मेथा 16:23 - ॱलोवा

²³ हीना येशुगी श्‍याल ग्‍युरती पेटोला सुवालाक, “धी़क ख्‍यो़, ङी ग्‍याप्‍तु सोङ! ख्‍यो़ ङी छीला भारचे हीन घीझ्‍येरी ॱनाना ख्‍यी़ साम्‍लो को़न्‍क्षोकने मेन्‍दा मीने दुक।”

मेथा 16:23 ပူးပေါင်းရင်းမြစ်များ

मेथा 16:22

धेनी पेटोगी खोङबाला शुरला ठीक्‍ती, आङजी तारी ॱनेवालाक, “चोवो, देरे चावाने माझ्‍युङास्‍योक! खेराङला देरे झ्‍युङगीमालाक।”

मेथा 18:7

धीक्‍पा झ्‍यीदु च्‍युक्‍कीन भारचेक्‍याई क्षीला, दे जीक्‍तेन दे दुक्‍वाली! घीझ्‍येरी ॱनाना भारचे हुङ घोगुलाक हीना सी़ थोक्‍ने भारचे हुङी, होदेगो दुक्‍वाली!

मेथा 4:10

धेनी येशुगी सुवालाक, “सातान, ॱहाला सोङ। घीझ्‍येरी ॱनाना देरे ढीक हो़तालाक, ‘ख्‍यी़ चोवो राङगी को़न्‍क्षोकला क्षाक्‍क्षो़पा पु धेनी खोङबाला च्‍यीगा श्‍याप्‍ची श्‍यी़।’”

मारकु 8:33

धेनी खोङबागी श्‍याल ग्‍युरती, ङेनेक्‍याला शीक्‍ती पेटोला काको़न ॱनावालाक, “धी़क ख्‍यो़ ङाने ॱहाला सोङ। घीझ्‍येरी ॱनाना ख्‍यी़ सेम को़न्‍क्षोक स्‍योकला मेन्‍दा मी स्‍योकला दुक।”

लुका 4:8

धेनी येशुगी सुवालाक, “सुङरापला ‘ख्‍यो़ ख्‍यो़री को़न्‍क्षोक चोवोला च्‍यीगा क्षाक्‍क्षो़ धेनी खोङबाला च्‍यीगा श्‍याप्‍ची श्‍यी़।’ ॱनेरी ढीक हो़तालाक।”

योहान्‍ना 6:70

येशुगी खुङक्‍याला कालेनदु सुवालाक, “खे च्‍युङङी घीरीला ङी दाम्‍बा माले? हीना खेक्‍याने च्‍यीक धी़क लाक।”

रोमापा 14:13

होझ्‍येरी होराङ च्‍यीकगी च्‍यीकला क्‍यो़न ॱमाचुक। हीना ॱयोल्‍ले राङगी पी़नगी लामला काक्‍दो याङना घाक्‍वा मीझ्‍युङगीन मीछे पी़येला थाक्‍चो़।

रोमापा 14:21

धा स्‍या मेशाना याङना घुन्‍क्षाङ ॱमीथुङना, धेनी राङगी पी़नला भारचे ताङगीन लेगा घीयाः मीझ्‍यीना घास्‍योकगो लाक।

फीलीप्‍पीपा 3:19

खुङक्‍याई मीछेगी था नी तोरस्‍यीक लाक धेनी खुङक्‍याई ल्‍हागो, खोरी फोवा लाक धेनी खोरी ङोछाला खुङक्‍याई शीजे हो़तालाक। धेनी खुङक्‍याई सेम जीक्‍तेनगी दो़नक्‍याला क्षाः लाक।

कोलोसेपा 3:2

साश्‍यीदु हो़गीन दो़नक्‍याला मेन्‍दा, नाम्‍खे श्‍यीङखामदु हो़गीन दो़नक्‍याला साम्‍लो तोङ।