मेथा 20:21 - ॱलोवा

²¹ धेनी खोङबागी मोला सुवालाक, “ख्‍यो़ला घी घो़ली ओ?” धेनी मी़ श्‍यी़वालाक, “ङी भीजा ॱङीउ देने, खेराङगी ग्‍यासीदु च्‍यीक खेराङगी ॱये धाङ च्‍यीक खेराङगी ॱयो़न स्‍योकला धेतु च्‍युक्‍येला का ॱनाङरो जे।”

मेथा 20:21 ပူးပေါင်းရင်းမြစ်များ

मेथा 18:1

होदे घाङला ङेनेक्‍या येशुचारु च्‍यारती, खोङबाला श्‍यी़वालाक, “नाम्‍खे ग्‍यासी नाङदु क्षेस्‍योक सुले?”

मेथा 19:28

येशुगी खुङक्‍याला सुवालाक, “ङा खेक्‍याला धेन्‍पाराङ ॱनाहीन, घीरी साबा को़ली घाङला, मी-भु राङगी शीजेगी श्‍युक्‍ठीला श्‍युई घाङला, खेक्‍या ङी स्‍याबाला डागीनक्‍या श्‍युक्‍ठी च्‍युङङी खाला धेती, ईस्‍राएलगी छोखाक च्‍युङङी खाला ठीम चेगीलाक।

मेथा 20:22

धेनी येशुगी सुवालाक, “ख्‍यी़ श्‍युगीनगी दो़नगो ख्‍यो़ ॱमेस्‍येलालाक। ङी थुङ घो़गीन दुक्‍पुगी फोराने खेक्‍या थुङ थोवाई?” धेनी खुङक्‍याई “थुङ थुक्‍येहो़क” ॱनेरी ॱनेवालाक।

मेथा 20:32

धेनी येशुगी छाम श्‍या जेदी, खुङक्‍याला भो़री सुवालाक, “खीकी क्षीला ङा घी झ्‍यीगीनगो दो़दी हेतो?”

मारकु 10:51

धेनी येशुगी खोला सुवालाक, “ख्‍यी़ क्षीला ङा घी झ्‍यीगु?” श्‍यारागी खोङबाला श्‍यी़वालाक, “ॱलोपो़न ला, ङी ॱमीक थोङये हो़गीन जेरोनाङ।”

मारकु 16:19

चोवो येशुगी खुङक्‍यामुला कामो़न ॱनाङसारती, खोङबा नाम्‍खे श्‍यीङखाम स्‍योकला ठीक जेपालाक धेनी को़न्‍क्षोकगी क्षाक ॱये स्‍योकला श्‍युक जेपालाक।

मारकु 6:22

हेरोदीयासगी भोमो होरी घार चेरी, हेरोदे धाङ खी़ डो़न्‍बोक्‍याला ङ्यामो घारु च्‍युक्‍पालाक। होदे घाङला ग्‍यावुगी़ भोमोला ॱनेवालाक, “ख्‍यो़ला घी दो़गीनगो ङाला ॱलोङ धेनी होदेगो ङी ख्‍यो़ला तेरो।”

लुका 18:41

“ङा ख्‍यी़ क्षीला घी झ्‍यीगीनगो दो़दी हेतो?” खी़ ॱनेवालाक, “चोवो, ङा ॱमीक थोङी दो़दीक।”

लुका 19:11

धा मीक्‍याई दे ङेन्‍दी घाङला, येशुगी खुङक्‍याला पे च्‍यीक सुवालाक घीझ्‍येरी ॱनाना खोङबा येरुसालेमगी ङ्येरु हो़तालाक धेनी मीक्‍याई को़न्‍क्षोकगी ग्‍यासी उक्‍कुरा च्‍यीकला ॱङो़न्‍टु साम्‍बालाक।

लुका 22:24

धा ङेनेक्‍याने क्षेस्‍योक सु हीन्‍गीनगी कोरला, खुङक्‍या घुङदु चो़पा स्‍योरपालाक।

योहान्‍ना 15:7

खेक्‍या ङी नाङ ॱनेती, ङी का खेक्‍याई नाङ ॱनेना, खीकी घी दो़गीनगो श्‍यी़, धेनी होदे खीकी क्षीला डुप्‍कीलाक।

जेपा 1:6

होझ्‍येरी जोमी घाङला, होदे दाम्‍दा कुछापक्‍याई खोङबाला ढीवालाक, “चोवो, खेराङगी धान्‍दाराङ ईस्‍राएलगी ग्‍याखापला धाब्‍ले सो़ जेये हीन्‍ने?”

रोमापा 12:10

पी़नगी चीदोङ च्‍योक्‍रे, च्‍यीकगी च्‍यीकला झाम्‍पा झ्‍यी। राङने ल्‍हाक श्‍येम्‍माला घुस्‍याप झ्‍यी।

रोमापा 8:34

धा ॱहाना होराङला सी़ ठीम्‍चो़ झ्‍यीगीले? सी़या झ्‍यीगीमालाक। घीझ्‍येरी ॱनाना मास्‍यीका येशु नी, होरी क्षीदु ढोङा जेपालाक। धेनी याङ कुसो़न्‍पो श्‍याङा जेपालाक धेनी खोङ को़न्‍क्षोकगी क्षाक ॱयेरु श्‍युक्‍वा जेदी, होरी क्षीदु श्‍योवा पुली हो़तालाक।

कोलोसेपा 3:1

धा खेक्‍या मास्‍यीकामुला ॱलार सो़न्‍पो ॱलाङला हीन्‍ना, को़न्‍क्षोकगी क्षाक ॱयेरु मास्‍यीका श्‍युक्‍सा, नाम्‍खे श्‍यीङखामगी दो़नक्‍या चो।