मेथा 24:9 - ॱलोवा

⁹ “धेनी मीमाङक्‍याई खेक्‍याला दुक्‍पु ताङयेला ची ग्‍याप्‍कीलाक धेनी सेदु च्‍युक्‍कीलाक धेनी ङी मीङगी क्षीला मीरीक घीरीगी खेक्‍याला दाङा झ्‍यीगीलाक।

मेथा 24:9 ပူးပေါင်းရင်းမြစ်များ

मेथा 22:6

धेनी मी श्‍येम्‍माक्‍याई खी़ ॱयोक्‍पोक्‍याला शीम्‍दी ङोजा पाप्‍ती सेपालाक।

मेथा 23:34

होझ्‍येरी ङा ॱङो़नस्‍येखेनक्‍या धाङ मी खेवाक्‍या धाङ क्षो़ठीमगी ॱलोपो़नक्‍या खीकीचारु ताङयेहीन धेनी देक्‍याने रीङगाला खीकी सेगीलाक धेनी रीङगाला ग्‍याङस्‍यीङ खाला क्‍याङगीलाक धेनी रीङगाला खेक्‍याई छोक्‍खाङदु ताजाक श्‍युरकीलाक धेनी यु च्‍यीकने यु श्‍येम्‍माला देदी दुक्‍पु ताङगीलाक।

लुका 11:49

होझ्‍येरी को़न्‍क्षोकगी स्‍येरापगीयाः सुवालाक, ‘ङा खुङक्‍याचारु ॱङो़नस्‍येखेनक्‍या धाङ कुछापक्‍या झाङाहीन। खुङक्‍याने रीङगाला सेगीलाक धेनी रीङगाला दुक्‍पु तेरकीलाक।’

लुका 21:12

हीना दे घीरी झ्‍युङये एन्‍ला, ङी मीङगी केनगी खुङक्‍याई खेक्‍याला शीम्‍दी दुक्‍पु ताङगीलाक धेनी खेक्‍याला छोक्‍खाङक्‍या धाङ चो़न्‍खाङक्‍याला ची ग्‍याप्‍कीलाक। धेनी ग्‍यावुक्‍या धाङ चीख्‍यापक्‍याई दोङदु ठीक्‍कीलाक।

योहान्‍ना 15:18

“जीक्‍तेनगी खेक्‍याला दाङा झ्‍यीना, खेक्‍याले एन्‍ला ङाला दाङा झ्‍यीगीनगो खेक्‍याई स्‍येलालाक।

योहान्‍ना 15:21

हीना ङी मीङगी केनगी, खुङक्‍याई दे घीरी खेक्‍याला झ्‍यीगीलाक घीझ्‍येरी ॱनाना ङाला ॱङाक्‍कीनगोला खुङक्‍याई ङो ॱमेस्‍येलालाक।

योहान्‍ना 16:2

खुङक्‍याई खेक्‍याला छोक्‍खाङक्‍याने पी़गीलाक। धेनी खेक्‍याला सेगीनक्‍याई देरे लेगा झ्‍येरी, खुङक्‍याई को़न्‍क्षोकला ॱङीङकुर झ्‍यीदाहीन ॱनेरी, साम्‍गीन धी़ स्‍यारकीलाक।

जेपा 28:22

हीना हेक्‍या ख्‍यी़ तावा घारे हीन्‍गीनगो घोरङी दो़दीक घीझ्‍येरी ॱनाना घारु हीन्‍ना क्षो़लुक देला ङोलोक झ्‍यीगीनगो हेला स्‍येयेहो़क।”

जेपा 7:59

खुङक्‍याई सेतेफेनला धोगोङ श्‍युरी घाङला, खी़ ॱमो़लाम ग्‍याप्‍पालाक, “चोवो येशु, ङी सेम्‍ङी ॱनुमा जेक।”

१ पेटो 4:16

घीहीन्‍ना, खेक्‍या मास्‍यीकावा झ्‍युरी दुक्‍पु ङ्याङना, खो ङो ॱमाछास्‍योक हीना मास्‍यीकागी छेन देलाराङ, खी़ को़न्‍क्षोकला तो़पा ताङास्‍योक।

ॱङो़न्‍पा 2:10

धा ख्‍यी़ ङ्याङये हीन्‍गीन दुक्‍पुक्‍याने माजीक। तो़दाङ, खेक्‍याला छो़ता झ्‍यीयेगी क्षीदु, धी़कगी खेक्‍याने रीङगाला चो़न्‍खाङदु च्‍युक्‍कीलाक धेनी श्‍याक्‍मो च्‍यु थुक्‍पे, ख्‍यो़ला दुक्‍पु झ्‍युङगीलाक। ख्‍यो़ स्‍यीघो़ना धेपाला तेन्‍पो धो़क धेनी ङी ख्‍यो़ला छेसोकगी चो़पेन तेरु।

ॱङो़न्‍पा 2:13

धी़क सातानगी ठी हो़जारु खेक्‍या ॱनेलालाक ॱनेरी, ङाला स्‍येयेहो़क। देरे हीन्‍नाः, खेक्‍या ङी मीङगी दो़न्‍दु तेन्‍पो ॱनेलालाक। धेनी धी़क सातान ॱनेसा, खीकी ग्‍याजारु ङी ॱलोते हो़गीन पाङपो आन्‍तीपागोला सेपालाक धेनी होदे घाङगी ङीमाक्‍यालाः, खेक्‍याई राङगी धेपा ॱमापाजुङ।

ॱङो़न्‍पा 7:14

ङी खोङला ॱनेवी, “ॱलोपो़न ला, खेराङ राङ खेन्‍दालाक।” धेनी खोङगी ङाला सुजुङ, “देक्‍या नी, दुक्‍पु क्षेने थो़न्‍दी होवाक्‍या लाक। धेनी खुङक्‍याई राङगी घो़, लुक्‍टुगी ठाकला ठी़री काउ शो़ हो़तालाक।”