मेथा 20:30 - ॱलोवा

³⁰ धेनी लाम्‍गागी शुरला धेता श्‍यारा ॱङीगी, येशु होदेने फेई ॱनागीनगो घोरती फेरा ग्‍याप्‍ती ॱनेवालाक, “चोवो, दावीदगी से, हेक्‍याला ॱङीङजे शीया जे!”

मेथा 20:30 ပူးပေါင်းရင်းမြစ်များ

मेथा 13:4

धेनी खी़ साङा तोरी घाङला, रीङगा लाम्‍गाला थोरपालाक धेनी झ्‍याक्‍या होरी होदे शेवालाक।

मेथा 15:22

होदे साजागी कानानीपा केमी च्‍यीक खोङबागी डुङदु होरी, केक क्षे ग्‍याप्‍ती श्‍यी़वालाक, “के चोवो ला, दावीदगी से, ङाला ॱङीङजे जेरोनाङ। ङी भोमो डेगी शीम्‍दी ॱमीच्‍यीकी दुक्‍वा झ्‍युरी धेदुक।”

मेथा 20:31

मीछोकगी खुङ ॱङीउला खाबा धो़क ॱनेरी आङजी तावालाक हीना खुङ ॱङीउ ॱयोल्‍ले फेरा क्षे ग्‍याप्‍ती ॱनेवालाक, “चोवो ला, दावीदगी से, हे ॱङीउला ॱङीङजे शीक्‍रोनाङ!”

मेथा 21:14

श्‍यारा धाङ श्‍याक्‍योकक्‍या क्षो़खाङदु खोङबागी दोङदु होवालाक धेनी खोङबागी खुङक्‍याला ढाक्‍सो़ ॱनावालाक।

मेथा 21:9

धेनी खोङबागी दोङ धाङ ग्‍यापला ग्‍युक्‍कीन मीछोकक्‍याई केक ग्‍याप्‍ती ॱनेवालाक, “दावीदगी सेला होसान्‍ना, चोवोगी छेनने फेप्‍कीन, खोङबा घीन्‍गी झ्‍यीलाप क्षे! थोस्‍योकरु हो़गीनगोला होसान्‍ना!”

मेथा 22:42

सुवालाक, “मास्‍यीकागी कोरला खेक्‍याई घी सामी हेतो? खोङबा सी़ से ले?” खुङक्‍याई खोङबा दावीदगी से लाक ॱनेरी लेन श्‍यी़वालाक।

मारकु 10:46

होदेने खोङबाक्‍या यारीकोदु फेप्‍पालाक। राङगी ङेनेक्‍या धाङ मीछोक क्षेमुला, येशु यारीकोने थो़न्‍दी घाङला, तीमेउसगी भीजा बारतीमा ॱनागीन ॱलोङगीन श्‍यारा च्‍यीक लाम्‍गारु धे हो़तालाक।

लुका 4:18

“चोवोगी थुक्‍ङी ङी खाला ॱने हो़तालाक, घीझ्‍येरी ॱनाना उटेक्‍याला ताम्‍शाङ स्‍येयेला, खोङबागी ङाला दामा जेपालाक। धेनी चो़न्‍पाक्‍याला राङवाङगी लो़न सेटाक झ्‍यीये, धाङ श्‍याराक्‍याई ॱमीक थोङगीन शोये, धाङ ॱनेम्‍दी धेताक्‍याला राङवाङ ॱनाङये,

लुका 7:21

धेनी होदे घाङलाराङ येशुगी नाजाक्‍या धाङ शुकक्‍या धाङ ॱनो़पाक्‍या हो़गीन, मी माङाला चो़गा जेपालाक धेनी श्‍यारा माङाला थोङगीन जेपालाक।

जेपा 2:30

हीना दावीद ॱङो़नस्‍येखेन लाक धेनी खोङगी ग्‍युपाक्‍याने च्‍यीक, खोङगी श्‍युक्‍ठीला श्‍युक्‍कुलाक ॱनेरी, को़न्‍क्षोकगी जेजा धाम्‍चागो खोङला स्‍येये हो़तालाक।