ, ता डो। तो़दाङ, ङाला डागी लाक्‍पाला ची ग्‍याप्‍कीनगो ङ्येलाराङ दुक।”

मेथा 26:46 ပူးပေါင်းရင်းမြစ်များ

मेथा 26:45

धेनी खोङबागी ङेनेक्‍याचारु फेप्‍ती सुवालाक, “खेक्‍या धोराङा ङ्यारी ॱङा सुरी धेताले? तो़दाङ, धी़चो़गो ॱलेप्‍सादुक। मी-भु धीक्‍चेनक्‍याई लाकदु ची ग्‍याप्‍कीलाक।

मेथा 26:47

येशु कामो़न सुङी घाङला, ङेने च्‍युङङीने च्‍यीक युदा ॱनागीनगो क्षो़पो़न क्षेक्‍या धाङ मी गेम्‍पाक्‍याई ताता मीछोक माङा च्‍यीक राडी धाङ ग्‍युक्‍पा खेरती, हुङगीनक्‍यामुला होवालाक।

मारकु 14:42

लोङ, धेनी डो। ङाला डागी लाक्‍पाला ची ग्‍याप्‍कीन मी होसादुक।”

लुका 12:50

ङा ठी़सो़ च्‍यीक लेन्‍घोये हो़क। होदे ठी़सो़ माडुप थुक्‍पे, ङाला ॱमीच्‍यीकी ङ्या क्षे दुक।

लुका 22:15

खोङबागी खुङक्‍याला सुवालाक, “ङा दुक्‍पु ङ्याङयेगी एन्‍ला, खेक्‍यामुला दे पेसाकगी धी़छेनगी श्‍येलाक दे शायेला, ङी ॱङीङ थाक्‍पाने दो़पी।

लुका 22:21

हीना तो़, ङाला डागी लागाला ची ग्‍याप्‍तु च्‍युक्‍कीन मीगो, ङी मुलाराङ श्‍येलाकला धेदुक।

लुका 9:51

येशुगी नाम्‍खे श्‍यीङखामला फेप्‍ये धी़चो़गो ॱलेप्‍ये झ्‍यीदी घाङला, खोङबागी येरुसालेमला डोये ॱनेरी थाक चेवालाक।

योहान्‍ना 14:31

हीना ङा यापला चेवा झ्‍यीदाहीन ॱनेरी, जीक्‍तेनगी ॱहाघोरयेगी क्षीला, ङा यापगी का ॱनाङगीन च्‍योक्‍रे झ्‍यीदाहीन। धा लोङ, होराङ देने ॱहाला डोउ।”

योहान्‍ना 21:20

पेटोगी खा ॱलोक्‍ती येशुगी झाम्‍पा जेगीन ङेनेगो, खुङक्‍याई स्‍याबाला हुङगीनगो थोवालाक। थामे श्‍येलाकला येशुगी डामला ॱङेरी धेती खोङबाला, “चोवो, खेराङला डागी लाक्‍पाला ची ग्‍याप्‍ये झ्‍यीगीनगो सुले?” ॱनेरी ढीगीन ङेनेगो खो राङ लाक।

जेपा 21:13

हीना पाउलुगी ॱनेवालाक, “घीझ्‍येरी खेक्‍या ङी़री ङी सेम ॱमीकीदा शोवाले? ङा येरुसालेमदु चो़न्‍खाङदु धाक्‍येला च्‍यीगा मेन्‍दा, ङारी चोवो येशुगी छीला स्‍यीयेला डाढीक हो़क।”