मेथा 13:21 - ॱलोवा

²¹ हीना राङला चावा तीङ रीङबो मेगीन झ्‍येरी, होदे धी़चो़ तीते च्‍यीक धेगीलाक धेनी कागी दो़न्‍दु दुक्‍ङेल धाङ ॱनेक्‍यो़न झ्‍युङना लाम्‍साङ खो धेपाने लोक्‍कीलाक।

मेथा 13:21 ပူးပေါင်းရင်းမြစ်များ

मेथा 10:22

धेनी ङी मीङगी छीला, घीरीगी खेक्‍याला दाङा झ्‍यीगीलाक। हीना थामा थुक्‍पे शो़पा घोम्‍गीनगोला थारपा थोप्‍कीलाक।

मेथा 11:6

ङाला तेरी धेपाने मेलोक्‍कीनक्‍या, झ्‍यीलाप क्षे हीन।”

मेथा 13:20

धेनी धोरुकगी साला थोरथोवा साङागो, को़न्‍क्षोकगी काला ङेन्‍दी लाम्‍साङ ङ्यामो घेरी, खेलेन्‍गीन मी च्‍योक्‍रे लाक।

मेथा 13:57

धेनी खुङक्‍याई येशुला ॱमाचीवालाक। येशुगी खुङक्‍याला सुवालाक, “ॱङो़नस्‍येखेन च्‍यीकला राङगी फायु धाङ राङगी नाङमीक्‍याई माना, श्‍येम्‍मा घीरीदु चीलालाक।”

मेथा 13:6

हीना ङीमा स्‍यारी घाङला, होदेक्‍या छीक्‍पालाक धेनी चावा तीङ रीङा मेगीन झ्‍येरी काम्‍बालाक।

मेथा 24:13

हीना था थुक्‍पे शो़पा घोम्‍गीनगोला, थारपा थोप्‍कीलाक।

मेथा 26:31

धेनी येशुगी खुङक्‍याला सुवालाक, “धीरीङ छेमु ङी केनगी खेक्‍या घीरी, ङाने डारी डो़री डुगीलाक। घीझ्‍येरी ॱनाना देरे ढीक हो़तालाक, ‘ङा झीउला दुङयेहीन, धेनी लुकगी ख्‍यु घीरी थोरकीलाक।’

मेथा 26:33

पेटोगी श्‍यी़वालाक, “घीरीगी खेराङला ग्‍याप ॱलोक्‍नाः, ङा नामा खेराङला ग्‍याप लोक्‍ती मेडो।”

मारकु 4:17

हीना चावा मेगीन झ्‍येरी, तीते माना धे थुक्‍कीमालाक। धेनी कागी झ्‍येरी काङे धाङ दुक्‍पु झ्‍युङी घाङला, खुङक्‍या उक्‍कुरा धेपाने ग्‍याप ॱलोक्‍कीलाक।

लुका 8:13

धोरुकला थोरकीनक्‍या काला ङेन्‍दी ङ्यामो घेरी, लाम्‍साङ खेलेन्‍गीनक्‍या लाक। हीना होदेगी चावा मेगीन झ्‍येरी, धी़चो़ तीते थुक्‍पे धेपा झ्‍यीदालाक धेनी छो़तागी धी़ला धेपाने लोक्‍वालाक।

योहान्‍ना 6:26

येशुगी खुङक्‍याला कालेनदु सुवालाक, “ङा खेक्‍याला धेन्‍पा धेनक्‍याङ ॱनाहीन, खेक्‍याई ताकक्‍या थोरी मालाक हीना डागीन थुक्‍पे शेरी ङाला चालालाक।

रोमापा 2:7

धेनी शो़पागी गोने ले शाङा झ्‍येरी, शीजे धाङ कुरती धाङ छीवा मेगीन छे चागीन मीक्‍याला, खोङगी थामेपे छेसोक ॱनाङगीलाक।

गालातीयापा 5:6

घीझ्‍येरी ॱनाना मास्‍यीका येशुगी दोङदु पाउ चेगीन ॱरो चीगीन हीन्‍ना लाक, ॱमीचीगीन हीन्‍ना घीया फेन मेतालाक हीना झाम्‍पागी थोक्‍ने लेगा झ्‍यीगीन धेपा च्‍यीगा फेन थोक्‍वालाक।

गालातीयापा 6:12

राङला जीक्‍तेनदु ढा छाक्‍पोमा तो़न्‍ये दो़पा हो़गीनक्‍याई राङ, खेक्‍याला पाउ चेगीन ताक ग्‍याप्‍येला उजुक झ्‍यीये थापस्‍यी झ्‍यीदालाक। खुङक्‍या राङला मास्‍यीकागी ग्‍याङस्‍यीङगी झ्‍येरी दुक्‍पु मारास्‍योक ॱनेरी, च्‍यीगा देरे झ्‍यीदालाक।

गालातीयापा 6:15

साबा केगीन माना, पाउ चेगीन ॱरो ॱरुङगीन धाङ ॱमीरुङगीन ॱङीगारा दो़न मेतालाक।

एफीसुपा 3:17

धेनी धेपागी थोक्‍ने, मास्‍यीका खेक्‍याई सेम नाङदु श्‍युक्‍वास्‍योक धेनी झाम्‍पा नाङ चावा तीङ रीङबो, धाङ तेन्‍पो झ्‍युरी

फीलीप्‍पीपा 1:6

धेनी खीकी नाङ ले शाङा गो चुक्‍कीन, को़न्‍क्षोक खोङगीराङ मास्‍यीका येशु फेप्‍कीन ङीमा थुक्‍पे, दी लेगा दे डुप्‍पा जेगीलाक ॱनेरी, ङा ॱलोते हो़क।

२ तीमोथेउ 1:15

एशीयारु हो़गीन घीरी धाङ होदे खोक्‍ने फुगेलोस धाङ हेरमोगेने ॱङीउगी, ङाला पाङगीनगो ख्‍यो़ला स्‍येये हो़तालाक।

२ तीमोथेउ 4:10

घीझ्‍येरी ॱनाना देमा, जीक्‍तेन देला छाक्‍ती ङाला पारी थेसालोनीकेरु लाजुङ। धेनी कारेसीकेन नी, गालातीया यु स्‍योकदु लाजुङ धेनी तीतोस नी दालमातीया यु स्‍योकदु लाजुङ।

याकोब 3:2

घीझ्‍येरी ॱनाना होराङ घीरी नोन्‍डु माङा झ्‍यीदालाक। राङगी स्‍येगीन तामला नोन्‍डु मीझ्‍यीगीन मी नी, याङदाक्‍पा मी च्‍यीक लाक धेनी खी़ राङगी शु घीरीला च्‍याक ग्‍याप थुक्‍कीलाक।

१ पेटो 1:5

धेनी खीकी धेपागी गोने को़न्‍क्षोकगी नी़थुगी, खेक्‍याला थामे धी़ला ॱङो़न्‍ये हीन्‍गीन थारपागी क्षीदु ॱरुरी श्‍याक हो़तालाक।

ॱङो़न्‍पा 2:13

धी़क सातानगी ठी हो़जारु खेक्‍या ॱनेलालाक ॱनेरी, ङाला स्‍येयेहो़क। देरे हीन्‍नाः, खेक्‍या ङी मीङगी दो़न्‍दु तेन्‍पो ॱनेलालाक। धेनी धी़क सातान ॱनेसा, खीकी ग्‍याजारु ङी ॱलोते हो़गीन पाङपो आन्‍तीपागोला सेपालाक धेनी होदे घाङगी ङीमाक्‍यालाः, खेक्‍याई राङगी धेपा ॱमापाजुङ।