मेथा 25:1 - ॱलोवा

¹ येशुगी सुवालाक, “धेनी नाम्‍खे ग्‍यासी दे माक्‍पा थुक्‍तु डोयेला, क्‍युङ खेरती डुगीन भोमो नाच्‍युङमा च्‍यु च्‍योक्‍रे लाक।

मेथा 25:1 ပူးပေါင်းရင်းမြစ်များ

मेथा 13:24

खोङबागी याङ पे श्‍येम्‍मा च्‍यीक, खुङक्‍याई दोङदु श्‍याक्‍ती सुवालाक, “नाम्‍खे ग्‍यासी दे मी च्‍यीक सोरी, राङगी श्‍यीङला साङा शाङा ताप्‍कीन च्‍योक्‍रे लाक।

मेथा 13:31

खुङक्‍याई दोङदु पे श्‍येम्‍मा च्‍यीक श्‍या जेदी, येशुगी सुवालाक, “नाम्‍खे ग्‍यासी दे मी च्‍यीक छुकगी साङा खेरती, खोरी श्‍यीङला ताप्‍कीन च्‍योक्‍रे लाक।

मेथा 13:38

श्‍यीङगो जीक्‍तेन लाक। धेनी साङा शाङपोक्‍या ग्‍यासी टुवाक्‍या लाक। युक्‍पुक्‍या धी़कगी टुवाक्‍या लाक।

मेथा 13:47

“याङदा, नाम्‍खे ग्‍यासी दे छो नाङदु ॱयुक्‍ती, ङ्या ॱना घीरी रुक्‍कीन ङ्यारे च्‍योक्‍रे च्‍यीक लाक।

मेथा 20:1

“नाम्‍खे ग्‍यासी दे ॱङारोक ॱङात्‍ती सोरी, राङगी घुन्‍डुमगी दुम्‍रागी क्षीला मीलाक चारु डुगीन, खीमगी दाक्‍पो च्‍योक्‍रे लाक।

मेथा 22:2

“नाम्‍खागी ग्‍यासी दे, ग्‍यावु च्‍यीकगी राङगी सेगी क्षाङसाला श्‍युक्‍टा कागीन च्‍योक्‍रे लाक।

मेथा 25:7

धेनी होदे नाच्‍युङमा च्‍युगारा लारी, खुङक्‍याई क्‍युङगो डाढीक झ्‍येवालाक।

मेथा 3:2

“धीक्‍पा पारी सेम ग्‍युरवा तोङ घीझ्‍येरी ॱनाना नाम्‍खे ग्‍यासी ङ्ये ॱलेप्‍सादुक।”

मेथा 5:16

देरे झ्‍येरीराङ खेक्‍याई ले शाङागो मीक्‍याई थोरी, नाम्‍खे श्‍यीङखामदु श्‍युक्‍कीन खीकी यापला तो़पा पुयेला, खेक्‍याई हो़ मीक्‍याई दोङदु स्‍यारतु च्‍युक।

मेथा 9:15

धेनी येशुगी सुवालाक, “माक्‍पा धाङ माक्‍पे रोवाक्‍यामुला हो़ती घाङला, खुङक्‍या दुक ॱरुङाले? हीना माक्‍पा खुङक्‍याने ठीक्‍ती डुगीन ङीमागो ॱलेप्‍कीलाक, धेनी होदे घाङला खुङक्‍या ॱङ्युङने ॱरुङगीलाक।

योहान्‍ना 18:3

धा युदा ॱमाक्‍पुङ च्‍यीक धाङ क्षो़पो़न क्षेक्‍या धाङ फारुसीपाक्‍याई झाजा, क्षो़खाङगी ॱरुङमाक रीङगा ठीक्‍ती लाक्‍पादु डो़न्‍मे धाङ ॱलोकस्‍यु धाङ लाक्‍चाक्‍या, खेरती होदुरु होवालाक।

योहान्‍ना 3:29

ॱनामा नी माक्‍पागी हीन। धेनी माक्‍पामुला लाङगीन धाङ खोला ङेन्‍गीन रोवागो माक्‍पागी़ केक घोरती, ॱमीच्‍यीकी ङ्यामो घालालाक। होझ्‍येरी धा ङी घाटो दे डुप्‍सुङ।

जेपा 20:8

हेक्‍या जोम्‍जा खीम तो़ देला, ॱमीच्‍यीकी माङा क्‍युङ पार हो़तालाक।

१ कोरीन्‍थुपा 11:2

दो़न घीरीला खेक्‍याई ङाला ढेन्‍दी धेनी ङी खेक्‍याला तेरता ॱलापच्‍याक्‍या खेक्‍याई ॱरुङगीनला, ङा खेक्‍याई तो़टा ताङाहीन।

२ कोरीन्‍थुपा 11:2

को़न्‍क्षोकगी लेमो ङा खेक्‍याई क्षीदु ठादोक झ्‍यीदीहो़क घीझ्‍येरी ॱनाना ख्‍योवा च्‍यीक च्‍यीगा हीन्‍गीन मास्‍यीकागी क्षीदु, ङी खेक्‍याला नाच्‍युङमा चाङमा च्‍यीक च्‍योक्‍रे ॱनामाला पुयेगो, ङी क्षो़ताम झ्‍येवी।

२ तीमोथेउ 4:8

धा देने ॱहाला ङी क्षीला ढाङतेनगी उगेन श्‍याक हो़तालाक धेनी होदे ढाङतेनगी ठीम्‍पो़न, चोवोगी होदे ङीमागोला ङाला ॱनाङगीलाक धेनी ङाला च्‍यीका मेन्‍दा, खोङबागी धाब्‍ले फेप्‍सुला घागीन घीरीला ॱनाङगीलाक।

तीतोस 2:13

धेनी होरी खाक्‍क्षे को़न्‍क्षोक धाङ क्‍याम्‍गो़न, येशु मास्‍यीकागी शीजे ॱङो़न्‍ये हीन्‍गीन ङीमा झ्‍यीलाप्‍क्षेगोला, होराङ रेवा झ्‍येरी घुक्‍ती धेतालाक।

ॱङो़न्‍पा 14:4

खुङक्‍या नी, भोमोक्‍यामुला माडेवा राङला चाङमा श्‍याक हो़तालाक। खुङक्‍या नी, लुक्‍टु घारु फेप्‍सारु स्‍याबाला डागीनक्‍या लाक। धेनी खुङक्‍या नी, को़न्‍क्षोक धाङ लुक्‍टुगी क्षीदु, लोदोकगी फी़ च्‍योक्‍रे, मीक्‍याने रीङ तेरती ॱली़लोवाक्‍या लाक।

ॱङो़न्‍पा 19:7

होराङ घागा की-की झ्‍यी धेनी ङ्यामो घाउ धेनी खोङबाला शीजे पुलो। घीझ्‍येरी ॱनाना लुक्‍टुगी ॱनामा लेन्‍येगी धी़गो ॱलेप्‍दुक। धेनी खोङबागी भाक्‍मागी राङला डाढीक झ्‍येदुक।

ॱङो़न्‍पा 21:2

धेनी ङी धाम्‍पे ग्‍याजा याङना येरुसालेम साबागो, राङगी माक्‍पागी क्षीदु छो़ शाप्‍ती धेता भाक्‍मा च्‍योक्‍रे, को़न्‍क्षोकने नाम्‍खे श्‍यीङखामने माला भाप्‍कीनगो थोजुङ।

ॱङो़न्‍पा 21:9

धा थागी दुक्‍पु धी़नगी खाङखा, फोरा धी़न शीम्‍गीन नाम्‍खे भाङछेन धी़नक्‍याने च्‍यीक ङीचारु फेप्‍ती, ङाला देरे सुजुङ, “स्‍योक, ङी ख्‍यो़ला लुक्‍टुगी ॱनामा हीन्‍गीन भाक्‍मागो तो़न्‍दु।”

ॱङो़न्‍पा 4:5

धेनी होदे श्‍युक्‍ठी नाङने ॱलोक्‍मारगी, हो़क्‍या धाङ धीरडा धाङ डुककेगी डाक्‍या थो़न्‍दी होवालाक। धेनी होदे श्‍युक्‍ठीगी दोङदु मेगी क्‍युङ धी़न भारती धे हो़तालाक। होदेक्‍या नी, को़न्‍क्षोकगी थुक्‍ङी धी़न लाक।

ॱङो़न्‍पा 8:10

नाम्‍खे भाङछेन सुम्‍बागी़ राङगी, दुङक्षेनगो भी़वालाक धेनी ॱलोक च्‍योक्‍रे भारकीन कारमा क्षे च्‍यीक, ॱनामने माला चाङबुक्‍याई दुबु सुमने च्‍यीक धाङ क्षुमीकक्‍याई, दुबु सुमने च्‍यीक खाला ल्‍हीम्‍बालाक।