मेथा 25:31 - ॱलोवा

³¹ “मी-भु राङगी भाङछेनक्‍यामुला राङगी शीजेला फेई घाङला, राङगी शीजे धेन्‍पे श्‍युक्‍ठीला श्‍युक्‍कीलाक।

मेथा 25:31 ပူးပေါင်းရင်းမြစ်များ

मेथा 16:27

घीझ्‍येरी ॱनाना मी-भु नी, राङगी भाङछेनक्‍यामुला राङगी यापगी शीजेला फेप्‍कीलाक धेनी मी रे-रेला राङगी ज्‍यावाला थी़न्‍गीन लेन ॱनाङगीलाक।

मेथा 19:28

येशुगी खुङक्‍याला सुवालाक, “ङा खेक्‍याला धेन्‍पाराङ ॱनाहीन, घीरी साबा को़ली घाङला, मी-भु राङगी शीजेगी श्‍युक्‍ठीला श्‍युई घाङला, खेक्‍या ङी स्‍याबाला डागीनक्‍या श्‍युक्‍ठी च्‍युङङी खाला धेती, ईस्‍राएलगी छोखाक च्‍युङङी खाला ठीम चेगीलाक।

मेथा 25:6

“हीना छेनगी घुङला ‘माक्‍पा ॱलेप्‍जो! खोङला ज्‍यारु स्‍योक!’ ॱनागीन केक च्‍यीक घोरपालाक।

मेथा 26:64

येशुगी खोला सुवालाक, “खेराङगीराङ सुजुङ। हीना ङा खेराङला ॱनाहीन, देने ॱहाला खेराङगी मी-भु कुवाङगी क्षाक ॱयेला श्‍युक्‍कीन धाङ ॱनामगी ॱरीङगी खाला फेप्‍कीनगो थोङगीलाक।”

मारकु 14:62

येशुगी सुवालाक, “ङा हीन। धेनी खेक्‍याई मी-भु कुवाङगी क्षाक ॱयेरु श्‍युकश्‍या, धाङ नाम्‍खाने ॱरीङक्‍यामुला भाप्‍कीनगो थोङगीलाक।”

मारकु 8:38

दे लोक्‍येम धाङ धीक्‍चेनगी मीराप दोङला, सी़ ङा धाङ ङी काला ङोजा झ्‍यीदी, होदेक्‍याला मी-भु राङगी यापगी शीजेगी नाङने, धाम्‍पे भाङछेनक्‍यामुला फेई घाङला, खी़या ङोजा झ्‍यीगीलाक।”

लुका 22:69

हीना धीरीङने ॱहाला, मी-भु नी कुवाङ को़न्‍क्षोकगी क्षाक ॱये स्‍योकला श्‍युक्‍कीलाक।”

लुका 9:26

घीझ्‍येरी ॱनाना ङा धाङ ङी काला ङोजा झ्‍यीगीनगोला, मी-भु खोरी शीजे धाङ यापगी शीजे धाङ धाम्‍पे भाङछेनक्‍याई शीजेला फेई घाङला खी़या ङोजा झ्‍यीगीलाक।

योहान्‍ना 1:51

धेनी खोङबागी खोला सुवालाक, “ङा ख्‍यो़ला धेन्‍पा ॱनाहीन, नाम्‍खे श्‍यीङखाम भेरी को़न्‍क्षोकगी भाङछेनक्‍या मी-भुला तेन्‍दी, या फेप्‍कीन धाङ मा फेप्‍कीनगो ख्‍यी़ थोङगीलाक।”

जेपा 1:11

होदे मी ङीउगी ॱनेवालाक, “खे गालीलगी मीक्‍याओ, खेक्‍या घीझ्‍येरी लारी ॱनाम स्‍योकला तेरी धेदाले? खेक्‍याई खोक्‍ने ठीया जेजा येशु नी, धान्‍दा नाम्‍खे श्‍यीङखामदु फेप्‍कीनगो खेक्‍याई थोथा च्‍योक्‍रे, याङ खोङबा खेक्‍याचारु देरेराङ झ्‍येरी फेप्‍कीलाक।”

१ थेसालोनीकेपा 3:13

होरेझ्‍येरी चोवो येशु खोङबागी धाम्‍पे मीक्‍यामुला फेई घाङला, होरी याप को़न्‍क्षोकगी डुङदु, खेक्‍याई सेम तेन्‍पो धाङ धाम्‍पा धाङ क्‍यो़न मेगीन जेदास्‍योक।

१ थेसालोनीकेपा 4:16

घीझ्‍येरी ॱनाना चोवो खोङबाराङ नाम्‍खे श्‍यीङखामने, सुङकेक क्षे धाङ को़न्‍क्षोकगी भाङछेनक्‍याई भो़टाक धाङ को़न्‍क्षोकगी दुङक्षेगी केकमुला फेप्‍कीलाक। धेनी चोवो येशुला धेपा झ्‍येरी, ढोङगीनक्‍या एन्‍ला सो़न्‍पो ग्‍युरकीलाक।

ईब्‍रीपा 1:8

हीना सेगी कोरला खोङबा देरे सुङालाक, “के को़न्‍क्षोक खेराङगी श्‍युक्‍ठी, धी़ तेन्‍दु ॱनेलालाक धेनी खेराङगी राङगी ग्‍यासी, ठीम ढाङपो गोने ठीम चेदालाक।

ईब्‍रीपा 9:28

मास्‍यीका मी माङागी धीक्‍पा खुरयेला, थेङ च्‍यीक्‍लाराङ ॱमारछो़ झ्‍युवालाक। धेनी धीक्‍पा खुरयेगी क्षीदु मेन्‍दा, हीना खोङबाला घुक्‍ती धेताक्‍याला क्‍योप्‍येगी क्षीदु, खोङबा याङ थेङ ॱङीवा ॱङो़न जेगीलाक।

युदा 1:14

आदामने मीराप धी़न्‍बागी ॱङो़नस्‍येखेन, हेनोकगीयाः दे मीक्‍याई कोरला देरे ॱङो़नस्‍ये तो़न हो़तालाक, “तो़दाङ, चोवो राङगी धाम्‍पे भाङछेन तोङडाक माङामुला फेप्‍कीलाक

ॱङो़न्‍पा 1:7

“तो़दाङ, खोङबा ॱरीङबाक्‍याई खोक्‍ने फेवी।” धेनी “ॱमीक घीरीगी खोङला ज्‍यागीलाक, धेनी खोङबाला दुङ चुक्‍कीनक्‍यागीयाः ज्‍यागीलाक।” धेनी जीक्‍तेनगी मी घीरी “खोङबागी दो़न्‍दु ङुता ग्‍याप्‍कीलाक।” ताम दे धेन्‍पा झ्‍युङास्‍योक। आमेन।

ॱङो़न्‍पा 20:11

धेनी ङी श्‍युक्‍ठी काउ क्षे च्‍यीक धाङ होदे खाला श्‍युक्‍कीनला थोजुङ। खोङबागी डुङने साश्‍यी धाङ ॱनाम डो़री लाजुङ धेनी होदे ॱङीउगी क्षीदु ॱनेसा माजोप्‍पालाक।

ॱङो़न्‍पा 3:21

धेनी सु ग्‍याली, होदेगोला ङाराङाः ग्‍यारी ङी यापगी श्‍युक्‍ठीला धेगीन च्‍योक्‍रे, होदेला ङी श्‍युक्‍ठीरु ङीमुला धेयेगी आङजा तेरयेहीन।