मेथा 14:14 - ॱलोवा

¹⁴ खोङबा डु नाङने भावा जेदी मीछोक क्षे हो़गीनगो शीक्‍पालाक धेनी खुङक्‍याला ॱङीङजे केरी, नेपाक्‍याला चो़गा जेपालाक।

मेथा 14:14 ပူးပေါင်းရင်းမြစ်များ

मेथा 14:15

धा घोमो छाक्‍ती ङेनेक्‍या, खोङबागी दोङदु च्‍यारती श्‍यी़वालाक, “साजा दे एन्‍दा च्‍यीक लाक धेनी ङीमा येसादुक। मीछोक देक्‍याला राङ-राङला शामा ङ्योयेला युक्‍याला झाङरो जे।”

मेथा 4:23

धेनी येशु गालीलगी छोक घीरीला फेप्‍ती, खुङक्‍याई छोक्‍खाङक्‍याला क्षो़ सुरी, नाम्‍खे ग्‍यासीगी ताम्‍शाङ दे सेटाक जेपालाक। धेनी नाजा घीरी धाङ मीमाङला हो़गीन नेको़न घीरी चो़गा जेपालाक।

मेथा 9:36

मीछोकक्‍याला शीक्‍ती, खोङबा ॱङीङजेगी खावालाक घीझ्‍येरी ॱनाना खुङक्‍या झीउ मेगीन लुकक्‍या च्‍योक्‍रे, श्‍येम्‍माने दुक्‍पु फोक्‍पा धाङ रोवा मेगीन शीक्‍पालाक।

मारकु 6:34

येशु डुने थो़न्‍दाराङ मीछोक क्षे च्‍यीक झीउ मेगीन लुकक्‍या च्‍योक्‍रे शीक्‍ती, खुङक्‍याला ॱङीङजे केवालाक। धेनी खुङक्‍याला क्षो़ ॱमीच्‍यीकी माङा ॱलाबा जेपालाक।

मारकु 9:22

धेनी खोला सेयेला थेङमा ॱमीच्‍यीकी माङा, डे देगी खोला मे धाङ क्षु नाङदु ॱयुक्‍जुङ। हीना खेराङगी घी जे थुप्‍ये हो़ना, हेला ॱङीङजे शीक्‍ती हेला रोवा जेरोनाङ।”

लुका 19:41

येशु येरुसालेमगी भोलोक्‍तु फेप्‍पालाक धेनी ग्‍याजागोला थोरी खोङबा स्‍युमा जेपालाक,

लुका 7:13

धेनी चोवो येशुगी मोला शीक्‍ती, खोङबागी सेम ॱङीङजेगी खारी मोला सुवालाक, “माङु।”

ईब्‍रीपा 2:17

होझ्‍येरी मीक्‍याई धीक्‍पागी धीकस्‍याक पुयेला, खोङबा को़न्‍क्षोकगी श्‍याप्‍ची श्‍युगीन ॱङीङजेचेन धाङ ॱलोते छोक्‍पा क्षो़पो़न क्षे झ्‍युङयेगी क्षीदु, खोङ येशु नी, छोक घीरीने राङगी पी़नक्‍या च्‍योक्‍रे ग्‍युर घो़वालाक।

ईब्‍रीपा 4:15

घीझ्‍येरी ॱनाना होरी थापक्‍योवागोला ॱङीङजे जे ॱमीथुप्‍कीन, चो क्षो़पो़न होराङला मेतालाक। होराङ च्‍योक्‍रे दो़न घीरीला छो़ताला छी़दीयाः, खोङबागी धीक्‍पा च्‍यीया ॱमाझ्‍येवालाक।

ईब्‍रीपा 5:2

धेनी खो खोराङ थापक्‍योवा हो़गीन झ्‍येरी, हुरे ॱमेस्‍येगीन धाङ लाम नोरना मीक्‍यामुला ज्‍याबोमा ढेवा झ्‍यी थुक्‍वालाक।