मेथा 15:32 - ॱलोवा

³² धा येशुगी ङेनेक्‍याला राङचारु भो़री सुवालाक, “मीछोक देक्‍या ङीमुला धेती, ङीमा सुम डी़ धेनी देक्‍याला शाये घीया मेता, ङा खुङक्‍याला ॱङीङ जेली। धेनी खुङक्‍या तोक्‍ती लाम्‍गाला ढीमे थोरती गेटु ॱनेरी, ङा खुङक्‍याला फोवा तोङबा ॱलोक्‍ती ताङी मेदो़दा।”

मेथा 15:32 ပူးပေါင်းရင်းမြစ်များ

मेथा 12:40

घीझ्‍येरी ॱनाना योना ङीन-छेन सुम ङ्या क्षे च्‍यीकगी फोवा नाङदु धेगीन च्‍योक्‍रे, मी-भुवाः ङीन-छेन सुम थुक्‍पे सागी तीङला धेगीलाक।

मेथा 14:13

येशुगी होदे सेन्‍दा जेदी, खोङबा डु नाङदु श्‍युक्‍ती, होदेने साजा एन्‍दा च्‍यीकला फेप्‍पालाक। हीना मीछोकक्‍याई होदे घोरती ढोङखेरने घोम्‍बा चुक्‍ती होरी, खोङबागी स्‍याबाला डावालाक।

मेथा 15:33

धेनी ङेनेक्‍याई खोङबाला श्‍यी़वालाक, “देरे साजा एन्‍दा च्‍यीकला, हुरे मीछोक क्षेगी क्षीला छाङगीन शामा, हेक्‍याला घाने जोरये?”

मेथा 20:34

धेनी येशुगी ॱङीङजे केरी, खुङक्‍याई ॱमीक खाला क्षाक जेपालाक धेनी लाम्‍साङ खुङक्‍याई ॱमीक थोवालाक धेनी खोङबागी स्‍याम्‍ला डावालाक।

मेथा 27:63

ॱनेवालाक, “चोवो, दे ॱली़टे देगी खोराङ सो़न्‍पो हेती घाङला ‘ङीमा सुमगी स्‍याम्‍ने, ङा छीवाने सो़न्‍पो लाङयेहीन’ ॱनेरी ॱनागीनगो, हेक्‍याला ढेन्‍बा हो़क।

मेथा 9:36

मीछोकक्‍याला शीक्‍ती, खोङबा ॱङीङजेगी खावालाक घीझ्‍येरी ॱनाना खुङक्‍या झीउ मेगीन लुकक्‍या च्‍योक्‍रे, श्‍येम्‍माने दुक्‍पु फोक्‍पा धाङ रोवा मेगीन शीक्‍पालाक।

मारकु 9:22

धेनी खोला सेयेला थेङमा ॱमीच्‍यीकी माङा, डे देगी खोला मे धाङ क्षु नाङदु ॱयुक्‍जुङ। हीना खेराङगी घी जे थुप्‍ये हो़ना, हेला ॱङीङजे शीक्‍ती हेला रोवा जेरोनाङ।”

लुका 7:13

धेनी चोवो येशुगी मोला शीक्‍ती, खोङबागी सेम ॱङीङजेगी खारी मोला सुवालाक, “माङु।”

जेपा 27:33

लाम लाङी घाङला पाउलुगी खुङक्‍याला शामा शायेला उजुक ग्‍याप्‍पालाक। धेनी ॱनेवालाक, “धा खेक्‍या दुङा झ्‍येरी शामा माशेवा, धीरीङ श्‍याक्‍मो चुपश्‍यी डी़।

ईब्‍रीपा 4:15

घीझ्‍येरी ॱनाना होरी थापक्‍योवागोला ॱङीङजे जे ॱमीथुप्‍कीन, चो क्षो़पो़न होराङला मेतालाक। होराङ च्‍योक्‍रे दो़न घीरीला छो़ताला छी़दीयाः, खोङबागी धीक्‍पा च्‍यीया ॱमाझ्‍येवालाक।