मेथा 16:28 - ॱलोवा

²⁸ ङा धेन्‍पाराङ खेक्‍याला ॱनाहीन, दुरु लारी धेता मी रीङगागी, मी-भु राङगी ग्‍यासी वाङग्‍युरला फेप्‍कीनगो ॱमाथोङगीन थुक्‍पे, छीवा ङ्याङ घोगुमालाक।”

मेथा 16:28 ပူးပေါင်းရင်းမြစ်များ

मेथा 10:23

ग्‍याजा च्‍यीकदु खेक्‍याला दुक्‍पु तेरना, ग्‍याजा श्‍येम्‍मारु डो़। घीझ्‍येरी ॱनाना ङा धेन्‍पाराङ खेक्‍याला ॱनाहीन, मी-भु फेप्‍कीन एन्‍ला, खेक्‍या ईस्‍राएलगी ग्‍याजा घीरीला खोर ॱमेछारकीलाक।

मेथा 16:13

धा येशु केसारया फीलीप्‍पीगी युदु फेप्‍ती, खोङबागी ङेनेक्‍याला ढीवालाक, “मीक्‍याई मी-भु सु लाक ॱनेरी ॱनीओ?”

मेथा 24:3

येशु क्‍युरुस्‍यीङगी रीला श्‍युक्‍ती, खोङबागी ङेनेक्‍या खोङबाचारु शुरला च्‍यारती श्‍यी़वालाक, “दे घीरी नाम झ्‍युङगीले धेनी खेराङ फेप्‍कीन धाङ थामे धी़गी ताकगो घी झ्‍युङगीलाक ॱनेरी, हेक्‍याला सुङाजे?”

मेथा 24:34

ङा खेक्‍याला धेन्‍पाराङ ॱनाहीन, दे घीरी माझ्‍युङगीन थुक्‍पे दे मीराप दे येगीमालाक।

मेथा 24:42

“होझ्‍येरी खीकी चोवो नाम फेप्‍कीलाक ॱनेरी, खेक्‍याई ॱमेस्‍येगीन झ्‍येरी चाङजे धो़क।

मेथा 26:64

येशुगी खोला सुवालाक, “खेराङगीराङ सुजुङ। हीना ङा खेराङला ॱनाहीन, देने ॱहाला खेराङगी मी-भु कुवाङगी क्षाक ॱयेला श्‍युक्‍कीन धाङ ॱनामगी ॱरीङगी खाला फेप्‍कीनगो थोङगीलाक।”

मेथा 8:20

धेनी येशुगी सुवालाक, “स्‍याल्‍लाक्‍याला धेजा फु हो़तालाक धेनी ॱनामगी झ्‍याक्‍याला झ्‍याछाङ हुङालाक हीना मी-भुला गोवा श्‍याक्‍सा सा मेतालाक।”

मारकु 13:26

धेनी मी-भु ॱरीङगी खोकला ॱमीच्‍यीकी क्षे वाङ धाङ शीजेला फेप्‍कीनगो थोङगीलाक।

मारकु 8:38

दे लोक्‍येम धाङ धीक्‍चेनगी मीराप दोङला, सी़ ङा धाङ ङी काला ङोजा झ्‍यीदी, होदेक्‍याला मी-भु राङगी यापगी शीजेगी नाङने, धाम्‍पे भाङछेनक्‍यामुला फेई घाङला, खी़या ङोजा झ्‍यीगीलाक।”

मारकु 9:1

धेनी येशुगी खुङक्‍याला सुवालाक, “दुरु लाङगीनक्‍याने रीङगागी को़न्‍क्षोकगी ग्‍यासी वाङला फेप्‍कीनगो माज्‍यागीन थुक्‍पे, स्‍यीगीमालाक ॱनेरी, ङा धेन्‍पाराङ ॱनाहीन।”

लुका 18:8

ङा खेक्‍याला ॱनाहीन, खोङबागी खुङक्‍याई ठीम ग्‍योक्‍जे चे जेगीलाक। घीहीन्‍ना मी-भु फेई घाङला, दे जाम्‍बुलीङदु धेपा-झ्‍यीगीनक्‍या ॱङेटी़?”

लुका 2:26

“चोवोगी मास्‍यीकाला ॱमाज्‍यागीन थुक्‍पे, ख्‍यो़ स्‍यीगुमालाक।” ॱनेरी, धाम्‍पे थुक्‍ङीगी खोला एन्‍दुरु ॱङो़न जे हो़तालाक।

लुका 9:27

हीना ङा खेक्‍याला धेन्‍पाराङ ॱनाहीन, दुरु लाङगीनक्‍याने मी रीङगागी को़न्‍क्षोकगी ग्‍यासी ॱमाथोवा छीवागी ढोवा लेन्‍गीमालाक।”

योहान्‍ना 21:22

येशुगी खोला सुवालाक, “ङा मायोङ थुक्‍पे खो सो़न्‍पो ॱनेयेगी ङी दो़पा हीन्‍ना, ख्‍यो़ला ढेवा घी हो़तो? ख्‍यो़ ङी स्‍याबाला डोङ।”

योहान्‍ना 8:51

ङा खेक्‍याला धेन्‍पा धेनक्‍याङ ॱनाहीन, ङी का ॱरुङगीनगी नामाः छीवा मेङ्याङगीलाक।”

योहान्‍ना 8:52

धेनी खुङक्‍याई ॱनेवालाक, “धा ख्‍यी़ नाङदु डे जुदुक ॱनेरी, धान्‍दा हीकी स्‍येजुङ। आब्‍राहाम धाङ ॱङो़नस्‍येखेनक्‍या स्‍यीवालाक हीन्‍ना ख्‍यो़ ‘ख्‍यी़ का ॱरुङगीनगो नामा छीवा मेङ्याङगीलाक’ ॱनेरी ॱनालाक।

जेपा 1:11

होदे मी ङीउगी ॱनेवालाक, “खे गालीलगी मीक्‍याओ, खेक्‍या घीझ्‍येरी लारी ॱनाम स्‍योकला तेरी धेदाले? खेक्‍याई खोक्‍ने ठीया जेजा येशु नी, धान्‍दा नाम्‍खे श्‍यीङखामदु फेप्‍कीनगो खेक्‍याई थोथा च्‍योक्‍रे, याङ खोङबा खेक्‍याचारु देरेराङ झ्‍येरी फेप्‍कीलाक।”

१ कोरीन्‍थुपा 15:23

हीना दे नी रेमीला झ्‍युङगीलाक, ढेबु धाङपोगो मास्‍यीका लाक धेनी मास्‍यीका धाब्‍ले फेई घाङला, खोङगी हीन्‍गीनक्‍या छीवाने सो़न्‍गीलाक।

१ थेसालोनीकेपा 1:10

छीवाने सो़न्‍पो जेगेन, खोङबागी से येशु नाम्‍खे श्‍यीङखामने फेप्‍येला, खेक्‍या घुक्‍ती धेगीनगो, मीमाङक्‍याराङ हेक्‍याला स्‍येदीक। माउपारला को़न्‍क्षोकगी थुक्‍ठो़ने, होराङक्‍याला येशुगीराङ थारपा जेगीलाक।

ईब्‍रीपा 2:9

हीना होराङ येशुला थोङालाक। खोङबा ॱनेकापगी क्षीदु नाम्‍खे भाङछेनक्‍याने च्‍यीमे ॱमावा जेपालाक। खोङगी छीवे दुक्‍पु ङ्याङङ्या झ्‍येरी, खोङला शीजे धाङ कुरतीगी चो़पो़न को़न्‍बालाक। धेनी दे नी को़न्‍क्षोकगी थुक्‍जेगी गोने, मी घीरीगी दो़न्‍दु खोङबागी छीवे दुक्‍पु ङ्याङास्‍योक ॱनेरी लाक।

याकोब 5:7

होझ्‍येरी पी़नक्‍याओ, चोवो धाब्‍ले ॱमाफेप थुक्‍पे शो़पा झ्‍यी। पीगी क्षावा धाङ तो़न्‍गी क्षावा माभाप थुक्‍पे, श्‍यीङबाक्‍या शो़पा झ्‍येरी साश्‍यीगी लोदोक चाक्षेला घुक्‍ती धेगीनला, तो़दाङ।

२ पेटो 1:16

घीझ्‍येरी ॱनाना हीकी खेक्‍याला होरी चोवो येशु मास्‍यीकागी नी़थु धाङ खोङ फेप्‍ये हीन्‍गीनगी कोरला स्‍येदी घाङला, मीगी चोम्‍दी शो़सा ताम्‍पेक्‍या च्‍योक्‍रे ॱमास्‍ये, हीना खोङबागी शीजे हीकी ॱमीकगी ॱङो़न्‍सुम ज्‍यावालाक।

१ योहान्‍ना 2:28

धा चेवे टुवाक्‍याओ, मास्‍यीका ॱङो़न्‍ये धी़ला होराङ ॱलोगोक क्षे झ्‍युङये धाङ खोङ फेप्‍यी घाङला, खोङगी डुङदु होराङ ङोजा झ्‍यी मेघोयेगी क्षीदु, खोङगी नाङ ॱनेती धो़क।