मेथा 21:22 - ॱलोवा

²² खेक्‍याला धेपा हो़ना, खीकी ॱमो़लामला घी श्‍यी़ली होदे थोप्‍कीलाक।”

मेथा 21:22 ပူးပေါင်းရင်းမြစ်များ

मेथा 18:19

याङदा ङा खेक्‍याला ॱनाहीन, दे जीक्‍तेनदु, खेक्‍याने मी ॱङी थी़न्‍दी घी श्‍यी़ना, होदे नाम्‍खे श्‍यीङखामदु श्‍युक्‍कीन ङी यापगी खेक्‍या क्षीला ॱनाङा जेगीलाक।

मेथा 7:11

होझ्‍येरी खेक्‍या ङेन्‍पा झ्‍येरीया राङगी टुवाक्‍याला ॱङेन्‍बा शाङा तेर स्‍येना, नाम्‍खे श्‍यीङखामदु श्‍युक्‍कीन ख्‍यी़ यापगी, खोङला श्‍यी़गीनक्‍याला घाजो़ माङा शाङा हो़गीनक्‍या ॱनाङी हेटु।

मेथा 7:7

“श्‍यी़ धेनी ख्‍यो़ला ॱनाङगीलाक, चो धेनी ख्‍यो़ला ॱङेगीलाक, घो दुङ धेनी ख्‍यी़ क्षीला पेगीलाक।

मारकु 11:24

होझ्‍येरी ङा खेक्‍याला ॱनाहीन, ॱमो़लामला खेक्‍याई घी ॱलाङगीनगो थोप्‍साहो़क ॱनेरी, धेपा झ्‍यी धेनी होदे ख्‍यो़ला थोप्‍कीलाक।

योहान्‍ना 14:13

यापगी शीजे सेगी थोक्‍ने ॱङो़न्‍येला, खेक्‍याई ङी मीङला घी श्‍यी़, होदे ङी झ्‍यीयेहीन।

योहान्‍ना 15:7

खेक्‍या ङी नाङ ॱनेती, ङी का खेक्‍याई नाङ ॱनेना, खीकी घी दो़गीनगो श्‍यी़, धेनी होदे खीकी क्षीला डुप्‍कीलाक।

योहान्‍ना 16:24

धान्‍दा थुक्‍पे, खीकी ङी मीङगी थोक्‍ने माश्‍यी़ हो़तालाक। धा खीकी घाटो खाङयेगी क्षीला, श्‍यी़ धेनी खेक्‍याला थोप्‍कीलाक।

याकोब 5:16

होझ्‍येरी ढाक्‍सो़ थोप्‍येगी क्षीला, फेन्‍छुन घुङदु राङगी धीक्‍पा खेलेन झ्‍यी धेनी च्‍यीकगी च्‍यीकला ॱमो़लाम ग्‍योप। मी ढाङपो च्‍यीकगी ॱमो़लाम स्‍युक्‍क्षे धाङ फेन्‍क्षे हो़तालाक।

१ योहान्‍ना 3:22

धेनी होरी घी श्‍यी़ना, होदेगो खोङगी थोक्‍ने थोबालाक घीझ्‍येरी ॱनाना होराङ खोङबागी काक्‍या ॱरुङालाक धेनी खोङला थुक्‍ङेउ हुङगीन लेगाक्‍या झ्‍यीदालाक।