मेथा 16:26 - ॱलोवा

²⁶ मी च्‍यीकला जीक्‍तेन घीरी थोप्‍ती थामेपे सोकगो स्‍योरना, घी फेन थोक्‍कीले? याङ मी च्‍यीकगी राङगी सोकगी छापला घी तेर थुक्‍कीले?

मेथा 16:26 ပူးပေါင်းရင်းမြစ်များ

मेथा 16:25

घीझ्‍येरी ॱनाना राङगी सोक क्‍योप्‍ङी दो़गीनगी़, होदे स्‍योरतु च्‍युक्‍कीलाक हीना राङगी सोक, ङी क्षीला स्‍योरतु च्‍युक्‍कीनगोला, होदे ॱङेगीलाक।

मेथा 16:27

घीझ्‍येरी ॱनाना मी-भु नी, राङगी भाङछेनक्‍यामुला राङगी यापगी शीजेला फेप्‍कीलाक धेनी मी रे-रेला राङगी ज्‍यावाला थी़न्‍गीन लेन ॱनाङगीलाक।

मेथा 5:29

ख्‍यी़ ॱमीक ॱयेगी ख्‍यो़ला धीक्‍पा झ्‍यीदु च्‍युक्‍ना, ॱमीक दे तो़न्‍दी ॱयुक। घीझ्‍येरी ॱनाना ली़ घाङजाङ खेरती ॱङ्यावादु ॱयुक्‍येले, ख्‍यी़ ली़गी दुबु च्‍यीक स्‍योरना घा लाक।

लुका 12:20

“हीना को़न्‍क्षोकगी होदेला सुवालाक, ‘ॱलेन्‍पो ख्‍यो़! धीरीङ छेमुराङ ख्‍यी़ छेसोक ख्‍यो़ने लेन्‍गीलाक धेनी ख्‍यी़ स्‍याम्‍दी श्‍याकश्‍या ग्‍युक्‍याई दाक्‍पो सु झ्‍युङगीले?’”

लुका 16:25

हीना आब्‍राहामगी सुवालाक, ‘भीजाओ, ख्‍यो़ सो़न्‍पो हो़ती घाङला शाङा थोप्‍कीन धाङ लाजारला दुक्‍पु थोप्‍कीनगो ढेन्‍सो़ झ्‍यी। हीना धान्‍दा खोला दुरु कीपो दुक धेनी ख्‍यो़ला दुक्‍पु दुक।

लुका 9:25

धा मी च्‍यीकला जीक्‍तेन घीरी थोप्‍नाः, याङ राङगी ॱरोक स्‍योरना खोला घी फेन थोक्‍कीले?