मेथा 24:45 - ॱलोवा

⁴⁵ “ॱलो का थुप्‍कीन धाङ स्‍येरापचेनगी ॱयोक्‍पोगो सुले? खीमगी दाक्‍पोगी धी़चो़ ताक-ताकगोला ॱयोक्‍पो श्‍येम्‍माक्‍याला शामा तेरयेला को़गीन ॱयोक्‍पोगो लाक।

मेथा 24:45 ပူးပေါင်းရင်းမြစ်များ

मेथा 10:16

“धा ङा खेक्‍याला चुङगुक्‍याई खोकला, लुकक्‍या च्‍योक्‍रे झाङाहीन होझ्‍येरी डुल च्‍योक्‍रे डुङपो धाङ फुक्‍रो़नक्‍या च्‍योक्‍रे झोङा झ्‍युङ च्‍यीक।

मेथा 13:52

धेनी खोङबागी खुङक्‍याला सुवालाक, “होझ्‍येरी नाम्‍खे ग्‍यासीगी क्षीला ॱलापच्‍या राक्‍कीन, क्षो़ठीमगी ॱलोपो़न घीरी नाङ च्‍यीकगी पो़न्‍पो च्‍योक्‍रे लाक। खी़ खोरी तेरने साबा धाङ ॱङीङबा नोरक्‍या तो़न्‍दालाक।”

मेथा 24:46

खीमगी दाक्‍पो हुङङी घाङला, राङगी दाक्‍पोगी़ को़गीन च्‍योक्‍रे झ्‍येरी धेता ॱङेना, होदे ॱयोक्‍पोगो घीन्‍गी सोदे क्षे।

मेथा 25:2

खुङक्‍याने ॱङा ॱलेन्‍दा धाङ ॱङा च्‍याङा हो़तालाक।

मेथा 25:21

दाक्‍पोगी़ खोला ॱनेवालाक, ‘ॱयोक्‍पो शाङपो धाङ ॱलो का थुप्‍कीन, ख्‍यी़ ॱमीच्‍यीकी घा झ्‍येदुक। ख्‍यी़ ङ्युङाला ढाङपो झ्‍येरी, धा ङा ख्‍यो़ला माङागी गेन तेराहीन। धा ङीमुला घाटो ताङदु स्‍योक।’

मेथा 25:23

दाक्‍पोगी़ खोला ॱनेवालाक, ‘ॱयोक्‍पो शाङपो धाङ ॱलो का थुप्‍कीन, ख्‍यी़ ॱमीच्‍यीकी घा झ्‍येदुक। ख्‍यी़ ङ्युङाला ढाङपो झ्‍येरी, धा ङा ख्‍यो़ला माङागी गेन तेराहीन। धा ङीमुला घाटो ताङदु स्‍योक।’

मेथा 7:24

“होझ्‍येरी ङी का देक्‍या ङेन्‍दी, झ्‍यीगीन घीरी, राङगी खाङबा फोङगीङगी खाला चीक्‍कीन, मी खेवा च्‍यीक च्‍योक्‍रे लाक।

लुका 19:17

ग्‍यावुगी खोला ॱनेवालाक, ‘होछुङ, ॱयोक्‍पो शाङा ख्‍यो़, ख्‍यो़ ङ्युङागी खाला ढाङपो थो़न्‍दी धा ख्‍यो़ ग्‍याजा च्‍युगी खाला वाङ झ्‍यीगीलाक।’

जेपा 20:28

धा खेराङक्‍या राङ-राङ चाङजे झ्‍येरी धो़क धेनी धाम्‍पे थुक्‍ङीगी खेक्‍याला ची ग्‍याप्‍ती, श्‍याकश्‍या लुकक्‍याला घामोमा ॱरुङ। को़न्‍क्षोकगी क्षो़छोकगी लुक्‍जी शाङपो च्‍यीक झ्‍युरी धो़क घीझ्‍येरी ॱनाना होदे मीक्‍या चोवो येशुगी कुठाकगी ॱली़री ङ्यो़ जेपालाक।

१ तीमोथेउ 1:12

ङाला स्‍युक ॱनाङगीन, होरी चोवो मास्‍यीका येशुला ङा थुक्‍चीछे पुलाहीन। घीझ्‍येरी ॱनाना एम्‍मा, ङा को़न्‍क्षोकला कुरवा धेप्‍कीन च्‍यीक धाङ दुक्‍जोङ ताङगीन धाङ मी चुपो च्‍यीक झ्‍येरीयाः, खोङबागी श्‍याप्‍चीला ङाला को़ जेदी, खोङबागी ङाला ॱलोते जेसोङ।

२ तीमोथेउ 2:2

धेनी पाङपो माङागी दोङदु ङाने घोरकीन ङी ॱलाप्‍ला लाबक्‍या, श्‍येम्‍माक्‍याला ॱलाप थुप्‍कीन, ॱलो का थुप्‍कीन केवे-भुक्‍याला चो।

ईब्‍रीपा 3:5

धा मोशे नी को़न्‍क्षोकगी नाङमीमुला श्‍याप्‍चीपा च्‍योक्‍रे, ॱलोते छोक्‍पा हो़गीन झ्‍येरी, माउपारला को़न्‍क्षोकगी सुङये हीन्‍गीन कागी कोरला, खी़ पाङपो झ्‍येवालाक।

ॱङो़न्‍पा 2:13

धी़क सातानगी ठी हो़जारु खेक्‍या ॱनेलालाक ॱनेरी, ङाला स्‍येयेहो़क। देरे हीन्‍नाः, खेक्‍या ङी मीङगी दो़न्‍दु तेन्‍पो ॱनेलालाक। धेनी धी़क सातान ॱनेसा, खीकी ग्‍याजारु ङी ॱलोते हो़गीन पाङपो आन्‍तीपागोला सेपालाक धेनी होदे घाङगी ङीमाक्‍यालाः, खेक्‍याई राङगी धेपा ॱमापाजुङ।