मेथा 19:29 - ॱलोवा

²⁹ धेनी ङी मीङगी क्षीला राङगी खाङबाक्‍या धाङ पी़नक्‍या धाङ फामा धाङ टुवाक्‍या धाङ साश्‍यीङक्‍या भोर हो़ना, खोला दाप ग्‍या थोप्‍कीलाक धेनी थामेपे छेसोक थोप्‍कीलाक।

मेथा 19:29 ပူးပေါင်းရင်းမြစ်များ

मेथा 10:22

धेनी ङी मीङगी छीला, घीरीगी खेक्‍याला दाङा झ्‍यीगीलाक। हीना थामा थुक्‍पे शो़पा घोम्‍गीनगोला थारपा थोप्‍कीलाक।

मेथा 13:23

हीना सा शाङाला थोरथा साङागो का ङेन्‍दी ॱहाघोरती धेनी ढेबु तेरकीनगो लाक। खोने ढेबु केगीलाक धेनी रीङगाने ग्‍या थाम्‍बा, रीङगाने ढुकच्‍यु धेनी रीङगाने सुमच्‍यु थाम्‍बा झ्‍युङगीलाक।”

मेथा 13:8

हीना साङा रीङगा सा शाङा खाला थोरपालाक धेनी होदेक्‍या केरी ढेबु छाक्‍ती रीङगाने ग्‍या थाम्‍बा, रीङगाने ढुकच्‍यु थाम्‍बा धेनी रीङगाने सुम्‍चु थाम्‍बा ढु झ्‍युवालाक।

मेथा 16:25

घीझ्‍येरी ॱनाना राङगी सोक क्‍योप्‍ङी दो़गीनगी़, होदे स्‍योरतु च्‍युक्‍कीलाक हीना राङगी सोक, ङी क्षीला स्‍योरतु च्‍युक्‍कीनगोला, होदे ॱङेगीलाक।

मेथा 19:16

धा मी च्‍यीक येशुगी दोङदु होरी श्‍यी़वालाक, “ॱलोपो़न ला, थामेपे छेसोकगी क्षीला, ङी ले शाङा घी झ्‍यीघो़गुले?”

मेथा 25:34

धेनी ग्‍यावुगी़ राङगी ॱये स्‍योकला सुङगीलाक, ‘ङी यापने झ्‍यीलाप थोप्‍था, खेक्‍या स्‍योक। जीक्‍तेन को़ने ॱहाला, खीकी क्षीला स्‍यामस्‍या ग्‍यासीगो लेन।

मेथा 25:46

धेनी देरे मीक्‍याला थामेपे छेपा फोक्‍कीलाक हीना ढाङतेनक्‍यागो थामेपे छेसोकला डुगीलाक।”

मेथा 5:11

“ङी दो़न्‍दु खेक्‍याला मीक्‍याई ॱमेबेप ताङये धाङ दुक्‍पु ताङये धाङ ख्‍यी़ कोरला शोक स्‍येदी छीक ङेन्‍पा ॱनाछोकक्‍या ॱनी घाङला, खेक्‍या घीन्‍गी झ्‍यीलाप क्षे।

मेथा 6:33

हीना एन्‍ला को़न्‍क्षोकगी ग्‍यासी धाङ खोङबागी ढाङतेनला चो, धेनी दे घीरी खेक्‍याला ॱनाङगीलाक।

लुका 14:26

“ङी स्‍याम्‍ला डागीन हीना राङगी आकी-आमा धाङ केमी धाङ टुवा धाङ आज्‍यो-नो याङना ईजी-नुमो धाङ राङगी ॱरोकलाः दाङा मीझ्‍यीना, खो ङी ङेने झ्‍युङ थुक्‍कीमालाक।

लुका 5:11

धेनी खुङक्‍याई डु थामाला थेन्‍दी, होदे घीरी भोरती, येशुगी स्‍याबाला डावालाक।

लुका 6:22

मी-भुगी दो़न्‍दु, खेला मीक्‍याई दाङा झ्‍यीना, पेरी श्‍याक्‍ना धेनी ॱमेबेप ताङना, धेनी खीकी मीङला ङेन्‍पा चीना, खेक्‍या झ्‍यीलाप क्षे लाक।

योहान्‍ना 15:19

खेक्‍या जीक्‍तेनगी हीन्‍गीनगो हीन्‍ना, जीक्‍तेनगी राङगी हीन्‍गीनगोला झाम्‍पा झ्‍यीयेहो़क हीना खेक्‍या जीक्‍तेनगी मालाक। ङी जीक्‍तेनने खेक्‍याला दाम्‍दा झ्‍येरी जीक्‍तेनगी खेक्‍याला दाङा झ्‍यीदालाक।

योहान्‍ना 4:36

धा श्‍यीङ ॱङागीनगोला ॱला थोप्‍ती, थामेपे छेसोकगी क्षीला तो़न्‍थोक धी़लालाक। धेनी साङा ताप्‍कीन धाङ श्‍यीङ ॱङागीन ॱङीगारा मुला ङ्यामो घालालाक।

जेपा 9:16

धेनी ङी दो़नला खो घाजो़ ङ्याङ घो़गुले ॱनेरी, ङा खोला तो़न्‍येहीन।”

१ कोरीन्‍थुपा 2:9

घीहीन्‍ना सुङरापदु देरे ढीक हो़तालाक, “ॱमीकगी ॱमाथोथा धाङ आमच्‍योकगी ॱमाघोरका, धाङ मीगी सेमगी ॱमासाम्‍साक्‍याराङ, को़न्‍क्षोकगी राङला चेवा झ्‍यीगीनक्‍याला डाढीक जे हो़तालाक।”

२ कोरीन्‍थुपा 5:16

होझ्‍येरी देने ॱहाला हेक्‍या सुलाः मीगी तादाङने ॱमेता। एम्‍मा मास्‍यीकाला हेक्‍याई मीगी तादाङने तेवालाक। धा देने ॱहाला, हेक्‍या खोङला हुरेझ्‍येरी ॱमेता।

फीलीप्‍पीपा 3:8

देचो़ च्‍यीगा मेन्‍दा, मास्‍यीका येशुला ङी चोवो हीन ॱनेरी, ङो स्‍येयेगी देरे चाक्षे लाबगी दोङदु, श्‍येम्‍मा घीरी ङा ग्‍योङ चीलाहीन। खोङगी क्षीदु ङी घीरी ॱलो़ तावी धेनी होदे घीरी ङी झोरा चीलीहो़क। दे नी, ङा मास्‍यीकागी झ्‍युङास्‍योक ॱनेरी लाक।

१ पेटो 4:14

धेनी मास्‍यीकागी छेनगी झ्‍येरी खेक्‍याला ॱमेटा फोक्‍ना, खेक्‍या झ्‍यीलाप क्षे लाक घीझ्‍येरी ॱनाना शीजे धाङ को़न्‍क्षोकगी थुक्‍ङी खेक्‍या नाङ ॱने हो़तालाक।

३ योहान्‍ना 1:7

घीझ्‍येरी ॱनाना धेपा मीझ्‍यीगीनक्‍याने खुङक्‍याई रोक्‍राम घीया मालेन्‍बा, खुङक्‍या खोङबागी छेनगी क्षीदु डुला थो़न्‍दुक।