मेथा 24:37 - ॱलोवा

³⁷ मी-भु हुङगीनगो नोआगी धी़चो़ला झ्‍युङगीन च्‍योक्‍रे झ्‍युङगीलाक।

मेथा 24:37 ပူးပေါင်းရင်းမြစ်များ

मेथा 16:27

घीझ्‍येरी ॱनाना मी-भु नी, राङगी भाङछेनक्‍यामुला राङगी यापगी शीजेला फेप्‍कीलाक धेनी मी रे-रेला राङगी ज्‍यावाला थी़न्‍गीन लेन ॱनाङगीलाक।

मेथा 24:27

घीझ्‍येरी ॱनाना स्‍यारने ॱलोक्‍मार भारती, नुप स्‍योकला ख्‍युक्‍कीन च्‍योक्‍रे, मी-भु हुङगीनगोवा देरे च्‍योक्‍रे झ्‍युङगीलाक।

मेथा 24:3

येशु क्‍युरुस्‍यीङगी रीला श्‍युक्‍ती, खोङबागी ङेनेक्‍या खोङबाचारु शुरला च्‍यारती श्‍यी़वालाक, “दे घीरी नाम झ्‍युङगीले धेनी खेराङ फेप्‍कीन धाङ थामे धी़गी ताकगो घी झ्‍युङगीलाक ॱनेरी, हेक्‍याला सुङाजे?”

मेथा 24:30

“धेनी नाम्‍खारु मी-भुगी ताकगो झ्‍युङगीलाक धेनी जीक्‍तेनगी मीरीक घीरी ङ्याङेन झ्‍यीगीलाक धेनी मी-भु वाङ धाङ शीजेगी थोक्‍ने ॱरीङगी खाला फेप्‍गीनगो थोङगीलाक।

मेथा 24:39

धेनी क्षुलोक होरी खुङक्‍याला ताक्‍ती ॱमाखेकीन थुक्‍पे, खुङक्‍याला घी झ्‍युङगीनगो क्षा माझ्‍युवालाक। मी-भु हुङी घाङला होदेरेराङ झ्‍युङगीलाक।

ईब्‍रीपा 11:7

धेपागी गोने नोआगी होदे घाङला ॱमाथोथा ॱनेछुगी कोरला, को़न्‍क्षोकने ङेन्‍ता झ्‍युरी, राङगी नाङमीला क्‍योप्‍येला, खी़ ॱङीङकुर झ्‍येरी, डुश्‍यीङ च्‍यीक शो़वालाक। दी गोने, खी़ जीक्‍तेनगी क्‍यो़न तो़न्‍बालाक धेनी धेपाने झ्‍युङगीन ढाङतेनगी ग्‍युज्‍यीनगो, खोला थोप्‍पालाक।

२ पेटो 2:5

धेनी क्षो़ला ॱमीचीगीनक्‍याई खाला, को़न्‍क्षोकगी क्षुलोक ताङा जेदी घाङला, खोङबागी एम्‍मागी जीक्‍तेनला ॱलो़ ताङा माजेपालाक हीना ढाङतेनगी क्षो़ स्‍येगीन, नोआ धाङ खी़ नाङमी श्‍येम्‍मा धी़नला च्‍यीगा क्‍योप जेपालाक।

२ पेटो 3:6

धेनी दे क्षुने राङ होदे धी़गी जीक्‍तेनगो, क्षुलोकला भीप्‍ती चामेदु जेपालाक।