मेथा 16:27 - ॱलोवा

²⁷ घीझ्‍येरी ॱनाना मी-भु नी, राङगी भाङछेनक्‍यामुला राङगी यापगी शीजेला फेप्‍कीलाक धेनी मी रे-रेला राङगी ज्‍यावाला थी़न्‍गीन लेन ॱनाङगीलाक।

मेथा 16:27 ပူးပေါင်းရင်းမြစ်များ

मेथा 13:41

मी-भुगी खोरी भाङछेनक्‍या झाङगीलाक धेनी धीक्‍पा झ्‍यीदु च्‍युक्‍कीनक्‍या धाङ ङेन्‍पा झ्‍यीगीन घीरीला, खोङबागी ग्‍यासीने रुक्‍कीलाक

मेथा 13:49

थागी धी़चो़ला देरे झ्‍युङगीलाक। नाम्‍खे भाङछेनक्‍या फेप्‍ती ङेन्‍पाक्‍या ढाङाक्‍याने ॱयेवा पेगीलाक।

मेथा 24:30

“धेनी नाम्‍खारु मी-भुगी ताकगो झ्‍युङगीलाक धेनी जीक्‍तेनगी मीरीक घीरी ङ्याङेन झ्‍यीगीलाक धेनी मी-भु वाङ धाङ शीजेगी थोक्‍ने ॱरीङगी खाला फेप्‍गीनगो थोङगीलाक।

मेथा 25:31

“मी-भु राङगी भाङछेनक्‍यामुला राङगी शीजेला फेई घाङला, राङगी शीजे धेन्‍पे श्‍युक्‍ठीला श्‍युक्‍कीलाक।

मेथा 26:64

येशुगी खोला सुवालाक, “खेराङगीराङ सुजुङ। हीना ङा खेराङला ॱनाहीन, देने ॱहाला खेराङगी मी-भु कुवाङगी क्षाक ॱयेला श्‍युक्‍कीन धाङ ॱनामगी ॱरीङगी खाला फेप्‍कीनगो थोङगीलाक।”

मेथा 8:20

धेनी येशुगी सुवालाक, “स्‍याल्‍लाक्‍याला धेजा फु हो़तालाक धेनी ॱनामगी झ्‍याक्‍याला झ्‍याछाङ हुङालाक हीना मी-भुला गोवा श्‍याक्‍सा सा मेतालाक।”

मारकु 14:62

येशुगी सुवालाक, “ङा हीन। धेनी खेक्‍याई मी-भु कुवाङगी क्षाक ॱयेरु श्‍युकश्‍या, धाङ नाम्‍खाने ॱरीङक्‍यामुला भाप्‍कीनगो थोङगीलाक।”

मारकु 8:38

दे लोक्‍येम धाङ धीक्‍चेनगी मीराप दोङला, सी़ ङा धाङ ङी काला ङोजा झ्‍यीदी, होदेक्‍याला मी-भु राङगी यापगी शीजेगी नाङने, धाम्‍पे भाङछेनक्‍यामुला फेई घाङला, खी़या ङोजा झ्‍यीगीलाक।”

लुका 21:27

धेनी खुङक्‍याई ॱरीङगी खाला मी-भु, वाङ धाङ शीजेक्षेगी थोक्‍ने फेप्‍कीनगो ज्‍यागीलाक।

लुका 22:69

हीना धीरीङने ॱहाला, मी-भु नी कुवाङ को़न्‍क्षोकगी क्षाक ॱये स्‍योकला श्‍युक्‍कीलाक।”

लुका 9:26

घीझ्‍येरी ॱनाना ङा धाङ ङी काला ङोजा झ्‍यीगीनगोला, मी-भु खोरी शीजे धाङ यापगी शीजे धाङ धाम्‍पे भाङछेनक्‍याई शीजेला फेई घाङला खी़या ङोजा झ्‍यीगीलाक।

योहान्‍ना 21:22

येशुगी खोला सुवालाक, “ङा मायोङ थुक्‍पे खो सो़न्‍पो ॱनेयेगी ङी दो़पा हीन्‍ना, ख्‍यो़ला ढेवा घी हो़तो? ख्‍यो़ ङी स्‍याबाला डोङ।”

योहान्‍ना 21:23

होझ्‍येरी ङेने दे स्‍यीगीमालाक ॱनेरी पी़नक्‍याई नाङला ख्‍याप्‍पालाक। हीना येशुगी खो स्‍यीगुमालाक सुरी ॱमासुवालाक हीना, “ङा मायोङ थुक्‍पे खो सो़न्‍पो ॱनेयेगी ङी दो़पा हीन्‍ना, ख्‍यो़ला ढेवा घी हो़तो?” सुरी सुवालाक।

जेपा 1:11

होदे मी ङीउगी ॱनेवालाक, “खे गालीलगी मीक्‍याओ, खेक्‍या घीझ्‍येरी लारी ॱनाम स्‍योकला तेरी धेदाले? खेक्‍याई खोक्‍ने ठीया जेजा येशु नी, धान्‍दा नाम्‍खे श्‍यीङखामदु फेप्‍कीनगो खेक्‍याई थोथा च्‍योक्‍रे, याङ खोङबा खेक्‍याचारु देरेराङ झ्‍येरी फेप्‍कीलाक।”

रोमापा 14:12

होझ्‍येरी होराङ हो़लेगी को़न्‍क्षोकला राङगी ची पुगीलाक।

रोमापा 2:6

को़न्‍क्षोकगी मी रे-रेला, राङगी लेगाला थी़न्‍गीन ढेबु ॱनाङगीलाक।

१ कोरीन्‍थुपा 15:23

हीना दे नी रेमीला झ्‍युङगीलाक, ढेबु धाङपोगो मास्‍यीका लाक धेनी मास्‍यीका धाब्‍ले फेई घाङला, खोङगी हीन्‍गीनक्‍या छीवाने सो़न्‍गीलाक।

१ कोरीन्‍थुपा 3:13

खुङक्‍या रे-रेगी लेगागो सावो थोङगीलाक घीझ्‍येरी ॱनाना ठीम्‍चो़गी ङीमागी होदे ॱङो़न्‍गीलाक। होदे नी, मेगी गोने ॱङो़न्‍गीलाक धेनी मी रे-रेगी लेगा घारे हो़गीनगो, मेगी राङ ताक्‍चा झ्‍यीगीलाक।

१ कोरीन्‍थुपा 8:8

हीना शामागी होराङला को़न्‍क्षोक डुङदु ङ्येयाः मेशोवालाक। धेनी मेशानाः ॱनो़ये घीया मेतालाक धेनी शाना फेन्‍ये घीया मेतालाक।

२ कोरीन्‍थुपा 5:10

घीझ्‍येरी ॱनाना होराङ घीरी मास्‍यीकागी ठीम्‍चो़गी, श्‍युक्‍ठी दोङदु लाङ घोगुलाक। देरे झ्‍येरी ली़ दे नाङ हो़ताराङ, शाङा याङना ङेन्‍पा घी झ्‍यीगीनगोला तेन्‍ती, होदेगी ढेबुगो होराङ रे-रेला थोप्‍कीलाक।

एफीसुपा 6:8

ढेन्‍योक हीन्‍ना याङना राङवाङगी मी हीन्‍ना, चोवोगी होराङ रे-रेला होरी झ्‍यीगीन ले शाङाला शीक्‍ती ज्‍यागा ॱनाङगीलाक।

कोलोसेपा 3:25

हीना ङेन्‍पा झ्‍यीगीनला ङेन्‍पे ढेबु थोप्‍कीलाक। को़न्‍क्षोकगी क्षोक्‍री मेजेदालाक।

१ थेसालोनीकेपा 1:10

छीवाने सो़न्‍पो जेगेन, खोङबागी से येशु नाम्‍खे श्‍यीङखामने फेप्‍येला, खेक्‍या घुक्‍ती धेगीनगो, मीमाङक्‍याराङ हेक्‍याला स्‍येदीक। माउपारला को़न्‍क्षोकगी थुक्‍ठो़ने, होराङक्‍याला येशुगीराङ थारपा जेगीलाक।

१ थेसालोनीकेपा 4:16

घीझ्‍येरी ॱनाना चोवो खोङबाराङ नाम्‍खे श्‍यीङखामने, सुङकेक क्षे धाङ को़न्‍क्षोकगी भाङछेनक्‍याई भो़टाक धाङ को़न्‍क्षोकगी दुङक्षेगी केकमुला फेप्‍कीलाक। धेनी चोवो येशुला धेपा झ्‍येरी, ढोङगीनक्‍या एन्‍ला सो़न्‍पो ग्‍युरकीलाक।

याकोब 5:7

होझ्‍येरी पी़नक्‍याओ, चोवो धाब्‍ले ॱमाफेप थुक्‍पे शो़पा झ्‍यी। पीगी क्षावा धाङ तो़न्‍गी क्षावा माभाप थुक्‍पे, श्‍यीङबाक्‍या शो़पा झ्‍येरी साश्‍यीगी लोदोक चाक्षेला घुक्‍ती धेगीनला, तो़दाङ।

१ पेटो 1:17

क्षोक्‍री मेजेदा मीक्‍याई राङगी लेगा घी झ्‍यीगीनला शीक्‍ती, ठीम्‍चो़ जेगीनगोला खेक्‍याई याप ॱनेरी श्‍यी़नाः, खेक्‍याई ॱनेचाङ ॱयारती धेयेगी धी़ दे, खोङबाला कुरती झ्‍येरी मीछे क्‍याघो़।

१ योहान्‍ना 2:28

धा चेवे टुवाक्‍याओ, मास्‍यीका ॱङो़न्‍ये धी़ला होराङ ॱलोगोक क्षे झ्‍युङये धाङ खोङ फेप्‍यी घाङला, खोङगी डुङदु होराङ ङोजा झ्‍यी मेघोयेगी क्षीदु, खोङगी नाङ ॱनेती धो़क।

युदा 1:14

आदामने मीराप धी़न्‍बागी ॱङो़नस्‍येखेन, हेनोकगीयाः दे मीक्‍याई कोरला देरे ॱङो़नस्‍ये तो़न हो़तालाक, “तो़दाङ, चोवो राङगी धाम्‍पे भाङछेन तोङडाक माङामुला फेप्‍कीलाक

ॱङो़न्‍पा 1:7

“तो़दाङ, खोङबा ॱरीङबाक्‍याई खोक्‍ने फेवी।” धेनी “ॱमीक घीरीगी खोङला ज्‍यागीलाक, धेनी खोङबाला दुङ चुक्‍कीनक्‍यागीयाः ज्‍यागीलाक।” धेनी जीक्‍तेनगी मी घीरी “खोङबागी दो़न्‍दु ङुता ग्‍याप्‍कीलाक।” ताम दे धेन्‍पा झ्‍युङास्‍योक। आमेन।

ॱङो़न्‍पा 2:23

ङा मी़ टुवाक्‍याला सेयेहीन। धेनी मीगी सेम धाङ साम्‍लोला ताक्‍चा झ्‍यीगीनगो, ङा हीन ॱनेरी, क्षो़छोक घीरीगी स्‍येगीलाक। धेनी ङा खेक्‍या घीरीला, खेराङक्‍याई लेगाला तेरी तेराहीन।

ॱङो़न्‍पा 20:12

धेनी ङी क्षे धाङ च्‍युङा स्‍यीम्‍पो घीरीला, श्‍युक्‍ठीगी दोङदु लारी धेगीनगो थोजुङ धेनी धेपक्‍या खा पेवालाक। धेनी छेसोकगी धेप हीन्‍गीन धेप श्‍येम्‍मा च्‍यीयाः खा पेवालाक। धेनी होदे धेबक्‍या नाङला ढीक हो़गीन, खुङक्‍याई झ्‍येजाला तेन्‍ती खुङक्‍याला ठीम्‍चो़ झ्‍युवालाक।