मेथा 16:18 - ॱलोवा

¹⁸ धेनी ङा ख्‍यो़ला ॱनाहीन, ख्‍यो़ पेटो नी फोङगीङ हीन धेनी फोङगीङ देगी खाला, ङा ङी क्षो़छोक चीक्‍येहीन धेनी ॱङ्यावागी वाङ घीन्‍गीया देगी खाला मेग्‍यागीलाक।

मेथा 16:18 ပူးပေါင်းရင်းမြစ်များ

मेथा 10:2

कुछाप च्‍युङङीगी मीङ देक्‍या लाक, धाङपोगो सीमोन ॱनागीन पेटो धेनी खी़ नो आन्‍डीरीया, जेबेदीगी भीजा याकोब धाङ खी़ नो योहान्‍ना,

मेथा 11:23

“धेनी खे काफारनाहुमगी मीक्‍या राङ-राङला नाम्‍खे श्‍यीङखामदु ताक्‍टु ॱनेरी, सामी हो़ती? खेक्‍या ॱङ्यावागी तीङला पाप्‍कीलाक। घीझ्‍येरी ॱनाना खेक्‍याई खोक्‍दु झ्‍येजा ॱहाङसागीन क्षाक्‍लेक्‍या सादोमदु झ्‍युङहो़ना, धीरीङ थुक्‍पे होदे ग्‍याजागो ॱनेहो़टु।

मेथा 18:17

याङ खी़ खुङक्‍यालाः मेङेन्‍ना, होदे लाबगो क्षो़छोकला स्‍यो़क। धेनी खी़ क्षो़छोकगी खाला मेङेन्‍ना, खो ख्‍यी़ क्षीला धेपा मीझ्‍यीगीन धाङ ठा धुगीनक्‍या च्‍योक्‍रे झ्‍युङास्‍योक।

मेथा 4:18

धेनी येशु गालीलगी छो डामने फेई घाङला, सीमोन ॱनागीन पेटो धाङ खी़ नो आन्‍डीरीया ॱनागीन, ङ्यापा ॱङीगी छो नाङदु ङ्यारे ॱयुक्‍कीनगो शीक्‍पालाक।

मेथा 7:24

“होझ्‍येरी ङी का देक्‍या ङेन्‍दी, झ्‍यीगीन घीरी, राङगी खाङबा फोङगीङगी खाला चीक्‍कीन, मी खेवा च्‍यीक च्‍योक्‍रे लाक।

योहान्‍ना 1:42

धेनी खी़ सीमोनला येशु डुङदु ठीक्‍ती होवालाक। येशुगी खोला शीक्‍ती सुवालाक, “ख्‍यो़ योहान्‍नागी भीजा सीमोन लाक धेनी ख्‍यो़ला केफास ॱनेरी भो़गीलाक।” (केफासला पेटो ॱनालाक धेनी होदे मीङ ॱङीगारागी दो़नगो “फोङगीङ” लाक।)

जेपा 2:47

धेनी च्‍योई को़न्‍क्षोकगी तो़टा ताङालाक। श्‍येम्‍मा मीक्‍याईयाः खुङक्‍याला सेम्‍बा थेदालाक। थारपा राक्‍राक्‍याई ढाङगा, होदेक्‍याई खोक्‍दु ङीमा च्‍योई चोवोगी माङदु जेपालाक।

जेपा 20:28

धा खेराङक्‍या राङ-राङ चाङजे झ्‍येरी धो़क धेनी धाम्‍पे थुक्‍ङीगी खेक्‍याला ची ग्‍याप्‍ती, श्‍याकश्‍या लुकक्‍याला घामोमा ॱरुङ। को़न्‍क्षोकगी क्षो़छोकगी लुक्‍जी शाङपो च्‍यीक झ्‍युरी धो़क घीझ्‍येरी ॱनाना होदे मीक्‍या चोवो येशुगी कुठाकगी ॱली़री ङ्यो़ जेपालाक।

जेपा 8:1

धोगोङ श्‍युरती सेतेफेनला सेगीनगोला, साउलगीयाः ङोलेन झ्‍येवालाक। होदे ङीमानेराङ येरुसालेमदु हो़गीन, क्षो़छोकला ॱमीच्‍यीकी दुक्‍पु ङ्याङये गो चुक्‍पालाक। धेनी कुछापक्‍या माना श्‍येम्‍मा धेपा-झ्‍यीगीन घीरी, युदेया धाङ सामारीया यु घीरीला ढाम्‍बालाक।

१ कोरीन्‍थुपा 15:55

“ये छीवा, ख्‍यी़ ग्‍याखा घाना? ये छीवा, ख्‍यी़ दुङगो घाना?”

गालातीयापा 2:9

धेनी क्षो़छोकगी कावा चीगीन, याकोब धाङ पेटो धाङ योहान्‍नागी को़न्‍क्षोकगी ङाला ॱनाङगीन क्षाक्‍लेगो ॱहाघोरती, ङा धाङ बारनाबाला खुङक्‍याई लेरोक झ्‍यीयेला खेलेन्‍जुङ। धेनी हेक्‍या याहुदापा मेन्‍गीन मीरीकक्‍या चारु धाङ खुङक्‍या याहुदापाक्‍या खोक्‍दु डोये थाक चो़पालाक।

एफीसुपा 3:10

दे नी, क्षो़छोकगी गोने नाम्‍खे श्‍यीङखामदु हो़गीन पो़न्‍पोक्‍या धाङ वाङ झ्‍यीगीनक्‍याला, को़न्‍क्षोकगी स्‍येराप ॱनाम्‍पा ॱनाछोक धान्‍दा ॱङो़न्‍दु जेयेगी क्षीला लाक।

एफीसुपा 5:32

दे नी साङवा क्षे च्‍यीक लाक धेनी दे लाब दे ङा मास्‍यीका धाङ क्षो़छोकला ॱमीक्‍ती ॱनाहीन।

कोलोसेपा 1:18

खोङ राङगी कुसोक हीन्‍गीन, क्षो़छोकगी उ लाक। खोङ थोक्‍मागो लाक धेनी घीरीगी थोकला खोङ थोस्‍योक झ्‍युङयेला, खोङ छीवाने सो़न्‍गीन गोमागो लाक।

१ तीमोथेउ 3:15

हीना ङा फी राक्‍ना, खीकी सो़न्‍पो को़न्‍क्षोकगी नाङला च्‍यो़पा घारे झ्‍यीघोयेगो, स्‍येला झ्‍यीयेगी क्षीला ढीक्‍पी। नाङ दे नी, सो़न्‍पो को़न्‍क्षोकगी क्षो़छोक धाङ धेन्‍पा ॱङीगी कावा धाङ ॱमाङस्‍यी हीन।

१ तीमोथेउ 3:5

घीझ्‍येरी ॱनाना राङगी नाङमीला क्‍योङ ॱमेस्‍येगीनगी, को़न्‍क्षोकगी क्षो़छोक घाङगी झ्‍येरी क्‍योङ थुक्‍कीले?

ईब्‍रीपा 12:28

होझ्‍येरी घु-घु ताङ ॱमीथुक्‍कीन ग्‍यासी थोप्‍था, होराङक्‍या को़न्‍क्षोकला काटीन्‍क्षे श्‍युउ। धेनी कुरती धाङ जीक्‍नाङगी थोक्‍ने, को़न्‍क्षोकला थुक्‍ङेउ झ्‍युङगीन क्षाक्‍क्षो़पा पुलो।

ॱङो़न्‍पा 11:15

धेनी नाम्‍खे भाङछेन धी़न्‍बागी़ राङगी दुङक्षेनगो भी़वालाक धेनी होदे स्‍याम्‍ने नाम्‍खे श्‍यीङखामदु सुङकेक क्षेक्‍याई देरे सुवालाक, “जीक्‍तेनगी ग्‍यासी, होरी चोवो धाङ खोङबागी मास्‍यीकागी ग्‍यासी झ्‍युदुक। धेनी खोङबागी ग्‍युने ग्‍युन्‍दु वाङग्‍युर जेगीलाक।”

ॱङो़न्‍पा 21:14

होदे ग्‍याजागी च्‍यारीगोला ॱमाङस्‍यी च्‍युङङी हो़तालाक धेनी होदे ॱमाङस्‍यी खाला लुक्‍टुगी, कुछाप च्‍युङङीक्‍याई मीङ ढीक हो़तालाक।