मेथा 26:10 - ॱलोवा

¹⁰ हीना येशुगी दे खेन्‍दी खुङक्‍याला सुवालाक, “खेक्‍या मोला घीझ्‍येरी दुक्‍पु तेरा? मी़ ङी क्षीला ले शाङा च्‍यीक झ्‍येदुक।

मेथा 26:10 ပူးပေါင်းရင်းမြစ်များ

मेथा 26:11

घीझ्‍येरी ॱनाना उटेक्‍या च्‍योई खीकीमुला हुङालाक हीना ङा खेक्‍यामुला च्‍योई हुङगीमालाक।

मेथा 26:9

दे चोङ हो़ना, ॱमीच्‍यीकी रीङक्षे खुक्‍ये हो़क धेनी होदे आलेगो उटेक्‍याला तेरये हो़तालाक।”

मारकु 14:6

हीना येशुगी सुवालाक, “मोला भोर। खेक्‍या घीझ्‍येरी मोला दुक्‍पु तेराले? मी़ ङाला लेगा शाङपो च्‍यीक झ्‍येदुक।

लुका 8:49

खोङबा कामो़न सुङी घाङला छोक्‍खाङगी पो़न्‍पोगी़ नाङने मी च्‍यीक होरी ॱनेवालाक, “खेराङगी भोमो ढोजुङ। धा ॱलोपो़नला काल्‍ले ताङा माजे।”

२ कोरीन्‍थुपा 9:8

धेनी खेक्‍याला घो़गीन घीरी च्‍योई मेछो़ली हुङये धाङ ले शाङा घीरीगी क्षीदु, खेक्‍याई मेछो़ली पु थुक्‍वास्‍योक ॱनेरी, को़न्‍क्षोकगी खेक्‍याला झ्‍यीलाप हो़लेगो मेछो़ली ॱनाङ जे थुक्‍वालाक।

गालातीयापा 1:7

ताम्‍शाङ श्‍येम्‍मा नी, हो़या मेतालाक हीना मी रीङगागी खेक्‍याला टुक्‍ती, मास्‍यीकागी ताम्‍शाङगोला ॱयो़ये झ्‍यीदीक।

गालातीयापा 5:12

खेक्‍याला टुक्‍कीनक्‍याई राङगी पाउ चेये च्‍यीगा मेन्‍दा, ज्‍याराङ चेना ढीक्‍येहो़क।

गालातीयापा 6:17

ङी शुला येशुगी ॱमागी ताकक्‍या हो़गीन झ्‍येरी, धा देने ॱहाला सी़या ङाला दुक्‍पु ॱमाताङास्‍योक।

एफीसुपा 2:10

घीझ्‍येरी ॱनाना होराङ ले शाङाक्‍याई क्षीला, मास्‍यीका येशु नाङ को़का को़न्‍क्षोकगी क्षाक्‍शो़ लाक। धेनी देरे झ्‍यीयेला खोङबागी होराङला एम्‍मानेराङ डाढीक जेपालाक।

कोलोसेपा 1:10

धेनी चोवोला कुरती हुङगीन मीछे पी़ये धाङ खोङबाला घीरीने थुक घेरु च्‍युक्‍ये धेनी ले शाङा घीरीला, ढेबु केये धाङ को़न्‍क्षोकगी स्‍येयो़नला, खेक्‍या छारती डोयेगी क्षीला, हेक्‍या ॱमो़लाम ग्‍यावीहो़क।

२ थेसालोनीकेपा 2:17

खेक्‍याला सेम्‍सो ॱनाङास्‍योक धेनी च्‍योई ले शाङपो झ्‍यीये धाङ ढाङपो स्‍येयेला, स्‍युक ॱनाङास्‍योक।

१ तीमोथेउ 3:1

“क्षो़छोकगी तातोक्‍पा झ्‍युङङी दो़गीनगी, ले शाङा च्‍यीक दो़दालाक” ॱनागीन लाब दे ॱलो खेलादुक।

१ तीमोथेउ 5:10

धेनी मी़ टुवाक्‍या सो़क्‍योङ झ्‍येजा धाङ डो़न्‍बोक्‍याला झाम्‍पा झ्‍येजा धाङ धेपा झ्‍यीगीन धाम्‍पा मीक्‍याई श्‍याप ठी़ठा धाङ दुक्‍पु ङ्याङगीनक्‍याला रोवा झ्‍येजा धाङ ले शाङा घीरीला दो़नाङ तेरता, देरे ले शाङाक्‍याई क्षीला मी़ मीङडाक क्षे हुङ घोगुलाक।

२ तीमोथेउ 2:21

ॱमेचाङा घीरीने राङला चाङमा झ्‍यीगीन मीगो, धी़ शाङागी क्षीला भेचो़ झ्‍युरी धेनी धाम्‍पा जेगीलाक। खीमगी दाक्‍पोगी क्षीला, फेन्‍थोवा धाङ ले शाङा घीला हीन्‍ना डाढीक झ्‍युङगीलाक।

तीतोस 1:16

मी होदेरेक्‍या को़न्‍क्षोकला ङो स्‍येयेहो़क ॱनालाक हीना खुङक्‍याई लेगाक्‍याई, को़न्‍क्षोकला खे लेन्‍गीनगो ॱमेतो़न्‍दालाक। खुङक्‍या ॱमीच्‍यीकी आम्‍लोवा धाङ खाला मेङेन्‍गीन धाङ लेगा शाङपो घीरीला, फेन ॱमेथोक्‍कीन हुङालाक।

तीतोस 2:14

धेनी होरी धीक्‍पा घीरीने थारपा ॱनाङयेला धाङ होराङला चाङमा शो़री, खोङबा खोराङगी क्षीला मीरीक जेयेला धाङ लेगा ढाङपो झ्‍यीयेला खेलेन झ्‍यीगीन झ्‍युङयेला, मास्‍यीकागी राङगी कुसोक होरी क्षीला ॱलो़ तावालाक।

तीतोस 3:1

पो़न्‍पोक्‍या धाङ आङजा हो़गीन मीक्‍याई होकला धो़क। काला ङेन धेनी ले शाङपो झ्‍यीयेला नाम्‍हीना झ्‍यी छोक-छोक झ्‍येरी धो़क, ॱनेरी खुङक्‍याला ढेन्‍सो़ ॱलोङ।

तीतोस 3:14

ॱहाताक्‍पाला घो़गीनक्‍याला रोवा झ्‍यी थुक्‍येला, होरी मीक्‍या ले शाङा झ्‍यीयेला राङ-राङगी धी़चो़गो लाक्‍लेन झ्‍यी घो़गीलाक। धेनी खुङक्‍या फेन ॱमेथोक्‍कीन झ्‍युङगीमालाक।

तीतोस 3:8

दे लाब दे धेन्‍पा लाक। धेनी को़न्‍क्षोकला धेपा झ्‍यीगीन मीक्‍या ले शाङा झ्‍यीयेला दो़पा हुङास्‍योक, ॱनेरी दे ॱलापच्‍याक्‍याला, ख्‍यो़ स्‍युक ग्‍याप्‍येला ङी दो़पा हो़क। देक्‍या मीक्‍याला शाङपो धाङ फेन थोक्‍वा दुक।

ईब्‍रीपा 13:21

राङगी थुकोङ डुप्‍येगी क्षीदु, खेक्‍याला दो़न शाङा घीरी ॱनाङास्‍योक। धेनी ग्‍युने ग्‍युन्‍दु शीजे हो़गीन येशु मास्‍यीकागी थोक्‍ने, खोङबा को़न्‍क्षोकला थुक्‍ङेउ हो़गीन लेगागो, खेक्‍या नाङ जेदास्‍योक। आमेन।

१ पेटो 2:12

धेनी धेपा मीझ्‍यीगीनक्‍याई खोक्‍दु चो़पा शाङपो झ्‍यी। घीझ्‍येरी ॱनाना खुङक्‍याई खेक्‍याला ङेन्‍पा झ्‍यीगीन ॱनेरी क्‍यो़न च्‍युई घाङला, खुङक्‍याई खीकी ले शाङाक्‍या थोङास्‍योक धेनी को़न्‍क्षोक फेप्‍ये ङीमाला, खुङक्‍याई खोङबाला तो़पा पुलास्‍योक।