मेथा 25:10 - ॱलोवा

¹⁰ “धेनी खुङक्‍या ङ्योरु डी़ घाङला, माक्‍पागो ॱलेप्‍पालाक। धेनी डाढीक झ्‍येरी धेताक्‍या, खी़मुला छाङजागी डो़न नाङदु जुवालाक धेनी घोगो ग्‍याप्‍पालाक।

मेथा 25:10 ပူးပေါင်းရင်းမြစ်များ

मेथा 24:42

“होझ्‍येरी खीकी चोवो नाम फेप्‍कीलाक ॱनेरी, खेक्‍याई ॱमेस्‍येगीन झ्‍येरी चाङजे धो़क।

मेथा 24:43

खीम च्‍यीकगी दाक्‍पोला कुमा हुङगीन छेनगी धी़चो़गो स्‍येये हो़ना, खो चाङजे झ्‍येरी धेती हो़टु धेनी खोरी नाङदु कुमा जुरु ॱमीच्‍युक हो़टु।

मेथा 24:44

होझ्‍येरी मी-भु खेक्‍याई ॱमेसाम्‍गीन धी़चो़ला फेप्‍ये झ्‍येरी, खेक्‍याः डाढीक झ्‍येरी धो़क।

मेथा 25:6

“हीना छेनगी घुङला ‘माक्‍पा ॱलेप्‍जो! खोङला ज्‍यारु स्‍योक!’ ॱनागीन केक च्‍यीक घोरपालाक।

मेथा 7:21

“ङाला ‘चोवो चोवो’ ॱनेरी भो़गीन घीरी, नाम्‍खागी ग्‍यासीला ॱमीछी़गीलाक हीना नाम्‍खे श्‍यीङखामदु श्‍युक्‍कीन, ङी यापगी थुकोङ डुप्‍कीनगो च्‍यीगा, दे नाङदु छी़गीलाक।

लुका 12:35

“श्‍याप्‍ची श्‍युयेला खीकी केराक रेरी, खीकी क्‍युङगो पारती श्‍योक।

लुका 13:25

खाङबी दाक्‍पोगो लासारती, घो ग्‍याप्‍कीलाक धेनी खेक्‍या फीला देरे ॱनेरी घो दुङगीलाक, ‘चोवो, हेला घो पेरो ॱनाङ।’ धेनी खी़ खेक्‍याला ‘खेक्‍या सु हीन्‍गीन धाङ घाने हुङगीनगो ङाला स्‍येयेमेक।’ ॱनेरी लेन ॱलोक्‍कीलाक।

कोलोसेपा 1:12

धेनी हो़गी ग्‍यासी नाङदु धाम्‍पे मीक्‍याई, नोरकाला थोप्‍ताङ थोप्‍येगी ढाडा जेगीन, यापला खेक्‍याई काटीन्‍क्षे श्‍यी़वास्‍योक ॱनेरी, हेक्‍या ॱमो़लाम ग्‍यावीहो़क।

२ तीमोथेउ 4:8

धा देने ॱहाला ङी क्षीला ढाङतेनगी उगेन श्‍याक हो़तालाक धेनी होदे ढाङतेनगी ठीम्‍पो़न, चोवोगी होदे ङीमागोला ङाला ॱनाङगीलाक धेनी ङाला च्‍यीका मेन्‍दा, खोङबागी धाब्‍ले फेप्‍सुला घागीन घीरीला ॱनाङगीलाक।

१ पेटो 1:13

होझ्‍येरी खेक्‍या राङगी सेम डाढीक झ्‍यी धेनी चाङजे झ्‍येरी धो़क। धेनी येशु मास्‍यीका ॱङो़न्‍दी घाङला, खेक्‍याला ॱनाङये हीन्‍गीन थुक्‍जे गोला रेवा छाङगो झ्‍येरी धो़क।

ॱङो़न्‍पा 1:7

“तो़दाङ, खोङबा ॱरीङबाक्‍याई खोक्‍ने फेवी।” धेनी “ॱमीक घीरीगी खोङला ज्‍यागीलाक, धेनी खोङबाला दुङ चुक्‍कीनक्‍यागीयाः ज्‍यागीलाक।” धेनी जीक्‍तेनगी मी घीरी “खोङबागी दो़न्‍दु ङुता ग्‍याप्‍कीलाक।” ताम दे धेन्‍पा झ्‍युङास्‍योक। आमेन।

ॱङो़न्‍पा 19:7

होराङ घागा की-की झ्‍यी धेनी ङ्यामो घाउ धेनी खोङबाला शीजे पुलो। घीझ्‍येरी ॱनाना लुक्‍टुगी ॱनामा लेन्‍येगी धी़गो ॱलेप्‍दुक। धेनी खोङबागी भाक्‍मागी राङला डाढीक झ्‍येदुक।

ॱङो़न्‍पा 22:20

दे लाबक्‍याई पाङपो जेगीनगी सुङालाक, “ॱङोन्‍नेराङ ङा ग्‍योक्‍वा हुङीहो़क।” आमेन। चोवो येशु फेप्‍रोनाङ।