मेथा 14:33 - ॱलोवा

³³ धेनी डु नाङदु हो़गीनक्‍याई खोङबाला क्षाक क्षारी श्‍यी़वालाक, “खेराङ नी, धेन्‍पाराङ को़न्‍क्षोकगी से लाक।”

मेथा 14:33 ပူးပေါင်းရင်းမြစ်များ

मेथा 14:32

धेनी खोङबा ॱङीउ डु नाङदु श्‍युक्‍यी घाङला, ॱलुङगो जामथीङी छेपालाक।

मेथा 15:25

हीना मी़ खोङबागी दोङदु पीमु चुक्‍ती श्‍यी़वालाक, “चोवोला, ङाला क्षाक्‍रो ॱनाङ।”

मेथा 16:16

सीमोन पेटोगी ॱनेवालाक, “खेराङ नी मास्‍यीका, सो़न्‍पो को़न्‍क्षोकगी सेगो लाक।”

मेथा 17:5

पेटोगी लाब ताङी-ताङी, खोङबाक्‍याला ॱरीङबा काउ च्‍यीकगी ढीम्‍बालाक। धेनी ॱरीङबा साङने सुङकेक च्‍यीकगी देरे सुवालाक, “दे नी ङी चेवे से हीन। दीमुला ङा ॱमीच्‍यीकी ङ्यामो घा हो़क। खोङला ङेन।”

मेथा 2:11

धा नाङला जुरी, टुगोला खोरी युम मीरीयाममुला ज्‍यावालाक। धेनी पीमु साला चुक्‍ती, खुङक्‍याई खोङबाला क्षाक छावालाक। धेनी तेरगाम खा पेरी, सेर धाङ पो़कार धाङ ढीस्‍यीमक्‍या तो़न्‍दी, खोङबागी दोङला ज्‍यागाक्‍या पुवालाक।

मेथा 26:63

हीना येशुगी घीया ॱमासुवालाक। धेनी चो क्षो़पो़नगी खोङबाला ॱनेवालाक, “ङा को़न्‍क्षोक सो़न्‍पोला ॱना क्‍यारी ॱनाहीन, ख्‍यो़ को़न्‍क्षोकगी से मास्‍यीकागो हीने, हेक्‍याला स्‍यो़क?”

मेथा 27:43

खी़ को़न्‍क्षोकला ॱलोते झ्‍येरी, ‘ङा नी को़न्‍क्षोकगी से हीन।’ ॱनेरी ॱनालाक। धा को़न्‍क्षोकगी थुक ॱङेना, धान्‍दा खोला थारपा जेदास्‍योक।”

मेथा 27:54

धा ॱमाक्‍मीगी ग्‍यापो़न धाङ खी़मुला येशुला ॱरुङगीनक्‍याई, सायोम ग्‍याप्‍कीन धाङ घी झ्‍युङगीन घीरी थोवालाक। धेनी खुङक्‍या जीक्‍टागी खारी ॱनेवालाक, “दे नी ॱङोन्‍नेगी को़न्‍क्षोकगी से हीन्‍दाराक!”

मेथा 28:17

धेनी खुङक्‍याई खोङबाला ज्‍याली घाङला, खुङक्‍याई क्षाक छावालाक हीना रीङगागी दोक्‍पा झ्‍येवालाक।

मेथा 28:9

धेनी लाम्‍साङ येशु खुङक्‍या दोङदु फेप्‍ती, खुङ ॱङीउला सुवालाक, “खेक्‍याला श्‍यीदे हुङास्‍योक।” धेनी खुङ ॱङीउ खोङबागी दोङदु होरी खोङबागी श्‍यापला जुरी क्षाक छावालाक।

मेथा 4:3

धेनी छो़ता लेन्‍गीनगो होरी, खोङबाला ॱनेवालाक, “खेराङ को़न्‍क्षोकगी से हीन्‍ना, दे धोगोङक्‍या ग्‍याङगाला ग्‍युरयेगी का ॱनाङाजे।”

मारकु 1:1

को़न्‍क्षोकगी से, येशु मास्‍यीकागी ताम्‍शाङ गो चुक्‍पा।

मारकु 14:61

हीना येशुगी घीया ॱमासुवा कालेन ॱमानावालाक। याङ चो क्षो़पो़नगी खोङबाला ढीवालाक, “ख्‍यो़ नी झ्‍यीलापचेनगी से मास्‍यीकागो ले?”

मारकु 15:39

येशुगी डुङदु लारी धेता ग्‍यापो़नगी, खोङबा सुङकेक क्षे तो़न्‍दी उप ताङगीनगो थोरी ॱनेवालाक, “दे मी दे नी, ॱङोन्‍नेराङ को़न्‍क्षोकगी से लाक।”

लुका 24:52

धेनी खुङक्‍याई खोङबाला क्षाक छारी ॱमीच्‍यीकी ङ्यामो घेरी, येरुसालेमला लोक्‍पालाक।

लुका 4:41

मी माङक्षेने ॱनो़पाक्‍या देरे फेरा ग्‍याप्‍ती थो़न्‍बालाक, “खेराङ को़न्‍क्षोकगी से लाक।” हीना येशुगी होदे ॱनो़पाक्‍याला काको़न जेदी, लाब ताङदु ॱमाच्‍युक्‍पालाक घीझ्‍येरी ॱनाना खोङबा मास्‍यीकागो लाक ॱनेरी खुङक्‍याला स्‍येये हो़तालाक।

लुका 8:28

होदेगी येशुला थोरी फेरा ग्‍याप्‍ती, खोङबागी दोङदु छाक छावालाक धेनी केक ग्‍याप्‍ती ॱनेवालाक, “ॱलानामेपे को़न्‍क्षोकगी से येशु, ङीमुला खेराङगी ढेवा घी हेतो? ङाला दुक्‍पु ताङा माजे ॱनेरी, ङा खेराङला श्‍योवा पुलाहीन।”

योहान्‍ना 1:49

नाथानेलगी ॱनेवालाक, “राब्‍बी, खेराङ को़न्‍क्षोकगी सेगो लाक। खेराङ ईस्‍राएलगी ग्‍यावुगो लाक।”

योहान्‍ना 11:27

मी़ खोङबाला श्‍यी़वालाक, “ला चोवो, खेराङ नी को़न्‍क्षोकगी से जीक्‍तेनदु फेप्‍कीन मास्‍यीकागो लाक ॱनेरी, ङा धेपा झ्‍यीदीहो़क।”

योहान्‍ना 17:1

धेनी येशुगी दे काक्‍या सुङसारती, नाम्‍खाला चेन शीक्‍ती सुवालाक, “के याप, धा धी़ भाप्‍ती, सेगी खेराङगी शीजे ॱङो़न्‍येगी क्षीला, खेराङगी सेगी शीजे ॱङो़न्‍दु जे।

योहान्‍ना 19:7

याहुदापाक्‍याई खोला लेन ग्‍याप्‍पालाक, “हेला क्षो़ठीम च्‍यीक हो़तालाक धेनी क्षो़ठीम देला ताना, खो स्‍यीघोगुलाक घीझ्‍येरी ॱनाना खी़ खोराङला को़न्‍क्षोकगी से हीन ॱनालाक।”

योहान्‍ना 6:69

धेनी खेराङ को़न्‍क्षोकगी धाम्‍पागो लाक ॱनेरी, हेक्‍या धेपा झ्‍यीदीहो़क धेनी दे हेक्‍याला स्‍येयेहो़क।”

जेपा 8:36

धेनी खुङक्‍या होदे लाम्‍गाने डी़ घाङला, क्षु हो़जारु ॱलेप्‍पालाक। धेनी होदे ॱङुङेरगी ॱनेवालाक, “तो़दाङ, दुरु क्षु दुक। ङा ठी़सो़ लेन्‍येला घीन्‍गी काक थुक्‍कीले?”

रोमापा 1:4

येशु मास्‍यीका होरी चोवो नी, छीवाने ॱलार सो़न्‍पो श्‍याङा जेदी, धाम्‍पे थुक्‍ङीगी गोने नी़थुगी नाङ को़न्‍क्षोकगी से को़वालाक।