मेथा 14:27 - ॱलोवा

²⁷ हीना येशुगी लाम्‍साङ खुङक्‍याला सुवालाक, “ल्‍हो़ झ्‍यी। ङाराङ हीन। खेक्‍या माजीक।”

मेथा 14:27 ပူးပေါင်းရင်းမြစ်များ

मेथा 14:28

धेनी पेटोगी खोङबाला श्‍यी़वालाक, “चोवो, खेराङ हीन्‍ना, ङा क्षु खाने खेराङ डुङदु हुङयेला ङाला का ॱनाङा जे।”

मेथा 17:7

हीना येशु फेप्‍ती, खुङक्‍या खाला क्षाक श्‍या जेदी सुवालाक, “लोङ धेनी माजीक।”

मेथा 28:10

धेनी येशुगी खुङ ॱङीउला सुवालाक, “खेक्‍या माजीक। सोला, ङी पी़नक्‍याला गालीलदु सुङ ॱनो़ धेनी होदुरु खुङक्‍याई ङाला थोङगीलाक।”

मेथा 28:5

हीना भाङछेनगी केमी ॱङीउला सुवालाक, “माजीक, खे ॱङीउ ग्‍याङस्‍यीङ खाला टोङगीन येशुला चालालाक ॱनेरी, ङाला स्‍येयेहो़क।

मेथा 9:2

धा मी रीङगागी चाडीपगी नाजा हो़गीन मी च्‍यीकला, ङ्याजेमुलाराङ खोङबाचारु खेरती होवालाक। येशुगी खुङक्‍याई धेपाला शीक्‍ती सुवालाक, “भीजाओ, सेम ल्‍हो़ झ्‍यी। ख्‍यी़ धीक्‍पाक्‍या सेल्‍दुक।”

मारकु 6:50

घीझ्‍येरी ॱनाना खुङ घीरीगी खोङबाला थोवालाक धेनी जीक्‍पालाक। हीना खोङबागी लाम्‍साङ खुङक्‍याला सुवालाक, “सेम ल्‍हो़ झ्‍यी। ङा हीन, खेक्‍या माजीक।”

लुका 1:13

हीना नाम्‍खे भाङछेनगी खोला सुवालाक, “जेकारीयास, माजीक घीझ्‍येरी ॱनाना को़न्‍क्षोकगी ख्‍यी़ सोवा श्‍यी़गीनगो सेन्‍दुक। धा ख्‍यी़ केमी एलीसाबेतगी, ख्‍यी़ क्षीला भीजा च्‍यीक केगुलाक धेनी ख्‍यी़ होदेगी मीङ योहान्‍ना तोक।

लुका 1:30

धेनी नाम्‍खे भाङछेनगी मोला सुवालाक, “मीरीयाम, माजीक घीझ्‍येरी ॱनाना को़न्‍क्षोकने ख्‍यो़ला थुक्‍जे थोप दुक।

लुका 12:32

“ख्‍ये ख्‍यु च्‍युङाक्‍याओ, माजीक घीझ्‍येरी ॱनाना ग्‍यासीगो खेक्‍याला ॱनाङयेला खीकी याप थुक्‍ङेउ जेदालाक।

लुका 2:10

धेनी नाम्‍खे भाङछेनगी खुङक्‍याला सुवालाक, “खेक्‍या माजीक घीझ्‍येरी ॱनाना ङा खेक्‍याला मी घीरीगी क्षीदु ङ्यामो घारु च्‍युक्‍कीन, ताम्‍शाङ च्‍यीक खेरती होवाहीन।

लुका 5:10

देरे झ्‍येरीराङ सीमोनगी लेरोक जेबेदीगी भीजा याकोब धाङ योहान्‍ना ॱहालेवालाक। धेनी येशुगी सीमोनला सुवालाक, “ख्‍यो़ माजीक। धा देने ॱहाला ख्‍यो़ मीक्‍याई ङ्यापा झ्‍युङगीलाक।”

योहान्‍ना 16:33

ङाने खेक्‍याला श्‍यीदे थोप्‍येगी क्षीला, ङी खेक्‍याला देक्‍या स्‍येबी। जीक्‍तेनदु खेक्‍याला दुक्‍पु ङ्याङगीलाक हीना सेम ल्‍हो़ झ्‍यी, ङी जीक्‍तेनला ग्‍याहो़क।”

योहान्‍ना 6:20

हीना येशुगी खुङक्‍याला, “ङा हीन, माजीक।” सुरी सुवालाक।

जेपा 23:11

होदे घोमुराङ चोवो पाउलुगी डामला फेप्‍ती सुवालाक, “सेम स्‍युक्‍क्षे शो़। दुरु येरुसालेमदु ङी कोरला पाङपो तेरकीन च्‍योक्‍रे, रोमदुवा ख्‍यी़ तेर घोगीलाक।”