मेथा 25:41 - ॱलोवा

⁴¹ “धेनी ग्‍यावुगी़ खोरी ॱयो़न स्‍योकगी मीक्‍याला देरे सुङगीलाक, ‘ॱमेमो फोक्‍पा खेक्‍या, धी़क धाङ खी़ भाङछेनक्‍याई क्षीला स्‍याम्‍दी श्‍याकश्‍या थामेगीन मेला, ङाने डारी सोङ।

मेथा 25:41 ပူးပေါင်းရင်းမြစ်များ

मेथा 13:40

युक्‍पुक्‍या धी़री मेला ॱराक्‍कीन च्‍योक्‍रे, थागी धी़ला देरेराङ झ्‍युङगीलाक।

मेथा 13:42

धेनी मेगी थाप नाङदु ॱयुक्‍कीलाक। साजा होदुरु मी घीरी ङुगीन धाङ सो ढीक्‍कीन हुङगीलाक।

मेथा 13:50

धेनी हादेक्‍याला मेगी थापला ॱयुक्‍कीलाक। होदे साजारु ङुगीन धाङ सो ढीक्‍कीन झ्‍युङगीलाक।

मेथा 18:8

“धेनी ख्‍यी़ लाक्‍पा याङमेना काङबागी ख्‍यो़ला धीक्‍पा झ्‍यीदु च्‍युक्‍ना, होदे चेदी ॱयुक श्‍योक। घीझ्‍येरी ॱनाना लाक्‍पा ॱङी धाङ काङबा ॱङी खेरती, थामेपे मेला ॱयुक्‍वालाः, लाक्‍पा च्‍यीक धाङ काङबा च्‍यीका खेरती, थामेपे मीछे नाङदु जुना घागुलाक।

मेथा 25:42

घीझ्‍येरी ॱनाना ङा तोयी घाङला, खीकी ङाला शामा ॱमातेरजुङ। ङा कोमी घाङला, खीकी ङाला थुङये ॱमातेरजुङ।

मेथा 25:46

धेनी देरे मीक्‍याला थामेपे छेपा फोक्‍कीलाक हीना ढाङतेनक्‍यागो थामेपे छेसोकला डुगीलाक।”

मेथा 3:12

खोङबागी क्षाकला ठोमा ॱनुम्‍दुक धेनी खोङबागी होरा चाङमा जेगीलाक धेनी डोक्‍या दुरी, डुखाङला श्‍याक जेगीलाक हीना फुप्‍माक्‍या नामा ॱमीस्‍यीगीन, मेगी ॱराक जेगीलाक।”

मेथा 4:10

धेनी येशुगी सुवालाक, “सातान, ॱहाला सोङ। घीझ्‍येरी ॱनाना देरे ढीक हो़तालाक, ‘ख्‍यी़ चोवो राङगी को़न्‍क्षोकला क्षाक्‍क्षो़पा पु धेनी खोङबाला च्‍यीगा श्‍याप्‍ची श्‍यी़।’”

मेथा 5:22

हीना ङा खेक्‍याला ॱनाहीन, राङगी पी़नमुला ठो़गीन घीरीला ठीम फोक्‍कीलाक धेनी राङगी पी़नला ॱमेबेप ताङगीनला, छोक्‍क्षेनगी दोङदु ठीम फोक्‍कीलाक धेनी श्‍येम्‍माक्‍याला ‘ख्‍यो़ फेन ॱमेथोक्‍कीन घोल्‍लोवा’ ॱनागीनक्‍या मेगी ॱङ्यावा खोकला डोयेगी ङेन्‍का हो़तालाक।

मेथा 7:23

धेनी ङा खुङक्‍याला सावो ॱनायेहीन, ‘ङी खेक्‍याला नामा ङो ॱमास्‍ये। खे ङेन्‍पा लेगा झ्‍यीगीनक्‍या ङाने ॱहाला सोङ।’

लुका 13:27

धेनी खोङबागी ॱनागीलाक, ‘ङा खेक्‍याला ॱनाहीन, खेक्‍या सु हीन्‍गीन धाङ खेक्‍या घाने हुङगीनगो ङाला स्‍येयेमेक। ङेन्‍पा लेगा झ्‍यीगीन खे घीरी ङाने ॱहाला सोङ।’

लुका 16:24

धेनी क्षुक्‍पु मीगी़ फेरा ग्‍याप्‍ती ॱनेवालाक, ‘याप आब्‍राहाम, ङाला ॱङीङजे जेदी लाजारला झाङरोनाङ धेनी खी़ खोरी जुगो क्षुला चुक्‍ती, ङी च्‍येमो सीसाई जेदु च्‍युक्‍रोनाङ। घीझ्‍येरी ॱनाना ङाला मेचे दी नाङला ॱमीच्‍यीकी दुक्‍पु क्षे दुक।’

योहान्‍ना 8:44

खेक्‍या खेरी याप धी़कगी लाक धेनी खीकी यापगी दो़पा झ्‍यीयेला खेक्‍या दो़दालाक। धी़क नी, थोक्‍मानेराङ ॱरोक चेगीन धाङ धेन्‍पाला ढेवा घीया मेतालाक घीझ्‍येरी ॱनाना खी़ नाङ धेन्‍पा मेतालाक। धेनी खो शोक स्‍येगीन धाङ शोकगी याप झ्‍येरी, खी़ शोक स्‍येदी घाङला राङगी स्‍यीकाला तेन्‍दी स्‍येदालाक।

२ थेसालोनीकेपा 1:7

धेनी खे दुक्‍पु ङ्याङगीनक्‍याला हीकीमुला, खोङबागी ङासु ॱनाङगीलाक। चोवो येशु राङगी तोप स्‍युक्‍चेनगी भाङछेनक्‍यामुला नाम्‍खे श्‍यीङखामने, मेचे भारकीन नाङने ज्‍याली घाङला दे झ्‍युङगीलाक।

२ थेसालोनीकेपा 1:9

चोवोगी ॱमीक्‍वाने धाङ खोङबागी शीजेगी वाङने, खा टारी खुङक्‍याला थामेगीन छीवागी छेपा फोक्‍कीलाक।

ईब्‍रीपा 6:8

हीना होदे साश्‍यीगी छेम्‍मा धाङ युरमा केना, होदे फेन मेगीन धाङ ॱमेमो फोक्‍येगी ङेन्‍का हो़तालाक। धेनी थाला होदे मेगी ॱराक्‍कीलाक।

२ पेटो 2:4

घीझ्‍येरी ॱनाना नाम्‍खे भाङछेनक्‍याई धीक्‍पा झ्‍यीदी घाङला, को़न्‍क्षोकगी खुङक्‍याला ॱलो़ ताङा माजेपालाक हीना खुङक्‍याला ॱङ्यावादु ॱयुक जेपालाक। धेनी ठीम्‍चो़गी ङीमा थुक्‍पेगी क्षीला च्‍याक्‍थाकगी धाम्‍दी, मी़नाकगी नाङला श्‍याक जे हो़तालाक।

१ योहान्‍ना 3:10

ढाङपो हीन्‍गीनगो मीझ्‍यीगीन धाङ राङगी पी़नक्‍याला झाम्‍पा मीझ्‍यीगीन सुवा, को़न्‍क्षोकगी से धाङ सेमो मालाक। दी गोनेराङ, को़न्‍क्षोकगी से धाङ सेमो सु हीन्‍गीन धाङ धी़कगी टुवा सु हीन्‍गीनगो, होरी ङो स्‍येलालाक।