मेथा 20:14 - ॱलोवा

¹⁴ राङगी थोप्‍ताङगो खेरती सोङ। दे स्‍याम्‍ला हुङगीन मीलाकक्‍यालाः, खेक्‍याला च्‍योक्‍रे तेरये ङा दो़दीहो़क।

मेथा 20:14 ပူးပေါင်းရင်းမြစ်များ

मेथा 20:13

धेनी दाक्‍पोगी़ खुङक्‍याने च्‍यीकला लेन ग्‍याप्‍पालाक, ‘छोटोओ, ङी ख्‍यो़ला मेढाङा घीया माझ्‍ये। ङीन्‍घाङगी ॱलाज्‍या देचो़लाराङ, ख्‍यी़ ङीमुला खेलेन्‍बा माले?

मेथा 20:15

ङी हीन्‍गीनगोला ङा घी झ्‍यीङी दो़गीनगो, ङा झ्‍यी ॱमेक्षोक्‍वाले? ङी ॱङीङजे झ्‍यीदाङगोला ख्‍यो़ ठादोक लाङाले?’

मेथा 6:16

“शोक झ्‍यीगीनक्‍याई मी श्‍येम्‍माला ॱङ्युङनेला श्‍युकहो़क, ॱनेरी तो़न्‍येगी क्षीला, खोराङक्‍याई ॱनामग्‍यु ग्‍युरकीन च्‍योक्‍रे, खेक्‍या ॱङ्युङने ॱरुङी घाङला खुङक्‍या च्‍योक्‍रे, ङो नाक्‍पो ॱमातो़न। ङा खेक्‍याला धेन्‍पाराङ ॱनाहीन, खुङक्‍याई खोरी ज्‍यागा घीरी थोप्‍सालाक।

मेथा 6:2

होझ्‍येरी उटेक्‍याला झ्‍यीम्‍बा ताङी घाङला, शोक झ्‍यीगीनक्‍याई मीक्‍याने तो़पा थोप्‍येगी क्षीला, छोक्‍खाङ धाङ ॱराङगाकक्‍याला दुङ बी़री ग्‍युक्‍कीन च्‍योक्‍रे, खेक्‍या माझ्‍यी। धेन्‍पाराङ ङा खेक्‍याला ॱनाहीन, खुङक्‍याई ज्‍यागा खुङक्‍याला थोप्‍सालाक।

मेथा 6:6

हीना खेक्‍या सोवा धेबी घाङला, ख्‍यो़री नाङ बुकतु सोरी, घो ग्‍याप्‍ती साङवाला श्‍युक्‍कीन ख्‍यी़ यापला सोवा धेप। धेनी साङवाने शीक्‍कीन ख्‍यी़ यापगी ख्‍यो़ला ज्‍यागा ॱनाङगीलाक।

लुका 15:31

“धेनी आकीगी खोला ॱनेवालाक, ‘भीजो, ख्‍यो़ ङीमुला च्‍योई धेदालाक धेनी ङाला हो़गीन घीरी ख्‍यी़ लाक।

लुका 16:25

हीना आब्‍राहामगी सुवालाक, ‘भीजाओ, ख्‍यो़ सो़न्‍पो हो़ती घाङला शाङा थोप्‍कीन धाङ लाजारला दुक्‍पु थोप्‍कीनगो ढेन्‍सो़ झ्‍यी। हीना धान्‍दा खोला दुरु कीपो दुक धेनी ख्‍यो़ला दुक्‍पु दुक।

योहान्‍ना 17:2

घीझ्‍येरी ॱनाना खेराङगी सेला ॱनाङना घीरीला, खोङगी थामेपे छेसोक ॱनाङयेला, खेराङगी सेला मी घीरीगी खाला वाङ ॱनाङ हो़तालाक।

रोमापा 3:19

धा क्षो़ठीमगी घी सुङगीन घीरी, क्षो़ठीमगी वाङ होकला हो़गीनक्‍याला सुङालाक ॱनेरी, होरी स्‍येलालाक। दे नी, मी घीरीगी खा काक्‍ये धाङ जीक्‍तेनगी मी हो़ले, को़न्‍क्षोकगी ठीम्‍चो़ होकदु ठीक्‍ती हुङयेगी क्षीदु लाक।

रोमापा 3:4

हुरे फुक्‍की झ्‍युङगुमालाक। मी घीरी शोक्‍पो हो़ना, को़न्‍क्षोक धेन्‍पा हुङघो़। दी कोरला सुङरापला देरे ढीक हो़तालाक, “खेराङ कामो़न सुङाराङ धेन्‍पा ॱङो़न्‍दास्‍योक, धेनी खेराङला ठीम चेदाराङ ग्‍यालास्‍योक।”