मेथा 25:20 - ॱलोवा

²⁰ धेनी सेरगी टाङगा ॱङातोङ जोरकीनगी़ यालीङ टाङगा ॱङातोङ खेरती, दोङला होवालाक धेनी श्‍यी़वालाक, ‘दाक्‍पो, खेराङगी ङाला सेरगी टाङगा ॱङातोङ ॱनावालाक। धा दुरु ङी टाङगा ॱङातोङ यालीङ शो़हो़क।’

मेथा 25:20 ပူးပေါင်းရင်းမြစ်များ

मेथा 18:24

धेनी ची ताङये गो चुई घाङला, मी च्‍यीकला सेरगी टाङगा तोङ च्‍यु भुलीङ हो़गीन च्‍यीक, खी़चारु ठीक्‍ती होवालाक।

लुका 19:13

होझ्‍येरी खी़ खोरी ॱयोक्‍पो च्‍युला भो़री, रे-रेला ॱङुटाङ च्‍यु तेरती ॱनेवालाक, ‘ङा लोक्‍ती मायोङ थुक्‍पे दे टाङगाने छोङ झ्‍यी।’

जेपा 20:24

हीना को़न्‍क्षोकगी थुक्‍जेगी कोरला ताम्‍शाङगो स्‍येगीन, चोवो येशुने ङाला थोप्‍था लेगा दे माडुप्‍कीन थुक्‍पे, ङा ङारी मीछे देगी दो़न घीन्‍दा ॱमीची हो़क।

१ कोरीन्‍थुपा 15:10

हीना ङा घारे हो़गीनगो, को़न्‍क्षोकगी थुक्‍जे गोने हीन। धेनी ङाला थोप्‍था खोङबागी थुक्‍जे दे, दो़न्‍मेदु माझ्‍युजुङ। हीना खुङक्‍या घीरीने ल्‍हाक, ङी काल्‍ले माङा ग्‍याप्‍पी। घीहीन्‍ना ङी ङाराङगी झ्‍येरी मालाक हीना ङीमुला श्‍युक्‍कीन को़न्‍क्षोकगी थुक्‍जेगी थोक्‍ने लाक।

कोलोसेपा 1:29

दो़न दी क्षीला, मास्‍यीकागी ङी नाङदु स्‍युक जेगीन नी़थु क्षेगी थोक्‍नेराङ, ङा ॱमीच्‍यीकी काल्‍ले ग्‍यावाहीन।

याकोब 2:18

हीना मी च्‍यीकगी, “ख्‍यो़ला धेपा हो़तालाक धेनी ङाला लेगाक्‍या हो़क।” ॱनेरी ॱनाना, लेगा मेगीन ख्‍यी़ धेपा दे ङाला तो़न धेनी ङी ङारी लेगागी थोक्‍ने, ङी धेपा ख्‍यो़ला तो़न्‍दु ॱनेरी, ङा ॱनायेहीन।