11 खेक्या नाङने क्षेस्योकगो खीकी ॱयोक्पो झ्युङास्योक।
धेनी खेक्याला सी़या ‘ॱलोपो़न’ ॱनेरी माभो़वास्योक घीझ्येरी ॱनाना खेक्याला ॱलोपो़नगो मास्यीका च्यीगा लाक।
धेनी खोङबा श्युक्ती, ङेने चुङङीला भो़री खुङक्याला सुवालाक, “एन्योक झ्युङी दो़गीनगो, घीरीने स्याम्योक झ्युङ घो़गीलाक धेनी घीरीगी ॱयोक्पो ग्युक घो़गीलाक।”
ङा मी सी़याः होकदु मेनाः हीना मी माङागी सेम क्योप्येगी क्षीदु, ङा ङाराङ घीरीगी ॱयोक्पो झ्युहो़क।
खुङक्या मास्यीकागी श्याप्चीपा ले? ङा ॱयोल्ले श्याप्ची शाङा हीन। ङा ॱङ्योम्बा च्योक्रे लाब ताङीहो़क। ङी ॱमीच्यीकी काल्ले ग्याप्पी। ङा चो़न्खाङदु थेङ माङा छी़जुङ। ङाला ताच्याकगी दुङदाक माङा फोक्जुङ। धेनी थेङ माङा ङारी ॱरोक ङेन्काला छी़जुङ।
घीझ्येरी ॱनाना हेक्या राङगी कोरला मेन्दा, हीना हेक्या येशुगी क्षीदु खेक्याई श्याप्चीपा झ्युरी, येशु मास्यीकाराङ चोवो हीन ॱनेरी सेटाक झ्यीदाहीन।
पी़नक्याओ, खेक्या राङवाङगी दो़नला भो़वालाक। होदे राङवाङ दे ली़गी दो़छाक काङयेला भेचो़ माझ्यी, हीना खेक्या झाम्पागी थोक्ने च्यीकगी च्यीकला श्याप्ची श्यी़।
