मेथा 21:11 - ॱलोवा

¹¹ धेनी मीछोकक्‍याई ॱनेवालाक, “दे नी गालीलगी नाजारेतने हीन्‍गीन, ॱङो़नस्‍येखेन येशुगो लाक।”

मेथा 21:11 ပူးပေါင်းရင်းမြစ်များ

मेथा 2:23

धेनी खो सोरी नाजारेत ॱनागीन युदु धेपालाक। धा एम्‍मा ॱङो़नस्‍येखेनक्‍याई थोक्‍ने, “खोङबाला नाजारेपा सुरी श्‍युगीलाक।” सुङगीन दे डुप्‍पालाक।

मेथा 21:10

धेनी खोङबा येरुसालेमदु फेप्‍ती ग्‍याजा घीरीदु “दे सुले?” ॱनेरी ॱमीच्‍यीकी ढेगे झ्‍युवालाक।

मेथा 21:26

हीना मीने झ्‍युवालाक ॱनेरी ॱनाना, मी घीरीगी योहान्‍नाला ॱङो़नस्‍येखेन लाक ॱनेरी चीरी, होराङ मीछोकला जीयालाक।”

मेथा 21:46

धेनी खुङक्‍याई येशुला शीम्‍येला थापस्‍यी झ्‍येवालाक हीना खोङबाला ॱङो़नस्‍येखेन च्‍यीक लाक ॱनेरी, चीगीनगोला खुङक्‍या मीछोकमुला जीक्‍पालाक।

मारकु 6:15

हीना श्‍येम्‍माक्‍याई, “खो नी ॱङो़नस्‍येखेन एलीया लाक।” ॱनेरी ॱनेवालाक। धेनी धोराङा श्‍येम्‍माक्‍याई, “खो नी धाङबी ॱङो़नस्‍येखेनक्‍या च्‍योक्‍रे ॱङो़नस्‍येखेन च्‍यीक लाक।” ॱनेरी ॱनेवालाक।

लुका 13:33

हीना धीरीङ ॱङेटो धाङ ॱनाः, ङा ङारी लामला डो घोगीलाक घीझ्‍येरी ॱनाना ॱङोन्‍नेराङ ॱङो़नस्‍येखेन च्‍यीक येरुसालेमने फीला ढोङ ॱमीथुक्‍कीलाक।’

लुका 24:19

खोङबागी, “घीन्‍गी कोरला?” सुरी ढीवा जेपालाक। धेनी खुङ ॱङीउगी ॱनेवालाक, “नाजारेतगी येशुगी कोरला। खोङबा को़न्‍क्षोक धाङ मी घीरीगी दोङदु छीक धाङ क्षाक्‍लेला नी़थु क्षेन्‍बो हो़गीन, ॱङो़नस्‍येखेन च्‍यीक लाक।

लुका 7:16

धेनी मी घीरी ॱमीच्‍यीकी जीक्‍ती, को़न्‍क्षोकला तो़टा पुरी ॱनेवालाक, “होरी घुङदु ॱङो़नस्‍येखेन खाक्‍क्षे च्‍यीक थो़न्‍दुक।” धेनी “को़न्‍क्षोकगी खोरी मीरीकला थुक्‍जे शीक्‍दुक।”

लुका 7:39

खोङबाला डो़नला भो़गीन, फारुसीपागी़ दे थोरी खोरी सेम नाङदु देरे साम्‍बालाक, “दे मी दे ॱङो़नस्‍येखेन च्‍यीक हीन्‍ना खोराङला जुगीन केमीगो सु धाङ घारे च्‍यीक ले, ॱनेरी ॱहाघोरये हो़तालाक घीझ्‍येरी ॱनाना मो धीक्‍चेन च्‍यीक लाक।”

योहान्‍ना 1:21

धेनी खुङक्‍याई खोला, “ॱहाना ख्‍यो़ सुले? ख्‍यो़ एलीया हीने?” ॱनेरी ढीवालाक। खी़, “ङा मेन।” ॱनेरी ॱनेवालाक। “हीकी रेवा झ्‍येजा ॱङो़नस्‍येखेनगो ख्‍यो़ हीने?” खी़, “ङा मेन।” ॱनेरी लेन ग्‍याप्‍पालाक।

योहान्‍ना 1:25

धेनी खुङक्‍याई योहान्‍नाला ढीवालाक, “धा ख्‍यो़ मास्‍यीकागोवा मेन, एलीयागोवा मेन धेनी होदे ॱङो़नस्‍येखेनगोवा मेन्‍ना, घीझ्‍येरी ठी़सो़ तेराले?”

योहान्‍ना 4:19

होदे केमीगी खोङबाला श्‍यी़वालाक, “ॱलोपो़न ला, खेराङ ॱङो़नस्‍येखेन च्‍यीक हीन्‍गीनगो ङी स्‍येजुङ।

योहान्‍ना 6:14

मीक्‍याई खोङबागी जेजा ताकगो थोरी ॱनेवालाक, “जीक्‍तेनदु फेप्‍कुलाक ॱनागीन ॱङो़नस्‍येखेनगो, खोङबाराङ हीन्‍दाराक।”

योहान्‍ना 7:40

खोङबागी सुङगीन दे घोरती, मीछोकगी नाङने रीङगागी ॱनेवालाक, “मी दे ॱङोन्‍नेगी ॱङो़नस्‍येखेनगो लाक।”

योहान्‍ना 9:17

होझ्‍येरी खुङक्‍याई धाब्‍ले होदे श्‍यारागोला ढीवालाक, “होदे मीगी ख्‍यी़ ॱमीक सो़री, धा ख्‍यो़ खी़ कोरला घी सामी हो़तो?” खी़ ॱनेवालाक, “खोङ ॱङो़नस्‍येखेन च्‍यीक लाक।”

जेपा 7:37

‘को़न्‍क्षोकगी खेक्‍याई क्षीला, खेक्‍या नाङने ङा च्‍योक्‍रे ॱङो़नस्‍येखेन च्‍यीक दाम्‍गीलाक।’ ॱनेरी ईस्‍राएल्‍पा मीक्‍याला ॱनागीन मीगो मोशेराङ लाक।