मेथा 25:32 - ॱलोवा

³² मीरीक घीरी खोङगी दोङदु रुप्‍कीलाक धेनी लुक्‍जी च्‍यीकगी राक्‍याई खोक्‍ने, लुकक्‍या पेगीन च्‍योक्‍रे खोङगी मी देक्‍याला ॱयेवा जेगीलाक।

मेथा 25:32 ပူးပေါင်းရင်းမြစ်များ

मेथा 13:49

थागी धी़चो़ला देरे झ्‍युङगीलाक। नाम्‍खे भाङछेनक्‍या फेप्‍ती ङेन्‍पाक्‍या ढाङाक्‍याने ॱयेवा पेगीलाक।

मेथा 28:19

होझ्‍येरी सोङ धेनी मीरीक घीरीला ङेने शो़, धेनी याप धाङ से धाङ धाम्‍पे थुक्‍ङीगी छेनने खुङक्‍याला ठी़सो़ तेर।

मेथा 3:12

खोङबागी क्षाकला ठोमा ॱनुम्‍दुक धेनी खोङबागी होरा चाङमा जेगीलाक धेनी डोक्‍या दुरी, डुखाङला श्‍याक जेगीलाक हीना फुप्‍माक्‍या नामा ॱमीस्‍यीगीन, मेगी ॱराक जेगीलाक।”

योहान्‍ना 10:14

“ङा नी, लुक्‍जी शाङपोगो हीन। यापगी ङाला खेन्‍दालाक। धेनी ङीया यापला ङो स्‍येलालाक। देरेराङ झ्‍येरी ङी राङगी लुकक्‍याला ङोस्‍येलीहो़क। धेनी ङी लुकक्‍यागीयाः ङाला ङो स्‍येलालाक। ङा नी लुकक्‍याई दो़न्‍दु, राङगी ॱरोक ॱलो़ ताङाहीन।

योहान्‍ना 10:27

ङी लुकक्‍याई ङी केक ङेन्‍दालाक। धेनी ङी होदेक्‍याला ङो स्‍येलीहो़क। धेनी देक्‍या ङी स्‍याम्‍ला डाङालाक।

रोमापा 2:12

क्षो़ठीम मेताला धीक्‍पा झ्‍यीगीन घीरी, क्षो़ठीमने डारीराङ मेताला डोगीलाक धेनी क्षो़ठीमगी होकला झ्‍येरी, धीक्‍पा झ्‍यीगीन घीरीला क्षो़ठीमगी थोक्‍ने ठीम चेगीलाक।

रोमापा 2:16

दे नी ङी सेटाक झ्‍येजा ताम्‍शाङला च्‍योक्‍रे, मास्‍यीका येशुगी थोक्‍ने को़न्‍क्षोकगी मीक्‍याई साङवे लेगाक्‍याई, ठीम चेगीन ङीमागोला झ्‍युङगीलाक।

१ कोरीन्‍थुपा 4:5

होझ्‍येरी को़का धी़गो माभाप्‍कीन एन्‍ला, मी सी़याः ठीम ॱमाचे। धेनी चोवो फेप्‍कीन थुक्‍पे घुक्‍ती धो़क। खोङबागी मी़नाकगी नाङ बेरी श्‍याक्‍सा, लाब घीरी हो़ला ॱङो़न जेगीलाक धेनी मीगी सेम्‍बे क्षास्‍यीक्‍या ॱङो़न जेगीलाक। धेनी होदे घाङला मी रे-रेगी, को़न्‍क्षोकने राङगी तो़पा थोप्‍कीलाक।

२ कोरीन्‍थुपा 5:10

घीझ्‍येरी ॱनाना होराङ घीरी मास्‍यीकागी ठीम्‍चो़गी, श्‍युक्‍ठी दोङदु लाङ घोगुलाक। देरे झ्‍येरी ली़ दे नाङ हो़ताराङ, शाङा याङना ङेन्‍पा घी झ्‍यीगीनगोला तेन्‍ती, होदेगी ढेबुगो होराङ रे-रेला थोप्‍कीलाक।