मेथा 15:31 - ॱलोवा

³¹ धेनी मीछोकक्‍याई घोवा-घुमाक्‍या लाब ताङगीन, खोङपोक्‍या ढाक्‍कीन, श्‍याक्‍योवाक्‍या ग्‍युक्‍कीन धाङ श्‍याराक्‍या थोङगीन थोरी ॱमीच्‍यीकी याम्‍सावालाक। धेनी खुङक्‍याई ईस्‍राएलगी को़न्‍क्षोकला तो़पा पुवालाक।

मेथा 15:31 ပူးပေါင်းရင်းမြစ်များ

मेथा 15:30

मीछोक क्षे च्‍यीक खोङबागी डुङदु च्‍यारपालाक धेनी श्‍याक्‍योक, श्‍यारा, खोङपो, घोवा-घुमा धाङ श्‍येम्‍मा ॱमीच्‍यीकी माङा ठीक्‍ती, खोङबागी श्‍याप डुङदु श्‍याक्‍पालाक। धेनी खोङबागी होदेक्‍याला चो़गा जेपालाक।

मेथा 18:8

“धेनी ख्‍यी़ लाक्‍पा याङमेना काङबागी ख्‍यो़ला धीक्‍पा झ्‍यीदु च्‍युक्‍ना, होदे चेदी ॱयुक श्‍योक। घीझ्‍येरी ॱनाना लाक्‍पा ॱङी धाङ काङबा ॱङी खेरती, थामेपे मेला ॱयुक्‍वालाः, लाक्‍पा च्‍यीक धाङ काङबा च्‍यीका खेरती, थामेपे मीछे नाङदु जुना घागुलाक।

मेथा 21:14

श्‍यारा धाङ श्‍याक्‍योकक्‍या क्षो़खाङदु खोङबागी दोङदु होवालाक धेनी खोङबागी खुङक्‍याला ढाक्‍सो़ ॱनावालाक।

मेथा 8:10

येशुगी दे सेन्‍दी, खोङबा याम सावालाक धेनी खोङबागी स्‍याबाला डागीनक्‍याला सुवालाक, “ङा खेक्‍याला धेन्‍पाराङ ॱनाहीन, ईस्‍राएलगी नाङदु ङी दे च्‍योक्‍रे धेपा थोङ माङ्युङ।

मेथा 9:32

धा खोङबाक्‍या होदेने थो़न्‍दी फेई घाङला, डेगी शीम्‍दी लाब ताङ ॱमीथुप्‍कीन मी च्‍यीक, येशु दोङदु ठीक्‍ती होवालाक।

मेथा 9:33

येशुगी डेगो तो़न्‍दा जेपालाक धेनी मीगो लाब ताङ थुक्‍पालाक। धेनी मीछोकक्‍या ॱमीच्‍यीकी याम्‍सारी ॱनेवालाक, “ईस्‍राएलला देरे नामा थोङ माङ्युङ।”

मेथा 9:8

धा मीछोकक्‍या दे थोरी जीक्‍पालाक धेनी मीला देरे आङजा ॱनाङगीन को़न्‍क्षोकला तो़पा पुवालाक।

मारकु 2:12

खो लारी उक्‍कुरा च्‍यीकला, खोरी ङ्याजे खुरती मीमाङक्‍याई थोङजाने, राङ फीला सोवालाक। धेनी “देरे हीकी नामा थोङ माङ्युङ” ॱनेरी मी घीरी ॱहालेरी, को़न्‍क्षोकला तो़टा पुवालाक।

मारकु 7:37

खुङक्‍या ॱमीच्‍यीकी ॱहालेरी ॱनेवालाक, “खोङबागी घीरी शाङा जेदुक। खोङबागी आमच्‍योक मेघोरकीनला घोरकीन धाङ लाब ताङ ॱमीथुक्‍कीनला ताङ थुप्‍कीन जेदुक।”

मारकु 9:43

धेनी ख्‍यी़ लाक्‍पागी ख्‍यो़ला धीक्‍पा झ्‍यीदु च्‍युक्‍ना, होदे लाक्‍पागो च्‍यो़। ख्‍यी़ लाक्‍पा ॱङीगारा खेरती, ॱङ्यावादु नामा ॱमीस्‍यीगीन मेला डोयेने ल्‍हाक लाक्‍दुम झ्‍युरी थामेपे छेसोक नाङदु जुना घा लाक।

लुका 14:13

हीना ख्‍यी़ डो़नला भो़ली घाङला, उटेक्‍या धाङ काङबा लाक्‍पा मेगीनक्‍या धाङ श्‍याक्‍योवाक्‍या धाङ श्‍याराक्‍याला भो़।

लुका 14:21

धेनी ॱयोक्‍पोगो होरी खोरी दाक्‍पोला दे लाब घीरी स्‍येपालाक। धेनी खाङबी दाक्‍पोगो श्‍येताङ लारी, खोरी ॱयोक्‍पोला ॱनेवालाक, ‘ग्‍याजागी लाम्‍गाक्‍या धाङ ॱराङगाकक्‍याला ग्‍योक्‍जे सोङ, धेनी उटेक्‍या धाङ लाक्‍पा काङबा मेगीनक्‍या धाङ श्‍याराक्‍या धाङ श्‍याक्‍योवाक्‍याला दुरु नाङदु ठीक्‍ती स्‍योक।’

लुका 18:43

धेनी लाम्‍साङ खो थोङगीन झ्‍युवालाक। धेनी को़न्‍क्षोकगी तो़टा ताङी, खो खोङबागी स्‍याम्‍ला डावालाक। दे थोरी मी घीरीगी को़न्‍क्षोकला तो़पा पुवालाक।

लुका 7:16

धेनी मी घीरी ॱमीच्‍यीकी जीक्‍ती, को़न्‍क्षोकला तो़टा पुरी ॱनेवालाक, “होरी घुङदु ॱङो़नस्‍येखेन खाक्‍क्षे च्‍यीक थो़न्‍दुक।” धेनी “को़न्‍क्षोकगी खोरी मीरीकला थुक्‍जे शीक्‍दुक।”

योहान्‍ना 9:24

होझ्‍येरी खुङक्‍याई एम्‍मा श्‍यारा हीन्‍गीन मीगोला याङ भो़री ॱनेवालाक, “को़न्‍क्षोकगी डुङदु धेन्‍पा स्‍यो़क। मी दे नी, धीक्‍चेन च्‍यीक लाक ॱनेरी हेक्‍याला स्‍येयेहो़क।”