मेथा 14:19 - ॱलोवा

¹⁹ धेनी खोङबागी मीमाङक्‍याला चा खाला धेये का ॱनावालाक धेनी ग्‍याङगा ॱङा धाङ ङ्या ॱङीगो क्षाकला ॱनुम्‍दी, नाम्‍खा स्‍योकला शीक्‍ती को़न्‍क्षोकला काटीन्‍क्षे श्‍यी़वालाक। धेनी खोङबागी ग्‍याङगागो च्‍याक्‍ती, ङेनेक्‍याला ॱनावालाक धेनी ङेनेक्‍याई मीछोकक्‍याला तेरपालाक।

मेथा 14:19 ပူးပေါင်းရင်းမြစ်များ

मेथा 14:18

खोङबागी सुवालाक, “होदे ङीचारु खेरती स्‍योक।”

मारकु 6:39

धेनी येशुगी मीक्‍याला छोखाक-छोखाक झ्‍येरी, पाङ ॱङोम्‍पोला धेयेला का ॱनावालाक।

मारकु 6:41

धेनी खोङबागी ग्‍याङगा ॱङा धाङ ङ्या ॱङीगो क्षाकदु ॱनुम्‍दी, नाम्‍खाला शीक्‍ती झ्‍यीलाप जेदी ग्‍याङगागो च्‍या जेपालाक। धेनी मीमाङक्‍याला घोयेला ङेनेक्‍याला ॱनावालाक। धेनी ङ्या ॱङीगोवा घीरीला घो़वालाक।

मारकु 7:34

धेनी खोङबागी नाम्‍खा स्‍योकला शीक्‍ती, उप स्‍युक जेदी खोला सुवालाक, “एफ्फाथा!” होदे ॱनाना, “भेवा स्‍योक।”

लुका 22:17

धेनी खोङबागी श्‍यागा क्षाकला ॱनुम्‍दी को़न्‍क्षोकला थुक्‍जेक्षे पुरी सुवालाक, “दे लेन, धेनी खेराङक्‍या नाङदु घो़।

लुका 22:19

देने खोङबागी ग्‍याङगा च्‍यीक क्षाकला ॱनुम्‍दी, को़न्‍क्षोकला थुक्‍जेक्षे पुरी च्‍याक्‍पालाक धेनी खुङक्‍याला देरे सुरी ॱनावालाक, “दे खेक्‍याई दो़न्‍दु झ्‍यीम्‍बा ताता ङी ली़ लाक। ङाला ढेन्‍सो़ झ्‍यीयेला खेक्‍या देरे झ्‍यी।”

लुका 24:30

धेनी खोङबा खुङ ङीउमुला श्‍येलाकला श्‍युई घाङला, खोङबागी ग्‍याङगा च्‍यीक क्षाकला ॱनुम्‍दी झ्‍यीलाप जेपालाक धेनी च्‍याक्‍ती खुङ ॱङीउला ॱनाङवालाक।

लुका 9:14

होदुरु केवे-फो ॱङातोङ चो़ हो़तालाक। धेनी येशुगी सुवालाक, “देक्‍याला मी ॱङापच्‍युगी छोखाकला धेदु च्‍युक।”

लुका 9:16

धेनी खोङबागी होदे ग्‍याङगा ॱङा धाङ ङ्या ॱङीउगो क्षाकला ॱनुम्‍दी, नाम्‍खे श्‍यीङखाम स्‍योकला शीक्‍ती झ्‍यीलाप जेपालाक धेनी होदे दुबु-दुबुला च्‍याक्‍ती, मीछोकला तेर ॱनेरी ङेनेक्‍याला ॱनावालाक।

योहान्‍ना 11:41

धा खुङक्‍याई धोगोङगो ॱहाला झ्‍येवालाक धेनी खोङबागी चेन या शीक्‍ती सुवालाक, “ङी याप, खेराङगी ङाला सेन्‍गीनगोला थुक्‍चीक्षे श्‍यी़लाहीन।

योहान्‍ना 6:23

धेनी चोवोगी थुक्‍जेक्षे श्‍यी़री, खुङक्‍याई ग्‍याङगा शागीन साजागी डामदु, तीबेरीयासने डु श्‍येम्‍माक्‍या होवालाक।

जेपा 27:35

होदे ॱनेसारती खी़ ग्‍याङगा खेरती, घीरीगी दोङदु को़न्‍क्षोकला थुक्‍जेक्षे श्‍युवालाक। धेनी होदे च्‍याक्‍ती शेबालाक।

रोमापा 14:6

ङीमा च्‍यीकला ॱमीक्‍सेगी खाक्‍क्षे चीगीनगी़ चोवोगी क्षीदु चीलालाक। धेनी शागीनगी चोवोगी क्षीदु शालाक घीझ्‍येरी ॱनाना खी़ को़न्‍क्षोकला काटीन्‍क्षे श्‍युवालाक। धेनी मेशागीनगी़ चोवोगी क्षीदु मेशालाक धेनी खी़ को़न्‍क्षोकला काटीन्‍क्षे श्‍युवालाक।

१ कोरीन्‍थुपा 10:16

धाम्‍पे सुरेगी फोरागी क्षीदु होराङ को़न्‍क्षोकला काटीन्‍क्षे श्‍यी़ली घाङला, होराङ मास्‍यीकागी कुठाकमुला थेला माले? धेनी होदे ग्‍याङगागो च्‍याई घाङला, होराङ मास्‍यीकागी कुली़ला थेला माले?

१ कोरीन्‍थुपा 10:31

होझ्‍येरी खेक्‍या शाना याङना थुङना याङना घी झ्‍यीना घीरी को़न्‍क्षोकगी शीजेगी क्षीदु झ्‍यी।

१ कोरीन्‍थुपा 11:24

धेनी काटीन्‍क्षे श्‍यी़ जेदी, होदेगो च्‍याक जेपालाक धेनी सुवालाक, “दे नी खेक्‍याई क्षीदु ङी ली़ हीन। ङी ढेन्‍सोगी क्षीला देरे झ्‍यी।”

कोलोसेपा 3:17

धेनी छीक धाङ लेगी थोक्‍ने खेक्‍याई घी झ्‍यीना, घीरी चोवो येशुगी छेनने याप को़न्‍क्षोकला, खोङगी थोक्‍ने काटीन्‍क्षे श्‍यी़री झ्‍यी।