मेथा 16:21 - ॱलोवा

²¹ होदे धी़चो़ने येशुगी राङगी ङेनेक्‍याला, खोङबा येरुसालेमला फेप घोगुलाक धेनी गोठीक्‍या धाङ क्षो़पो़न क्षेक्‍या धाङ क्षो़ठीमगी ॱलोपो़नक्‍याने दुक्‍पु माङा च्‍यीक ङ्याङ घोगुलाक धेनी खोङबा से घोगीलाक हीना ङीमा सुम्‍बागोला छीवाने या श्‍याङगीलाक ॱनागीनगी, कोरला सेस्‍ये जेपालाक।

मेथा 16:21 ပူးပေါင်းရင်းမြစ်များ

मेथा 12:40

घीझ्‍येरी ॱनाना योना ङीन-छेन सुम ङ्या क्षे च्‍यीकगी फोवा नाङदु धेगीन च्‍योक्‍रे, मी-भुवाः ङीन-छेन सुम थुक्‍पे सागी तीङला धेगीलाक।

मेथा 16:22

धेनी पेटोगी खोङबाला शुरला ठीक्‍ती, आङजी तारी ॱनेवालाक, “चोवो, देरे चावाने माझ्‍युङास्‍योक! खेराङला देरे झ्‍युङगीमालाक।”

मेथा 16:28

ङा धेन्‍पाराङ खेक्‍याला ॱनाहीन, दुरु लारी धेता मी रीङगागी, मी-भु राङगी ग्‍यासी वाङग्‍युरला फेप्‍कीनगो ॱमाथोङगीन थुक्‍पे, छीवा ङ्याङ घोगुमालाक।”

मेथा 17:12

हीना ङा खेक्‍याला ॱनाहीन, एलीया फेप्‍सालाक धेनी खुङक्‍याई खोङबाला ङो ॱमास्‍येवालाक हीना खुङक्‍याई घी थेगीनगो, खोङला झ्‍येवालाक। देरेराङ झ्‍येरी, खुङक्‍याई लाक्‍पाने मी-भु दुक्‍पु ङ्याङगीलाक।”

मेथा 17:9

खोङबाक्‍या रीने माला भाई घाङला, येशुगी खुङक्‍याला, “मी-भु छीवाने सो़न्‍पो माश्‍याङगीन थुक्‍पे, खेक्‍याई थोथोवा दे सुलाः ॱमास्‍ये।” सुरी का ॱनावालाक।

मेथा 20:28

होझ्‍येरी मी-भुगोवा श्‍याप्‍ची लेन्‍दु होवा मेन्‍दा, श्‍याप्‍ची श्‍युरु होवालाक धेनी मी माङागी थारपागी क्षीला, राङगी ॱरोक पुरु होवालाक।”

मेथा 26:2

“ङीमा ॱङी स्‍याम्‍ने पेसाकगी धी़छेनगो हुङगीलाक ॱनेरी, खेक्‍याला स्‍येये हो़तालाक धेनी मी-भु नी ग्‍याङस्‍यीङला क्‍याङयेगी क्षीला, डागी लाकला ची ग्‍याप्‍कीलाक।”

मेथा 26:47

येशु कामो़न सुङी घाङला, ङेने च्‍युङङीने च्‍यीक युदा ॱनागीनगो क्षो़पो़न क्षेक्‍या धाङ मी गेम्‍पाक्‍याई ताता मीछोक माङा च्‍यीक राडी धाङ ग्‍युक्‍पा खेरती, हुङगीनक्‍यामुला होवालाक।

मेथा 27:12

हीना क्षो़पो़न क्षेक्‍या धाङ मी गेम्‍पाक्‍याई, खोङला क्‍यो़न काली घाङला, खोङबागी कालेन च्‍यीया ॱमानावालाक।

मेथा 27:63

ॱनेवालाक, “चोवो, दे ॱली़टे देगी खोराङ सो़न्‍पो हेती घाङला ‘ङीमा सुमगी स्‍याम्‍ने, ङा छीवाने सो़न्‍पो लाङयेहीन’ ॱनेरी ॱनागीनगो, हेक्‍याला ढेन्‍बा हो़क।

मेथा 28:6

खोङबागी सुङगीन च्‍योक्‍रे, खोङ कुसो़न्‍पो श्‍येङसारती दुरु मीदुक। स्‍योक, खोङबा श्‍याक्‍जा साजागो तो़।

मारकु 8:31

“मी-भुगी दुक्‍पु माङा ङ्याङ घो़गीलाक, धेनी गोठीक्‍या धाङ क्षो़पो़न क्षेक्‍या धाङ क्षो़ठीमगी ॱलोपो़नक्‍याई ङोलोक झ्‍यीगीलाक धेनी सेगीलाक धेनी श्‍याक्‍मो सुम स्‍याम्‍ने, याङ सो़न्‍दी श्‍याङगीलाक।” सुरी येशुगी खुङक्‍याला ॱलापच्‍या ॱनाङयेला गो चुक्‍पालाक।

मारकु 9:12

धेनी येशुगी खुङक्‍याला सुवालाक, “एलीया एन्‍ला फेप्‍ती, घीरी साबा शोगीलाक। धा ॱहाना मी-भुगी दुक्‍पु माङा ङ्याङ घो़गुलाक, धेनी घीरीगी ॱमीचीगीलाक ॱनेरी, सुङरापला घाङगी झ्‍येरी ढीक्‍दो?

लुका 17:25

हीना धाङपो खी़ दुक्‍पु माङा ङ्याङ घो़गुलाक धेनी दे मीरापगी खोला पाङगीलाक।

लुका 24:46

खोङबागी खुङक्‍याला सुवालाक, “देरे ढीक हो़तालाक, मास्‍यीकागी दुक्‍पु ङ्याङ घो़गीलाक धेनी श्‍याक्‍मो सुम्‍बागोला छीवाने सो़न्‍पो श्‍याङगीलाक।

लुका 9:31

खुङक्‍या शीजेगी थोक्‍ने ज्‍यारी, येरुसालेमदु डुप्‍ये हीन्‍गीन, येशु दे जीक्‍तेनने डारी फेप्‍येगी कोरला सुङी हो़तालाक।