मेथा 21:1 - ॱलोवा

¹ धेनी येशु धाङ खोङगी ङेनेक्‍या येरुसालेमगी ङ्येडामदु फेप्‍ती, क्‍युरुस्‍यीङगी रीदु हो़गीन बेथफागेदु ॱलेप्‍पालाक। धेनी येशुगी ङेने ॱङीला देरे सुरी झावालाक,

मेथा 21:1 ပူးပေါင်းရင်းမြစ်များ

मेथा 20:34

धेनी येशुगी ॱङीङजे केरी, खुङक्‍याई ॱमीक खाला क्षाक जेपालाक धेनी लाम्‍साङ खुङक्‍याई ॱमीक थोवालाक धेनी खोङबागी स्‍याम्‍ला डावालाक।

मेथा 21:2

“खेक्‍याई दोङदु हो़गीन युदु सोङ धेनी होदुरु ॱलेप्‍लुङ मेताला, खेक्‍याई भुङगु च्‍यीक राङगी भुङटुमुला ताक्‍ती श्‍याकश्‍या ॱङेगीलाक। होदेक्‍याला टोरी ङीचारु ठीक्‍ती स्‍योक।

मेथा 24:3

येशु क्‍युरुस्‍यीङगी रीला श्‍युक्‍ती, खोङबागी ङेनेक्‍या खोङबाचारु शुरला च्‍यारती श्‍यी़वालाक, “दे घीरी नाम झ्‍युङगीले धेनी खेराङ फेप्‍कीन धाङ थामे धी़गी ताकगो घी झ्‍युङगीलाक ॱनेरी, हेक्‍याला सुङाजे?”

मेथा 26:30

धेनी खोङबाक्‍याई तो़याङ च्‍यीक पुरी, क्‍युरुस्‍यीङगी री स्‍योकला फेप्‍पालाक।

मारकु 13:3

येशु क्षो़खाङगी दोङला हो़गीन, क्‍युरुस्‍यीङगी रीला श्‍युक हो़तालाक। धेनी पेटो, याकोब धाङ योहान्‍नागी खोङबाला शुरला खाबा श्‍यी़वालाक,

मारकु 14:26

धेनी खुङक्‍याई तो़लु च्‍यीक तारी, क्‍युरुस्‍यीङगी री स्‍योकला फेप्‍पालाक।

लुका 21:37

धेनी ङीमा तेनग्‍याङ येशुगी क्षो़खाङदु क्षो़ तो़न जेपालाक हीना घोमुगो खोङबा होदेने थो़न्‍दी क्‍युरुस्‍यीङगी रीला छेन क्‍यालालाक।

लुका 22:39

ङीमा तेनग्‍याङ च्‍योक्‍रे येशु ग्‍याजाने थो़न जेदी, क्‍युरुस्‍यीङगी रीरु फेप्‍पालाक धेनी ङेनेक्‍या खोङबागी स्‍याबाला डावालाक।

योहान्‍ना 8:1

हीना येशु क्‍युरुस्‍यीङगी रीरु फेप्‍पालाक।

जेपा 1:12

होदे स्‍याम्‍ने कुछापक्‍या क्‍युरुस्‍यीङगी री भोरती, येरुसालेम स्‍योकला सोवालाक। होदेने येरुसालेम थुक्‍पे क्षुजी फेक चो़गी लाम हो़तालाक।