मेथा 24:14 - ॱलोवा

¹⁴ धेनी ग्‍यासीगी ताम्‍शाङ दे जीक्‍तेन क्‍युनदु मीरीक घीरीगी क्षीला, पाङपो झ्‍येरी ख्‍याप्‍कीलाक धेनी थागो हुङगीलाक।

मेथा 24:14 ပူးပေါင်းရင်းမြစ်များ

मेथा 10:7

धेनी खेक्‍या डोवाराङ ‘नाम्‍खे ग्‍यासी ङ्ये ॱलेप्‍दुक।’ ॱनेरी सेटाक झ्‍यी।

मेथा 18:19

याङदा ङा खेक्‍याला ॱनाहीन, दे जीक्‍तेनदु, खेक्‍याने मी ॱङी थी़न्‍दी घी श्‍यी़ना, होदे नाम्‍खे श्‍यीङखामदु श्‍युक्‍कीन ङी यापगी खेक्‍या क्षीला ॱनाङा जेगीलाक।

मेथा 24:3

येशु क्‍युरुस्‍यीङगी रीला श्‍युक्‍ती, खोङबागी ङेनेक्‍या खोङबाचारु शुरला च्‍यारती श्‍यी़वालाक, “दे घीरी नाम झ्‍युङगीले धेनी खेराङ फेप्‍कीन धाङ थामे धी़गी ताकगो घी झ्‍युङगीलाक ॱनेरी, हेक्‍याला सुङाजे?”

मेथा 24:6

“धेनी खेक्‍याई ॱमाक्‍ठुक धाङ ॱमाक्‍ठुकगी लाबक्‍या घोरकीलाक। होदे घाङला खेक्‍या माजीक, घीझ्‍येरी ॱनाना दे झ्‍युङ घो़गुलाक हीना थामे धी़गो धोराङा दे मालाक।

मेथा 4:23

धेनी येशु गालीलगी छोक घीरीला फेप्‍ती, खुङक्‍याई छोक्‍खाङक्‍याला क्षो़ सुरी, नाम्‍खे ग्‍यासीगी ताम्‍शाङ दे सेटाक जेपालाक। धेनी नाजा घीरी धाङ मीमाङला हो़गीन नेको़न घीरी चो़गा जेपालाक।

मेथा 9:35

धेनी येशु ग्‍याजा घीरी धाङ यु घीरीगी छोक्‍खाङक्‍याला, क्षो़ तो़न्‍दी धाङ ग्‍यासीगी ताम्‍शाङगो सेटाक जेदी फेप्‍पालाक। धेनी नाजा घीरी धाङ नेको़न घीरी चो़गा जेदी फेप्‍पालाक।

मारकु 13:10

धेनी थागी धी़चो़ हुङये एन्‍ला, ताम्‍शाङ दे मीरीक घीरीला स्‍येघो़गीलाक।

लुका 2:1

होदी घाङला, ग्‍यावु केसार उगास्‍तोगी रोमा ग्‍याखाप घीरीगी मीमाङक्‍याला, मीङ थो ग्‍याप्‍येला का तेरपालाक।

लुका 24:47

धेनी येरुसालेमने गो चुक्‍ती, मीरीक घीरीला खोङबागी छेनने धीक्‍पागी ग्‍यो़पा धाङ घोयाङगी कोरला क्षो़ स्‍येघो़गीलाक।

लुका 4:5

धेनी धी़कगी खोङबाला री थोवा च्‍यीकला ठीक्‍ती, लेमु च्‍यीकला जाम्‍बुलीङगी ग्‍याखाप घीरी तो़न्‍दी ॱनेवालाक,

जेपा 1:2

येशुगी नाम्‍खे श्‍यीङखाम फेप्‍ये एन्‍ला राङगी दाम्‍दावा कुछापक्‍याला, धाम्‍पे थुक्‍ङीगी स्‍युकने का ॱनावालाक।

जेपा 11:28

आगाबु ॱनागीन ॱङो़नस्‍येखेन च्‍यीक छोक्‍पागी खोकला लारी, धाम्‍पे थुक्‍ङीने साजा घीरी ॱमीच्‍यीकी क्षे मुगेला स्‍योरकीलाक ॱनेरी ॱङो़न खेन्‍बालाक। (कालोदेहु ग्‍यावुगी धी़चो़ला ॱङो़नस्‍ये दे डुप्‍पालाक।)

जेपा 17:31

घीझ्‍येरी ॱनाना खोङबागी को़ ॱनाङगीन मी देगी क्षीने, जाम्‍बुलीङगी मी घीरीगी ठीमगो ढाङपो चेये ॱनेरी, खोङबागी ठीम चेगीन ङीमा दे को़ जे हो़तालाक। देगी पाङपोगो खोङबागी खोङला छीवाने याङ सो़न्‍पो श्‍याङ जेदी मी घीरीला तो़न जे हो़तालाक।”

जेपा 17:6

धेनी होदुरु खोङ ॱङीउ ॱमाङेपा खुङक्‍याई यासोन धाङ श्‍येम्‍मा पी़न्‍दा रीङगाला, ग्‍याजागी पो़न्‍पोक्‍या दोङदु ढी़दी होरी, देरे केक ग्‍याप्‍पालाक, “घारु हीन्‍ना घीरीला टुक्‍तु च्‍युक्‍कीनक्‍या धा दुरुवा होदुक,

जेपा 19:27

देरे झ्‍येरी होरी लेगा च्‍यीगा मालाक हीना घीरीगी चीगीन ल्‍हामो आरतीमीगी ल्‍हाखाङगीयाः, ॱमेटा झ्‍युङयेगी ङेन्‍का हो़तालाक। धेनी एशीया धाङ जाम्‍बुलीङ घीरीदु चीरी होवा, आरतीमी ॱनागीन ल्‍हामोगी क्षाक्‍क्षो़ सी़या झ्‍यीगीमालाक।”

जेपा 20:25

धा ङा साजा-साजाक्‍याला सोरी, खेराङक्‍याला को़न्‍क्षोकगी ग्‍याखापगी कोरला ताम्‍शाङ स्‍येदी सोवी। हीना देने ॱहाला खेराङक्‍याने सी़या ङाला धाब्‍ले थोङगीमालाक ॱनेरी ङाला क्षाहो़क।

रोमापा 10:18

हीना ङा ढीलाहीन, खुङक्‍याई माघोरपालाक से? ॱङोन्‍नेराङ घोर हो़तालाक। घीझ्‍येरी ॱनाना “खुङक्‍याई केक साश्‍यी हो़लेरु ख्‍याप्‍दुक, धेनी खुङक्‍याई का जाम्‍लीङगी था थुक्‍पे ख्‍याप्‍दुक।”

कोलोसेपा 1:23

होझ्‍येरी खेक्‍याई घोरकीन ताम्‍शाङने थोप्‍था रेवागो ॱमेपाङा, मी़थुने धेपाला तेन्‍पो ॱनेघो़। ताम्‍शाङ दे नाम्‍खे श्‍यीङखामगी होकदु जीक्‍तेनदु हो़गीन, घीरीला स्‍ये हो़तालाक धेनी ङा पाउलु दी श्‍याप्‍तोक्‍पा च्‍यीक हीन।

कोलोसेपा 1:6

ताम्‍शाङ दे खीकी घुङदु ॱलेप्‍सालाक धेनी जीक्‍तेन घीरीदु ढेबु केरी फेली। होझ्‍येरीराङ खीकी घुङदुवाः खेक्‍याई ताम्‍शाङ घोरकीन धाङ को़न्‍क्षोकगी थुक्‍जेगी कोरला ॱङोन्‍ने ॱहाघोरकीन, ङीमानेराङ दे फेरी डी़।

ईब्‍रीपा 1:6

धेनी राङगी एम्‍मा क्‍येक्‍या भुगोला जीक्‍तेनदु ॱङाक जेदाराङ, खोङगी याङ सुङालाक, “को़न्‍क्षोकगी भाङछेन हो़लेगी खोङला क्षाक छाघो़।”

ईब्‍रीपा 2:5

होरी लाब ताङगीन माउपारगी जीक्‍तेनगो, को़न्‍क्षोकगी नाम्‍खे भाङछेनक्‍याई वाङ होकदु श्‍याक माजे हो़तालाक।

ॱङो़न्‍पा 14:6

धेनी नाम्‍खे भाङछेन श्‍येम्‍मा च्‍यीक ॱनामगी बारनाङला फुरती धेगीनगो, ङी थोजुङ। धेनी साश्‍यीदु हो़गीन, मीरीक धाङ ग्‍युपा धाङ केरीक धाङ मी घीरीला सेटाक झ्‍यीये हीन्‍गीन, थामेगीन ताम्‍शाङगो खोङबाला हो़तालाक।

ॱङो़न्‍पा 16:14

देक्‍या नी ॱहालेवा ताकक्‍या तो़न्‍गीन डेगी सेम्‍ङीक्‍या लाक। कुवाङ को़न्‍क्षोकगी ङीमा खाक्‍क्षेगोला, ॱमाक टाप्‍येगी क्षीदु दे, सेम्‍ङीक्‍या जाम्‍बुलीङ घीरीगी ग्‍यावुक्‍या चारु सोरी खुङक्‍याला रुप्‍पालाक।

ॱङो़न्‍पा 3:10

खेक्‍याई शो़पा झ्‍यीघो़गीन ङी कागो ॱरुङरोवा झ्‍येरी, ङा ख्‍यो़ला साश्‍यीदु हो़गीन मी घीरीला छो़ता झ्‍यीयेला, जाम्‍बुलीङदु हुङये हीन्‍गीन होदे छो़तागी धी़चो़ने क्‍योप्‍येहीन।