मेथा 18:19 - ॱलोवा

¹⁹ याङदा ङा खेक्‍याला ॱनाहीन, दे जीक्‍तेनदु, खेक्‍याने मी ॱङी थी़न्‍दी घी श्‍यी़ना, होदे नाम्‍खे श्‍यीङखामदु श्‍युक्‍कीन ङी यापगी खेक्‍या क्षीला ॱनाङा जेगीलाक।

मेथा 18:19 ပူးပေါင်းရင်းမြစ်များ

मेथा 21:22

खेक्‍याला धेपा हो़ना, खीकी ॱमो़लामला घी श्‍यी़ली होदे थोप्‍कीलाक।”

मेथा 5:24

ख्‍यो़री क्षो़पा क्षो़ठीगी दोङदु श्‍याक्‍ती सोङ। धेनी एन्‍ला खेरी पी़नमुला थी़न्‍लाम झ्‍यी धेनी होरी खेरी क्षो़पा पु।

मेथा 7:7

“श्‍यी़ धेनी ख्‍यो़ला ॱनाङगीलाक, चो धेनी ख्‍यो़ला ॱङेगीलाक, घो दुङ धेनी ख्‍यी़ क्षीला पेगीलाक।

मारकु 11:24

होझ्‍येरी ङा खेक्‍याला ॱनाहीन, ॱमो़लामला खेक्‍याई घी ॱलाङगीनगो थोप्‍साहो़क ॱनेरी, धेपा झ्‍यी धेनी होदे ख्‍यो़ला थोप्‍कीलाक।

योहान्‍ना 15:16

खेक्‍याई ङाला दाम्‍बामेन हीना ङी खेक्‍याला दाम्‍बाहीन। धेनी खेक्‍या सोरी ढेबु क्षाक्‍ये धाङ ढेबु दे ताक्‍दु ॱनेयेला, ङी खेक्‍याला को़वाहीन। होझ्‍येरी खेक्‍याई ङी मीङगी थोक्‍ने यापला घी श्‍यी़ना, खोङबागी खेक्‍याला ॱनाङगीलाक।

योहान्‍ना 15:7

खेक्‍या ङी नाङ ॱनेती, ङी का खेक्‍याई नाङ ॱनेना, खीकी घी दो़गीनगो श्‍यी़, धेनी होदे खीकी क्षीला डुप्‍कीलाक।

योहान्‍ना 16:23

होदे ङीमोगोला, खेक्‍याई ङाला घीया मीढीगीलाक। ङा धेन्‍पा धेनक्‍याङ खेक्‍याला ॱनाहीन, खेक्‍याई ङी मीङगी थोक्‍ने यापला घी श्‍यी़ना, खोङबागी होदे खेक्‍याला ॱनाङगीलाक।

जेपा 1:14

खुङक्‍या घीरी ईजी नुमुक्‍या धाङ येशुगी युम मीरीयाम धाङ खोङबागी नोक्‍यामुला जोम्‍दी, सोवा ग्‍याप्‍ती धे हो़तालाक।

जेपा 12:5

होझ्‍येरी पेटो चो़न्‍खाङदु धाक्‍पालाक हीना क्षो़छोकगी सेम तीङने, खी़ क्षीला को़न्‍क्षोकला ॱमो़लाम ग्‍याप्‍पालाक।

जेपा 16:10

पाउलुगी होदेरे थोङनाङ थोरी, हेक्‍या उक्‍कुरा माकेडोनीया स्‍योकला डोये डाढीक झ्‍युवी। घीझ्‍येरी ॱनाना होदे साजागी मीक्‍याला चोवोगी ताम्‍शाङ स्‍येयेला, को़न्‍क्षोकगीराङ भो़ जेपालाक ॱनागीन लाब, हेक्‍याला क्षा झ्‍युजुङ।

जेपा 6:4

धेनी हेक्‍या हेरी धी़चो़ घीरी ॱमो़लाम ग्‍याप्‍ये धाङ को़न्‍क्षोकगी का स्‍येयेला तेरयेहीन।”

फीलीप्‍पीपा 1:19

घीझ्‍येरी ॱनाना खेक्‍याई ॱमो़लाम धाङ येशु मास्‍यीकागी थुक्‍ङीगी रोक्‍रामने, ङाला घी झ्‍युङगीनगो ङी थारपागी क्षीदु झ्‍युङगीलाक ॱनेरी, ङाला स्‍येयेहो़क।

१ योहान्‍ना 3:22

धेनी होरी घी श्‍यी़ना, होदेगो खोङगी थोक्‍ने थोबालाक घीझ्‍येरी ॱनाना होराङ खोङबागी काक्‍या ॱरुङालाक धेनी खोङला थुक्‍ङेउ हुङगीन लेगाक्‍या झ्‍यीदालाक।