मेथा 14:6 - ॱलोवा

⁶ हीना हेरोदे केवे ङीमोगोला डो़न्‍बोक्‍याई दोङदु, हेरोदीयासगी भोमोगो घार चेरी, हेरोदेला ङ्यामो घारु च्‍युक्‍पालाक।

मेथा 14:6 ပူးပေါင်းရင်းမြစ်များ

मेथा 14:3

धा हेरोदेगी खोरी नो फीलीपगी केमी हेरोदीयासगी क्षीला, योहान्‍नाला शीम्‍बालाक धेनी कीक्‍ती चो़न्‍खाङला धाक्‍पालाक।

मेथा 14:7

होझ्‍येरी खी़ मोला, मी़ घी श्‍यी़गीनगो तेरु ॱनेरी, ॱना क्‍यावालाक।

मेथा 22:24

“ॱलोपो़न ला, मोशेगी सुङ हो़तालाक, ‘मी च्‍यीकला टुवा माझ्‍युवा स्‍यीना, खी़ नोगो खी़ युक्‍जामागोला ॱनामा लेन्‍दी, खोरी आज्‍योगी क्षीला टु के घो़गुलाक।’

मारकु 6:14

येशुगी छेन घीरीदु ख्‍याप्‍ती, ग्‍यावु हेरोदेगीयाः खोङबागी कोरला ॱहाघोरपालाक। रीङगागी, “ठी़सो़ ॱनाङगीन योहान्‍ना ढोरीयाः सो़न्‍पो लाङदुक होझ्‍येरी खो देरे ॱहाङसागीन लेगा झ्‍यी थुक्‍वालाक।” ॱनेरी ॱनेवालाक।

मारकु 6:17

हेरोदेगी खोरी नो फीलीपगी केमी, हेरोदीयास खोरी केमी शो़वालाक। धेनी मी़ क्षीला खोरी मीक्‍या झारी, योहान्‍नाला शीम्‍दु चुक्‍ती, चो़न्‍खाङ नाङदु धाक्‍पालाक।

मारकु 6:19

होझ्‍येरी हेरोदीयासगी राङ सेम नाङदु योहान्‍नागी क्षीला, ॱमीच्‍यीकी ॱङीङनाक शीम्‍दी धेपालाक धेनी खो सेङी दो़पालाक हीना मी़ से ॱमाथुक्‍पालाक।

मारकु 8:15

धेनी येशुगी खुङक्‍याला सुवालाक, “चाङजे झ्‍यी, फारुसीपाक्‍या धाङ हेरोदेगी क्‍युरचीने शाप-शाप झ्‍यी।”

लुका 13:31

होदे घाङला फारुसीपा रीङगाक्‍या होरी येशुला श्‍यी़वालाक, “खेराङ देने थो़न्‍दी फेप्‍रोनाङ घीझ्‍येरी ॱनाना हेरोदेगी खेराङला सेये दो़पा झ्‍यीदी।”

लुका 23:11

धेनी हेरोदे धाङ ॱमाक्‍मीक्‍याई, खोङबाला ॱमेटा पाप्‍ती क्षाले ग्‍याप्‍पालाक। धेनी खोङबाला घो़ खाक्‍क्षे च्‍यीक को़न्‍दी, पीलातुचारु ॱलोक्‍ती झावालाक।

लुका 23:7

धेनी येशु हेरोदे ग्‍यावुगी साजागी मी लाक ॱनेरी ॱहाघोरती, होदे घाङला हेरोदे येरुसालेमदुराङ झ्‍येरी, पीलातुगी खोङबाला हेरोदेचारु झावालाक।

लुका 3:1

रोमापा ग्‍यावु केसार तीबेरीयुसगी, राङगी ग्‍याखाप घीरीला वाङ झ्‍यीगीन लो च्‍येङागी धी़ घाङला, पोन्‍तीहु पीलातु युदेया युगी पो़न्‍पो धाङ हेरोदे नी, गालील युगी पो़न्‍पो लाक। धेनी होदे घाङला, खी़ नो फीलीपगो ईतोरीया धाङ टाकोनीतीगी पो़न्‍पो धाङ लुसानीयागो आबीलेने युगी पो़न्‍पोक्‍या लाक।

लुका 3:19

हीना ग्‍यावु हेरोदेगी खोरी नोगी केमी हेरोदीयासला, खोरी ॱनामा शो़ धेनी खी़ झ्‍येजा लेगा ङेन्‍पा घीरीगी क्षीला, योहान्‍नागी खोला आङजी तावालाक।

लुका 8:3

धेनी हेरोदेगी खीम्‍जाङगी ॱङेरपा कुजागी केमी योआन्‍ना धाङ सुसान्‍ना धाङ श्‍येम्‍मा भोमो माङा हो़तालाक। दे केमीक्‍याई राङगी ग्‍युनोरने, खोङबाक्‍याला रोवा झ्‍यीदालाक।

जेपा 12:1

होदे धी़चो़ला ग्‍यावु हेरोदेगी, क्षो़छोकगी मी रीङगाला दुक्‍पु ताङये गो चुक्‍पालाक।

जेपा 4:27

“ॱङो़न दे ॱङोन्‍नेगी डुप्‍सुङ घीझ्‍येरी ॱनाना ग्‍यावु हेरोदे धाङ पोन्‍तीहु पीलातु धाङ याहुदापा मेन्‍गीन मीरीकक्‍या धाङ याहुदापा मीक्‍या घीरी, येरुसालेमदु खेराङगी दाम्‍दा धाम्‍पे श्‍याप्‍ची येशुला ङोग्‍येल झ्‍यीयेला जोम्‍जुङ।