मेथा 17:22 - ॱलोवा

²² खोङबाक्‍या गालीलदु जोमी घाङला, येशुगी ङेनेक्‍याला सुवालाक, “मी-भु नी, मीक्‍याई लाक्‍पादु ची ग्‍याप्‍कु झ्‍यीदी।

मेथा 17:22 ပူးပေါင်းရင်းမြစ်များ

मेथा 16:21

होदे धी़चो़ने येशुगी राङगी ङेनेक्‍याला, खोङबा येरुसालेमला फेप घोगुलाक धेनी गोठीक्‍या धाङ क्षो़पो़न क्षेक्‍या धाङ क्षो़ठीमगी ॱलोपो़नक्‍याने दुक्‍पु माङा च्‍यीक ङ्याङ घोगुलाक धेनी खोङबा से घोगीलाक हीना ङीमा सुम्‍बागोला छीवाने या श्‍याङगीलाक ॱनागीनगी, कोरला सेस्‍ये जेपालाक।

मेथा 16:28

ङा धेन्‍पाराङ खेक्‍याला ॱनाहीन, दुरु लारी धेता मी रीङगागी, मी-भु राङगी ग्‍यासी वाङग्‍युरला फेप्‍कीनगो ॱमाथोङगीन थुक्‍पे, छीवा ङ्याङ घोगुमालाक।”

मेथा 17:12

हीना ङा खेक्‍याला ॱनाहीन, एलीया फेप्‍सालाक धेनी खुङक्‍याई खोङबाला ङो ॱमास्‍येवालाक हीना खुङक्‍याई घी थेगीनगो, खोङला झ्‍येवालाक। देरेराङ झ्‍येरी, खुङक्‍याई लाक्‍पाने मी-भु दुक्‍पु ङ्याङगीलाक।”

मेथा 17:23

धेनी खुङक्‍याई खोला सेगीलाक हीना ङीमा सुम्‍बागोला खो सो़न्‍गीलाक।” धेनी खुङक्‍या ॱमीच्‍यीकी सेम फाम्‍बालाक।

मेथा 17:9

खोङबाक्‍या रीने माला भाई घाङला, येशुगी खुङक्‍याला, “मी-भु छीवाने सो़न्‍पो माश्‍याङगीन थुक्‍पे, खेक्‍याई थोथोवा दे सुलाः ॱमास्‍ये।” सुरी का ॱनावालाक।

मेथा 24:10

“धेनी माङक्षे धेपाने लोक्‍कीलाक धेनी च्‍यीकगी च्‍यीकला गो कोरकीलाक धेनी च्‍यीकगी च्‍यीकला दाङा झ्‍यीगीलाक।

मेथा 26:16

धेनी होदेने ॱहाला, खी़ येशुला खुङक्‍याई लाकला ची ग्‍याप्‍येगी घोकाप चावालाक।

मेथा 26:46

लोङ, ता डो। तो़दाङ, ङाला डागी लाक्‍पाला ची ग्‍याप्‍कीनगो ङ्येलाराङ दुक।”

मारकु 8:31

“मी-भुगी दुक्‍पु माङा ङ्याङ घो़गीलाक, धेनी गोठीक्‍या धाङ क्षो़पो़न क्षेक्‍या धाङ क्षो़ठीमगी ॱलोपो़नक्‍याई ङोलोक झ्‍यीगीलाक धेनी सेगीलाक धेनी श्‍याक्‍मो सुम स्‍याम्‍ने, याङ सो़न्‍दी श्‍याङगीलाक।” सुरी येशुगी खुङक्‍याला ॱलापच्‍या ॱनाङयेला गो चुक्‍पालाक।

लुका 24:26

मास्‍यीकागी दे घीरी दुक्‍पु ङ्याङ घो़री, खोरी शीजेदु फेप घो़गु माले?”

लुका 24:46

खोङबागी खुङक्‍याला सुवालाक, “देरे ढीक हो़तालाक, मास्‍यीकागी दुक्‍पु ङ्याङ घो़गीलाक धेनी श्‍याक्‍मो सुम्‍बागोला छीवाने सो़न्‍पो श्‍याङगीलाक।

लुका 9:22

खोङबागी सुवालाक, “मी-भुगी दुक्‍पु माङा ङ्याङ घोगुलाक। धेनी गेम्‍पाक्‍या धाङ क्षो़पो़न क्षेक्‍या धाङ क्षो़ठीमगी ॱलोपो़न घीरीगी, खोला ङो ॱलोक घोगीलाक धेनी से घोगीलाक धेनी श्‍याक्‍मो सुम्‍बागोला खो श्‍याङ घोगीलाक।”

लुका 9:43

धा को़न्‍क्षोकगी देरे शीजे थोरी, मीक्‍या घीरी ॱहाङसावालाक। हीना खोङबागी जेगीनगोला मी घीरी ॱहाङसाङी घाङला, येशुगी राङगी ङेनेक्‍याला सुवालाक,

जेपा 7:52

खेराङक्‍याई धाङबी फामाक्‍याई दुक्‍पु ॱमाताङगीन, ॱङो़नस्‍येखेन च्‍यीया हो़ताले? को़न्‍क्षोकगी मी ढाङपोगो फेप्‍यी हो़तालाक ॱनेरी, लो़न तेरकीन ॱङो़नस्‍येखेनक्‍याला खुङक्‍याई सेजुङ। धेनी खेराङक्‍याई खोङला गो कोरती सेजुङ।

१ कोरीन्‍थुपा 11:23

घीझ्‍येरी ॱनाना चोवोने ङाला घी थोप्‍कीनगो, ङी खेक्‍याला तेरहो़क। होदेगो, चोवो येशु डागी लाक्‍तु छी़गीन छेनगोला, खोङगी ग्‍याङगागो क्षाकला ॱनुम्‍बालाक