मेथा 24:31 - ॱलोवा

³¹ धेनी खोङगी राङगी भाङछेनक्‍याला दुङकेक क्षेमुला झाङगीलाक धेनी खुङक्‍याई छोक श्‍यीने, नाम्‍खागी थाने थारु खोङगी दाम्‍दाक्‍याला धी़गीलाक।

मेथा 24:31 ပူးပေါင်းရင်းမြစ်များ

मेथा 13:41

मी-भुगी खोरी भाङछेनक्‍या झाङगीलाक धेनी धीक्‍पा झ्‍यीदु च्‍युक्‍कीनक्‍या धाङ ङेन्‍पा झ्‍यीगीन घीरीला, खोङबागी ग्‍यासीने रुक्‍कीलाक

मेथा 24:22

धेनी होदे धी़चो़गी ङीमागो ङ्युङा माजे हो़ना, मी सुवा थारये मेक। हीना दाम्‍दा मीक्‍याई क्षीला ङीमा देक्‍या ङ्युङदु जेगीलाक।

मेथा 24:24

घीझ्‍येरी ॱनाना मास्‍यीका शोक्‍पोक्‍या धाङ ॱङो़नस्‍येखेन शोक्‍पोक्‍या माङा थो़न्‍गीलाक धेनी खुङक्‍याई ॱमीच्‍यीकी ॱहालेगीन ताकक्‍या धाङ लेगाक्‍या तो़न्‍दी गोकोर ताङगीलाक धेनी झ्‍युङना दाम्‍दाक्‍याला गो कोरकीलाक।

मेथा 24:32

“सेयापगी दोङबोने ॱलापच्‍या लेन, होदेगी याक्‍काक्‍या बोला झ्‍युरी लोमाक्‍या छाक्‍लुङ मेताला, खेक्‍या ॱयारका ङ्येदुक ॱनेरी स्‍येलालाक।

मेथा 25:31

“मी-भु राङगी भाङछेनक्‍यामुला राङगी शीजेला फेई घाङला, राङगी शीजे धेन्‍पे श्‍युक्‍ठीला श्‍युक्‍कीलाक।

मेथा 28:18

धेनी येशु खुङक्‍याचारु फेप्‍ती सुवालाक, “ॱनाम्‍सा ॱङीगी वाङ घीरी ङाला ॱनाङ हो़तालाक।

मारकु 13:27

धेनी खोङबागी खोरी भाङछेनक्‍या झाङगीलाक धेनी जाम्‍बुलीङगी थामाने, ॱनामगी थामा थुक्‍पे क्षोक श्‍यीने राङगी दाम्‍दा मीक्‍याला धुगीलाक।”

लुका 24:47

धेनी येरुसालेमने गो चुक्‍ती, मीरीक घीरीला खोङबागी छेनने धीक्‍पागी ग्‍यो़पा धाङ घोयाङगी कोरला क्षो़ स्‍येघो़गीलाक।

योहान्‍ना 11:52

धेनी याहुदापे मीरीक क्षीला च्‍यीगा मेन्‍दा थोरती धेता, को़न्‍क्षोकगी से धाङ सेमोक्‍या च्‍यीकदु धी़येगी क्षीला स्‍येपालाक।

रोमापा 10:18

हीना ङा ढीलाहीन, खुङक्‍याई माघोरपालाक से? ॱङोन्‍नेराङ घोर हो़तालाक। घीझ्‍येरी ॱनाना “खुङक्‍याई केक साश्‍यी हो़लेरु ख्‍याप्‍दुक, धेनी खुङक्‍याई का जाम्‍लीङगी था थुक्‍पे ख्‍याप्‍दुक।”

एफीसुपा 1:10

धेनी खोङबागी थुकोङगी धी़ तीक-तीकगो भावी घाङला, ॱनाम्‍सा ॱङीला हो़गीन घीरी च्‍यीकदु मास्‍यीकागी वाङला धी़ये लाक।

१ थेसालोनीकेपा 4:16

घीझ्‍येरी ॱनाना चोवो खोङबाराङ नाम्‍खे श्‍यीङखामने, सुङकेक क्षे धाङ को़न्‍क्षोकगी भाङछेनक्‍याई भो़टाक धाङ को़न्‍क्षोकगी दुङक्षेगी केकमुला फेप्‍कीलाक। धेनी चोवो येशुला धेपा झ्‍येरी, ढोङगीनक्‍या एन्‍ला सो़न्‍पो ग्‍युरकीलाक।

२ थेसालोनीकेपा 2:1

पी़न्‍दाक्‍याओ, होरी चोवो येशु मास्‍यीका धाब्‍ले फेप्‍ये धाङ होराङ खोङबामुला ज्‍यायेगी कोरला हेक्‍या श्‍युवाहीन।

ईब्‍रीपा 12:19

होदुरु खुङक्‍याई दुङकेक क्षे धाङ सुङकेक च्‍यीक घोरपालाक धेनी होदे सुङकेक घोराराङ, खुङक्‍याई देने ल्‍हाक सुङा माजे ॱनेरी, को़न्‍क्षोकला श्‍योवा पुवालाक।

ॱङो़न्‍पा 1:20

धा ख्‍यी़ ङी लाक्‍पा ॱये स्‍योकला थोङगीन, कारमा धी़न धाङ सेरगी क्‍युङ धी़नगी साङवागो नी दे लाक, कारमा धी़नक्‍या क्षो़छोक धी़नगी भाङछेनक्‍या लाक धेनी क्‍युङ धी़नगो, क्षो़छोक धी़न्‍बोगो लाक।”

ॱङो़न्‍पा 11:15

धेनी नाम्‍खे भाङछेन धी़न्‍बागी़ राङगी दुङक्षेनगो भी़वालाक धेनी होदे स्‍याम्‍ने नाम्‍खे श्‍यीङखामदु सुङकेक क्षेक्‍याई देरे सुवालाक, “जीक्‍तेनगी ग्‍यासी, होरी चोवो धाङ खोङबागी मास्‍यीकागी ग्‍यासी झ्‍युदुक। धेनी खोङबागी ग्‍युने ग्‍युन्‍दु वाङग्‍युर जेगीलाक।”

ॱङो़न्‍पा 7:1

होदे स्‍याम्‍ने, साश्‍यी याङना ग्‍याछो याङना दोङबो च्‍यीया खाला ॱलुङबु मीग्‍युक्‍वास्‍योक ॱनेरी, नाम्‍खे भाङछेन श्‍यी, साश्‍यीगी छोक श्‍यीगारागी ॱलुङबुला काक्‍ती, साश्‍यीगी छोक श्‍यीला श्‍यारी श्‍युक्‍कीनगो, ङी थोजुङ।

ॱङो़न्‍पा 8:2

धेनी को़न्‍क्षोकगी डुङदु श्‍युक्‍कीन नाम्‍खे भाङछेन धी़नगो, ङी थोजुङ। धेनी खुङक्‍याला दुङक्षेन धी़न ॱनाङजुङ।