मेथा 24:4 - ॱलोवा

⁴ येशुगी खुङक्‍याला सुवालाक, “च्‍याङजे झ्‍यी, मी सी़या खेक्‍याला ॱमाली़वास्‍योक।

मेथा 24:4 ပူးပေါင်းရင်းမြစ်များ

मारकु 13:22

मास्‍यीका शोक्‍पोक्‍या धाङ ॱङो़नस्‍येखेन शोक्‍पोक्‍या थो़न्‍गीलाक धेनी ॱहाङसागीन ताक धाङ लेगाक्‍या तो़न्‍दी, घी थुप्‍तु को़न्‍क्षोकगी दाम्‍दाक्‍याला गो कोरकीलाक।

लुका 21:8

धेनी खोङबागी सुवालाक, “च्‍याङजे झ्‍यी, खेक्‍याला सी़या ॱमाली़वास्‍योक। घीझ्‍येरी ॱनाना मी माङागी ङी मीङ खेरती ‘ङा खोराङ हीन।’ ॱनेरी हुङगीलाक धेनी ‘धी़चो़ ङ्येरु ॱलेप्‍सादुक’ ॱनेरी ॱनागीलाक। खेक्‍या खुङक्‍याई स्‍याबाला माडाङ।

गालातीयापा 6:3

मी च्‍यीकगी राङ घीया मेन्‍दा राङला च्‍यीक हीन ॱनेरी साम्‍ना, खी़ राङ-राङला गोकोर ताङालाक।

एफीसुपा 4:14

धा होराङ देने ॱहाला मीगी ॱयो़क्‍युने धेनी ॱली़टे होकला छी़दी, भालापक्‍याई ॱहाला-छुला ॱयो़या धाङ तावा लोक्‍पा ॱनाछोकगी टुक्‍टा टुवाक्‍या च्‍योक्‍रे मीझ्‍युङा

एफीसुपा 5:6

खेक्‍याला सी़या खुङ मेगीन लाबक्‍या तारी ॱमाली़वास्‍योक घीझ्‍येरी ॱनाना देरेक्‍याई झ्‍येरी, को़न्‍क्षोकगी थुक्‍ठो़ काला मेङेन्‍गीनक्‍याई खाला फोवालाक।

कोलोसेपा 2:18

धेनी मी सी़या खेक्‍याला ॱङ्यामच्‍युङ झ्‍युङये धाङ नाम्‍खे भाङछेनला क्षाक्‍क्षो़पा पुयेला उजुक ग्‍याप्‍ती, खीकी ज्‍यागा ठोक्‍तु ॱमाच्‍युक। देरे मीक्‍या राङगी थोङनाङगी कोरला, लाब ॱना माङा ताङालाक धेनी राङगी जीक्‍तेनगी साम्‍लो ताङदाङला, खुङक्‍या दो़न्‍मेदु ङागेलगी खाङालाक।

कोलोसेपा 2:8

मी सु च्‍यीकगीया खेक्‍याला खुङ मेगीन धाङ ॱली़गीन ॱलापच्‍याक्‍याई थोक्‍ने, वाङदु धी़रु ॱमाच्‍युक। देक्‍या नी, मास्‍यीकागी थोक्‍ने मेन्‍दा, मीगी लुक्‍सो़ धाङ जीक्‍तेनगी तावाक्‍याला तेन्‍दालाक।

२ थेसालोनीकेपा 2:3

सी़ च्‍यीया खेक्‍याला घी थोक्‍ने, गो कोरतु ॱमाच्‍युक घीझ्‍येरी ॱनाना धाङपो ङोलोक झ्‍यीगीन धाङ ठीमने डागीन तोरक्‍यो़नगी, मी ॱमातो़न्‍गीन थुक्‍पे, होदे ङीमा दे हुङगीमालाक।

१ योहान्‍ना 4:1

ङी चेवेक्‍याओ, सेम्‍ङी हो़लेला धेपा माझ्‍यी हीना होदे सेम्‍ङीक्‍या को़न्‍क्षोकने हीन याङना मेन ॱनेरी, छो़ता झ्‍यी घीझ्‍येरी ॱनाना जीक्‍तेनदु ॱङो़नस्‍येखेन शोक्‍पो माङा थो़न्‍सादुक।