मेथा 18:14 - ॱलोवा

¹⁴ होदे च्‍योक्‍रे, टु च्‍युङा देक्‍याने च्‍यीया मेताला ताङये, दे नाम्‍खे श्‍यीङखामदु श्‍युक्‍कीन ङी यापगी थुकोङ मालाक।

मेथा 18:14 ပူးပေါင်းရင်းမြစ်များ

मेथा 18:13

धेनी ङा खेक्‍याला धेन्‍पाराङ ॱनाहीन, होदे लुकगो ॱङेना, खो लुक ॱमातोरता घुपच्‍यु-घोरगुने ल्‍हाक, होदे ॱङेङ्यागी़ क्षीला माङा ङ्यामो घागीलाक।

मेथा 18:15

“ख्‍यी़ पी़नगी ख्‍यी़ ग्‍यापला धीक्‍पा झ्‍यीना, सोरी खेराङ ॱङीउ च्‍यीगागी घुङदु खी़ नोन्‍डुगो स्‍यो़क। धेनी खी़ ख्‍यो़ला ङेन्‍ना, ख्‍यो़ला राङगी पी़न थोप्‍कीलाक।

मेथा 5:16

देरे झ्‍येरीराङ खेक्‍याई ले शाङागो मीक्‍याई थोरी, नाम्‍खे श्‍यीङखामदु श्‍युक्‍कीन खीकी यापला तो़पा पुयेला, खेक्‍याई हो़ मीक्‍याई दोङदु स्‍यारतु च्‍युक।

मेथा 6:32

घीझ्‍येरी ॱनाना धेपा मीझ्‍यीगीनक्‍या, देक्‍या घीरी चालालाक धेनी नाम्‍खे श्‍यीङखामदु श्‍युक्‍कीन खीकी यापगी, खेक्‍याला दे घीरी घोलालाक ॱनेरी खेन्‍दालाक।

मेथा 6:9

खेक्‍या देरे झ्‍येरी ॱमो़लाम श्‍यी़, ‘नाम्‍खे श्‍यीङखामदु श्‍युक्‍कीन हीकी याप, खेराङगी छेन धाम्‍पा ॱरुङवास्‍योक।

लुका 12:32

“ख्‍ये ख्‍यु च्‍युङाक्‍याओ, माजीक घीझ्‍येरी ॱनाना ग्‍यासीगो खेक्‍याला ॱनाङयेला खीकी याप थुक्‍ङेउ जेदालाक।

योहान्‍ना 17:12

ङा खुङक्‍यामुला हो़ती घाङला, खेराङगी ॱनाङना छेनगी वाङ थोक्‍ने ङी खुङक्‍याला ॱरुरी क्‍योप हो़क। सुङरापला सुङगीनगो डुप्‍येगी क्षीला, तोरये हीन्‍गीन मीगो माना खुङक्‍याने च्‍यीया ॱमातोर हो़तालाक।

योहान्‍ना 21:15

धेनी खुङक्‍याई श्‍योक्‍से शेसारती, येशुगी सीमोन पेटोला सुवालाक, “योहान्‍नागी भीजा सीमोन, ख्‍यी़ ङाला देक्‍याने ल्‍हाक चेवा झ्‍यीदी हो़ती?” खी़ खोङबाला श्‍यी़वालाक, “चोवो ला, ङी खेराङला चेवा झ्‍यीगीनगो खेराङ खेन्‍दालाक।” खोङबागी खोला सुवालाक, “ङी लुक्‍टुक्‍याला छो़।”

२ तीमोथेउ 2:10

होझ्‍येरी धाम्‍दा मीक्‍यागी दो़नला ङा घीरी शो़पा घोमीहो़क। देरे झ्‍येरी खुङक्‍याला थामेपे शीजेमुला, मास्‍यीका येशुने थारपा थोप्‍कीलाक।

ईब्‍रीपा 12:13

श्‍याक्‍योक्‍याई छीकक्‍या मीबी़दा हीना ढाक्‍वा स्‍योक ॱनेरी, खेरी काङबी क्षीदु लाम खाप्‍ते शो़।

२ पेटो 3:9

मी रीङगाक्‍याई चोवोगी राङगी धाम्‍चा डुप्‍येला, धाला जेदुक ॱनेरी, साम्‍लो हो़नाः खोङबा धाला मेजेदालाक। हीना घीरीगी राङगी धीक्‍पा पारी सेम ग्‍युरती सुवाः मेताला माडोवास्‍योक ॱनेरी, खोङबा खेक्‍यामुला शो़गोम जेदालाक।