मेथा 24:42 - ॱलोवा

⁴² “होझ्‍येरी खीकी चोवो नाम फेप्‍कीलाक ॱनेरी, खेक्‍याई ॱमेस्‍येगीन झ्‍येरी चाङजे धो़क।

मेथा 24:42 ပူးပေါင်းရင်းမြစ်များ

मेथा 24:36

“होदे ङीमा धाङ धी़चो़गी कोरला सुला स्‍येये मेतालाक। याप को़न्‍क्षोकगी माना नाम्‍खे भाङछेनक्‍याला स्‍येये मेतालाक धेनी सेला स्‍येये मेतालाक।

मेथा 24:43

खीम च्‍यीकगी दाक्‍पोला कुमा हुङगीन छेनगी धी़चो़गो स्‍येये हो़ना, खो चाङजे झ्‍येरी धेती हो़टु धेनी खोरी नाङदु कुमा जुरु ॱमीच्‍युक हो़टु।

मेथा 24:44

होझ्‍येरी मी-भु खेक्‍याई ॱमेसाम्‍गीन धी़चो़ला फेप्‍ये झ्‍येरी, खेक्‍याः डाढीक झ्‍येरी धो़क।

मेथा 25:10

“धेनी खुङक्‍या ङ्योरु डी़ घाङला, माक्‍पागो ॱलेप्‍पालाक। धेनी डाढीक झ्‍येरी धेताक्‍या, खी़मुला छाङजागी डो़न नाङदु जुवालाक धेनी घोगो ग्‍याप्‍पालाक।

मेथा 25:13

धेनी येशुगी सुवालाक, “खेक्‍याला ङा हुङयेगी ङीमा धाङ धी़चो़गो स्‍येये मेगीन झ्‍येरी च्‍याङजे धो़क।

लुका 21:34

“हीना खेक्‍या च्‍याङजे झ्‍येरी धो़क। मेन्‍ना खीकी सेम ङ्याम ताङये धाङ शीरी धेये धाङ मीछेगी दुङागी ॱनेम्‍गीलाक। धेनी होदे ङीमागो ॱहाताक्‍पाला, ॱङीपला थेम्‍गीन च्‍योक्‍रे हुङगीलाक।

लुका 21:36

हीना हुङये झ्‍यीगीन दे घीरीने थारये धाङ मी-भुगी डुङदु लारी धे थुप्‍येगी क्षीला, च्‍योई सोवा ग्‍याप्‍ती च्‍याङजे झ्‍येरी धो़क।”

रोमापा 13:11

देक्‍या माना धान्‍दागी धी़ दे घारे हो़गीनगो, खेक्‍याला स्‍येये हो़तालाक। धा ॱङी छेयेगी धी़चो़गो ॱलेप्‍सादुक घीझ्‍येरी ॱनाना होरी गोमा धेपा झ्‍येजानेः, धान्‍दा होरी थारपागो धोराङा ङ्येरु ॱलेप्‍दुक।

१ कोरीन्‍थुपा 16:13

च्‍याङजे झ्‍यी। धेपाला तेन्‍पो ॱनेती धो़क धेनी ॱलोगोक क्षे धाङ स्‍युक क्षे झ्‍युङ।

१ थेसालोनीकेपा 5:6

होझ्‍येरी श्‍येम्‍माक्‍या च्‍योक्‍रे, होराङ ॱङी लोक्‍ती माधेता चाङजे झ्‍येरी, छो़ शीम्‍दी धेदु।

१ पेटो 4:7

दो़न घीरीगी थागो ङे ॱलेप्‍दुक। होझ्‍येरी खेक्‍या ॱमो़लाम ग्‍याप्‍येगी क्षीदुराङ, छो़ शीम्‍गीन धाङ शाप-शाप झ्‍युङघो़।

१ पेटो 5:8

खेक्‍याराङ छो़ शीम्‍दी, च्‍याङजे झ्‍यी। खेक्‍याई डा हीन्‍गीन धी़क नी, ङारके तो़न्‍गीन सीङगे च्‍योक्‍रे, सुला ॱङेदी शागुनाङ ॱनेरी चारी ग्‍युक्‍वालाक।

ॱङो़न्‍पा 16:15

“तो़दाङ, ङा कुमु च्‍योक्‍रे ॱहाताक्‍पाला हुङयेहीन। धेनी ॱमाराङा मीग्‍युक्‍ये धाङ ङोजा मीझ्‍युङयेगी क्षीदु, ॱङी मालोक्‍वा राङगी घोलाक घो़न्‍दी धेगीन मीगो, झ्‍यीलाप क्षे लाक।”