मेथा 16:13 - ॱलोवा

¹³ धा येशु केसारया फीलीप्‍पीगी युदु फेप्‍ती, खोङबागी ङेनेक्‍याला ढीवालाक, “मीक्‍याई मी-भु सु लाक ॱनेरी ॱनीओ?”

मेथा 16:13 ပူးပေါင်းရင်းမြစ်များ

मेथा 12:32

धेनी मी-भुगी कोरला ङेन्‍पा ॱनागीन धीक्‍पा दे सेल्‍गीलाक हीना धाम्‍पे थुक्‍ङीगी कोरला ङेन्‍पा ॱनागीन धीक्‍पा दे, धान्‍दा धाङ माउपारगी धी़ थुक्‍पे ॱमेसेल्‍गीलाक।

मेथा 12:40

घीझ्‍येरी ॱनाना योना ङीन-छेन सुम ङ्या क्षे च्‍यीकगी फोवा नाङदु धेगीन च्‍योक्‍रे, मी-भुवाः ङीन-छेन सुम थुक्‍पे सागी तीङला धेगीलाक।

मेथा 12:8

घीझ्‍येरी ॱनाना मी-भु ङासुगीन ङीमागी चोवो लाक।”

मेथा 13:37

येशुगी सुवालाक, “साङा शाङपो ताप्‍कीनगो मी-भु लाक।

मेथा 13:41

मी-भुगी खोरी भाङछेनक्‍या झाङगीलाक धेनी धीक्‍पा झ्‍यीदु च्‍युक्‍कीनक्‍या धाङ ङेन्‍पा झ्‍यीगीन घीरीला, खोङबागी ग्‍यासीने रुक्‍कीलाक

मेथा 15:21

येशु होदे साजा भोरती, ताएर धाङ सीदोन युखाक स्‍योकला फेप्‍पालाक।

मेथा 16:27

घीझ्‍येरी ॱनाना मी-भु नी, राङगी भाङछेनक्‍यामुला राङगी यापगी शीजेला फेप्‍कीलाक धेनी मी रे-रेला राङगी ज्‍यावाला थी़न्‍गीन लेन ॱनाङगीलाक।

मेथा 16:28

ङा धेन्‍पाराङ खेक्‍याला ॱनाहीन, दुरु लारी धेता मी रीङगागी, मी-भु राङगी ग्‍यासी वाङग्‍युरला फेप्‍कीनगो ॱमाथोङगीन थुक्‍पे, छीवा ङ्याङ घोगुमालाक।”

मेथा 25:31

“मी-भु राङगी भाङछेनक्‍यामुला राङगी शीजेला फेई घाङला, राङगी शीजे धेन्‍पे श्‍युक्‍ठीला श्‍युक्‍कीलाक।

मेथा 8:20

धेनी येशुगी सुवालाक, “स्‍याल्‍लाक्‍याला धेजा फु हो़तालाक धेनी ॱनामगी झ्‍याक्‍याला झ्‍याछाङ हुङालाक हीना मी-भुला गोवा श्‍याक्‍सा सा मेतालाक।”

मेथा 9:6

हीना मी-भुला जीक्‍तेनदु धीक्‍पा सेल्‍येगी आङजा हो़तालाक ॱनेरी, खेक्‍याई स्‍येलाझ्‍यी।” धेनी खोङबागी चाडीप हो़गीन मीगोला सुवालाक, “लोङ, धेनी राङगी ङ्याजे खेरती नाङला सोङ।”

मारकु 10:45

घीझ्‍येरी ॱनाना मी-भुवाः श्‍याप्‍ची, राङला राक्‍येला मेन्‍दा श्‍येम्‍माक्‍याला पुयेला होवालाक धेनी मीमाङला थारपा ॱनाङयेला राङगी ॱरोक ॱलो़ ताङयेला होवालाक।”

मारकु 8:38

दे लोक्‍येम धाङ धीक्‍चेनगी मीराप दोङला, सी़ ङा धाङ ङी काला ङोजा झ्‍यीदी, होदेक्‍याला मी-भु राङगी यापगी शीजेगी नाङने, धाम्‍पे भाङछेनक्‍यामुला फेई घाङला, खी़या ङोजा झ्‍यीगीलाक।”

योहान्‍ना 1:51

धेनी खोङबागी खोला सुवालाक, “ङा ख्‍यो़ला धेन्‍पा ॱनाहीन, नाम्‍खे श्‍यीङखाम भेरी को़न्‍क्षोकगी भाङछेनक्‍या मी-भुला तेन्‍दी, या फेप्‍कीन धाङ मा फेप्‍कीनगो ख्‍यी़ थोङगीलाक।”

योहान्‍ना 12:34

मीछोकगी श्‍यी़वालाक, “मास्‍यीकागो ग्‍युने ग्‍युन्‍दु ॱनेगीलाक ॱनेरी, हीकी क्षो़ठीमने घोरसोङ। मी-भु या फाक्‍कीलाक ॱनेरी खेराङगी घाङ झ्‍येरी सुङ थुक्‍वाले? मी-भु दे सुले?”

योहान्‍ना 3:14

धेनी रीतोङदु मोशेगी डुलगो याला क्‍याक्‍कीन च्‍योक्‍रे, मी-भुगोवा याला क्‍याक घोगुलाक।

योहान्‍ना 5:27

धेनी यापगी खोङला ठीम चेयेगी आङजा ॱनाङ हो़तालाक घीझ्‍येरी ॱनाना खोङबा मी-भु लाक।

जेपा 10:38

धेनी नाजारेतगी येशुला को़न्‍क्षोकगी धाम्‍पे थुक्‍ङी धाङ नी़पागी दामा जेजागो, खेक्‍याला स्‍ये हो़तालाक। धेनी को़न्‍क्षोक खोङमुला झ्‍येरी, येशु फेप्‍सा घीरीला लेशाङ धाङ धी़कगी आङजाला ॱनेम्‍ना घीरीला, चो़गा झ्‍येरी फेप्‍पालाक।

जेपा 7:56

खी़ ॱनेवालाक, “तो़दाङ, ङी नाम्‍खे श्‍यीङखाम भेगीन धाङ को़न्‍क्षोकगी ॱये स्‍योकला, मी-भु श्‍याङदी श्‍युक्‍कीनगो थोङी।”