मेथा 20:34 - ॱलोवा

³⁴ धेनी येशुगी ॱङीङजे केरी, खुङक्‍याई ॱमीक खाला क्षाक जेपालाक धेनी लाम्‍साङ खुङक्‍याई ॱमीक थोवालाक धेनी खोङबागी स्‍याम्‍ला डावालाक।

मेथा 20:34 ပူးပေါင်းရင်းမြစ်များ

मेथा 14:14

खोङबा डु नाङने भावा जेदी मीछोक क्षे हो़गीनगो शीक्‍पालाक धेनी खुङक्‍याला ॱङीङजे केरी, नेपाक्‍याला चो़गा जेपालाक।

मेथा 15:32

धा येशुगी ङेनेक्‍याला राङचारु भो़री सुवालाक, “मीछोक देक्‍या ङीमुला धेती, ङीमा सुम डी़ धेनी देक्‍याला शाये घीया मेता, ङा खुङक्‍याला ॱङीङ जेली। धेनी खुङक्‍या तोक्‍ती लाम्‍गाला ढीमे थोरती गेटु ॱनेरी, ङा खुङक्‍याला फोवा तोङबा ॱलोक्‍ती ताङी मेदो़दा।”

मेथा 20:33

खुङक्‍याई श्‍यी़वालाक, “चोवो, हीकी ॱमीक पेया जेरोनाङ।”

मेथा 21:1

धेनी येशु धाङ खोङगी ङेनेक्‍या येरुसालेमगी ङ्येडामदु फेप्‍ती, क्‍युरुस्‍यीङगी रीदु हो़गीन बेथफागेदु ॱलेप्‍पालाक। धेनी येशुगी ङेने ॱङीला देरे सुरी झावालाक,

मेथा 8:15

खोङबागी मी़ लाक्‍पा जी़वालाक धेनी छावागो सेरी, मो लावालाक धेनी खोङबाला श्‍याप्‍ची श्‍यी़वालाक।

मेथा 9:29

धेनी खोङबागी खुङ ॱङीउगी ॱमीकला जुरी सुवालाक, “खे ॱङीउगी धेपा हो़गीन च्‍योक्‍रे, खे ॱङीउला डुपास्‍योक।”

मेथा 9:36

मीछोकक्‍याला शीक्‍ती, खोङबा ॱङीङजेगी खावालाक घीझ्‍येरी ॱनाना खुङक्‍या झीउ मेगीन लुकक्‍या च्‍योक्‍रे, श्‍येम्‍माने दुक्‍पु फोक्‍पा धाङ रोवा मेगीन शीक्‍पालाक।

मारकु 7:33

धेनी खोङबागी खोला मीमाङक्‍याने ॱहाला ठीया जेदी, खी़ आमच्‍योक नाङदु राङगी क्षाक्‍जुप चुवा जेपालाक। धेनी राङगी क्षाकला ज्‍याक्‍छाप तोरती खी़ च्‍येमोला जी़वालाक।

लुका 18:43

धेनी लाम्‍साङ खो थोङगीन झ्‍युवालाक। धेनी को़न्‍क्षोकगी तो़टा ताङी, खो खोङबागी स्‍याम्‍ला डावालाक। दे थोरी मी घीरीगी को़न्‍क्षोकला तो़पा पुवालाक।

लुका 22:51

हीना येशुगी सुवालाक, “देरे माझ्‍यी।” धेनी होदे मीगी आमच्‍योकला जुरी, खोङबागी होदेला चो़गा जेपालाक।

लुका 7:13

धेनी चोवो येशुगी मोला शीक्‍ती, खोङबागी सेम ॱङीङजेगी खारी मोला सुवालाक, “माङु।”

जेपा 26:18

ङा ख्‍यो़ला खुङक्‍याई ॱमीक पेरी, खुङक्‍याला मी़नाक्‍पाने हो़क स्‍योकला ठीक्‍ती हुङये धाङ धी़कगी आङजाने को़न्‍क्षोक चारु ठीक्‍ती हुङयेला झाङाहीन। धेनी ङाला धेपा झ्‍येरी, खुङक्‍याला खोरी धीक्‍पागी घोङपा राक्‍कीलाक धेनी खुङक्‍यालाः को़न्‍क्षोकगी मीक्‍यामुला धेये राक्‍कीलाक।’

ईब्‍रीपा 2:17

होझ्‍येरी मीक्‍याई धीक्‍पागी धीकस्‍याक पुयेला, खोङबा को़न्‍क्षोकगी श्‍याप्‍ची श्‍युगीन ॱङीङजेचेन धाङ ॱलोते छोक्‍पा क्षो़पो़न क्षे झ्‍युङयेगी क्षीदु, खोङ येशु नी, छोक घीरीने राङगी पी़नक्‍या च्‍योक्‍रे ग्‍युर घो़वालाक।

१ पेटो 3:8

थामाला, खेक्‍या घीरी सेम थी़न्‍पा धाङ ॱङीङजे धाङ फेन्‍छुनला झाम्‍पा धाङ चेसेम धाङ ॱङ्यामच्‍युङ झ्‍युङघो़।