मेथा 26:28 - ॱलोवा

²⁸ घीझ्‍येरी ॱनाना दे नी, धाम्‍चा साबागी ङी ठाक हीन। ठाक दे माङक्षेगी, धीक्‍पा सेयेगी क्षीला थो़न्‍गीलाक।

मेथा 26:28 ပူးပေါင်းရင်းမြစ်များ

मेथा 20:28

होझ्‍येरी मी-भुगोवा श्‍याप्‍ची लेन्‍दु होवा मेन्‍दा, श्‍याप्‍ची श्‍युरु होवालाक धेनी मी माङागी थारपागी क्षीला, राङगी ॱरोक पुरु होवालाक।”

मेथा 26:27

धेनी खोङबागी फोरा च्‍यीक ॱनुम्‍दी, को़न्‍क्षोकला काटीन्‍क्षे श्‍यी़वालाक। धेनी खुङक्‍याला तेरती सुवालाक, “खेक्‍या घीरी देने थुङ।

मेथा 26:29

ङा खेक्‍याला ॱनाहीन, ङी यापगी ग्‍यासी नाङदु घुन्‍क्षाङ साबा खीकीमुला ॱमीथुङगीन ङीमा थुक्‍पे, ङा घुन्‍क्षाङ दे धाब्‍ले ॱमीथुङ।”

मेथा 6:12

हीकी श्‍येनगी नोन्‍डु सेल्‍गीन च्‍योक्‍रे, हीकी धीक्‍पाक्‍या सेल्‍वा जे।

मारकु 1:4

ठी़सो़ ॱनाङगीन योहान्‍नागी रीतोङदु होरी, मीक्‍याला ठी़सो़ तेरपालाक धेनी राङगी धीक्‍पा सेल्‍येला, राङगी धीक्‍पा पारी सेम ग्‍युरयेगी, ठी़सो़गी क्षो़ स्‍येपालाक।

मारकु 14:24

धेनी येशुगी सुवालाक, “दे नी धाम्‍चा साबागी ङी ठाक लाक। दे मी ॱमीच्‍यीकी माङागी छीला ॱलुक्‍कीलाक।

लुका 22:19

देने खोङबागी ग्‍याङगा च्‍यीक क्षाकला ॱनुम्‍दी, को़न्‍क्षोकला थुक्‍जेक्षे पुरी च्‍याक्‍पालाक धेनी खुङक्‍याला देरे सुरी ॱनावालाक, “दे खेक्‍याई दो़न्‍दु झ्‍यीम्‍बा ताता ङी ली़ लाक। ङाला ढेन्‍सो़ झ्‍यीयेला खेक्‍या देरे झ्‍यी।”

लुका 22:20

होझ्‍येरीराङ श्‍येलाक शेछारती, खोङबागी श्‍यागा ॱनुम्‍दी सुवालाक, “दे फोरा दे खीकी दो़न्‍दु ॱलुक्‍ला, ङी ठाकगी गोने धाम्‍चा साबागो लाक।

रोमापा 5:15

हीना आदामगी धीक्‍पा धाङ को़न्‍क्षोकगी ॱनाङज्‍यीन ॱङीउ मेडालालाक। घीझ्‍येरी ॱनाना मी च्‍यीकगी धीक्‍पागी झ्‍येरी मी माङा स्‍यी हो़ना, येशु मास्‍यीका च्‍यीकगी थुक्‍जेगी थोक्‍ने, को़न्‍क्षोकगी थुक्‍जे धाङ ॱनाङज्‍यीनगो देले ल्‍हाक मीक्‍याला थोप्‍पालाक।

रोमापा 5:19

घीझ्‍येरी ॱनाना मी च्‍यीकगी काला ॱमाचीगीन केनगी, मी माङा धीक्‍चेन झ्‍युजा च्‍योक्‍रे, मी च्‍यीकगी काला ङेन्‍गीनगी मी माङा ढाङपो चीगीलाक।

१ कोरीन्‍थुपा 11:25

देरेराङ झ्‍येरी श्‍येछारती खोङबागी फोरागो ॱनुम्‍दी देरे सुवालाक, “दे फोरा नी, ङी ठाकला हो़गीन धाम्‍चा साबागो हीन। खेक्‍याई दे नाम थुङना, ङी ढेन्‍सोगी क्षीला झ्‍यी।”

एफीसुपा 1:7

को़न्‍क्षोकगी ढाङमेगी थुक्‍जेला तेन्‍ती, मास्‍यीकागी कुठाकगी थोक्‍ने होराङला थारपा हो़तालाक धेनी होरी धीक्‍पाक्‍याई घोयाङ हो़तालाक।

कोलोसेपा 1:14

सेगी थोक्‍ने, होराङला थारपा धाङ धीक्‍पागी घोयाङ हो़तालाक।

कोलोसेपा 1:20

धेनी को़न्‍क्षोकगी खोङगी ग्‍याङस्‍यीङगी कुठाकगी थोक्‍ने, श्‍यीदे जेदी साश्‍यी याङना नाम्‍खे श्‍यीङखामगी घीरी, खोङगी थोक्‍ने राङमुला दोमा जेपालाक।

ईब्‍रीपा 10:29

धा को़न्‍क्षोकगी सेला काङबा होकला श्‍याक्‍कीन धाङ राङला धाम्‍पा जेगीन, धाम्‍चागी कुठाकगोला ॱमेचाङा चीगीन धाङ थुक्‍जेगी थुक्‍ङीला ॱमेटा ताङगीनक्‍याला, देने घाजो़ ल्‍हाक छेपा फोक्‍यी हो़टी़ ॱनेरी, खेराङक्‍याराङ साम्‍लो तोङदाङ।

ईब्‍रीपा 13:20

धा लुकगी लुक्‍जी क्षेन्‍बो हीन्‍गीन होरी, चोवो येशुला थामेपे धाम्‍चागी कुठाकगी थोक्‍ने, छीवाने कुसो़न्‍पो श्‍याङा जेगीन श्‍यीदेगी को़न्‍क्षोकगी,

ईब्‍रीपा 9:28

मास्‍यीका मी माङागी धीक्‍पा खुरयेला, थेङ च्‍यीक्‍लाराङ ॱमारछो़ झ्‍युवालाक। धेनी धीक्‍पा खुरयेगी क्षीदु मेन्‍दा, हीना खोङबाला घुक्‍ती धेताक्‍याला क्‍योप्‍येगी क्षीदु, खोङबा याङ थेङ ॱङीवा ॱङो़न जेगीलाक।

१ योहान्‍ना 2:2

खोङ नी होरी धीक्‍पाक्‍या सेल्‍येगी क्षीदु, धीकस्‍याकगी ॱमारछो़गो लाक धेनी होरी क्षीदु च्‍यीगा मेन्‍दा, जीक्‍तेन हो़लेगी धीक्‍पाक्‍याई क्षीदु लाक।

ॱङो़न्‍पा 7:14

ङी खोङला ॱनेवी, “ॱलोपो़न ला, खेराङ राङ खेन्‍दालाक।” धेनी खोङगी ङाला सुजुङ, “देक्‍या नी, दुक्‍पु क्षेने थो़न्‍दी होवाक्‍या लाक। धेनी खुङक्‍याई राङगी घो़, लुक्‍टुगी ठाकला ठी़री काउ शो़ हो़तालाक।”

ॱङो़न्‍पा 7:9

होदे स्‍याम्‍ने सी़याः ढाङगा ग्‍याप ॱमीथुक्‍कीन, मीरीक हो़ले धाङ ग्‍युपा हो़ले धाङ मीमाङ हो़ले धाङ केरीक हो़लेगी, मीछोक क्षे च्‍यीक श्‍युक्‍ठी धाङ लुक्‍टुगी दोङदु लारी धेगीनगो, ङी थोजुङ। धेनी खुङक्‍या घो़ काउ घो़न्‍दी, लाक्‍पारु स्‍यीङ तालागी याकाक्‍या खेरती धेदुक।