मेथा 13:19 - ॱलोवा

¹⁹ लाम्‍गाला थोरथोवा साङागो, नाम्‍खे ग्‍यासीगी का ङेन्‍दी ॱहामेघोगीन धाङ धी़क होरी होदेगी सेम नाङदु ताप्‍ता साङागो, होदेने ठोक्‍ती डुगीन च्‍योक्‍रे लाक।

मेथा 13:19 ပူးပေါင်းရင်းမြစ်များ

मेथा 12:26

धा धी़कगी धी़कला तो़न्‍ना, खो खोरी नाङदुराङ ॱमीथी़न्‍दा झ्‍युङालाक। धा हुरे हीन्‍ना खी़ ग्‍याखाप घाङगी झ्‍येरी ॱनेगीले?

मेथा 13:20

धेनी धोरुकगी साला थोरथोवा साङागो, को़न्‍क्षोकगी काला ङेन्‍दी लाम्‍साङ ङ्यामो घेरी, खेलेन्‍गीन मी च्‍योक्‍रे लाक।

मेथा 13:38

श्‍यीङगो जीक्‍तेन लाक। धेनी साङा शाङपोक्‍या ग्‍यासी टुवाक्‍या लाक। युक्‍पुक्‍या धी़कगी टुवाक्‍या लाक।

मेथा 4:23

धेनी येशु गालीलगी छोक घीरीला फेप्‍ती, खुङक्‍याई छोक्‍खाङक्‍याला क्षो़ सुरी, नाम्‍खे ग्‍यासीगी ताम्‍शाङ दे सेटाक जेपालाक। धेनी नाजा घीरी धाङ मीमाङला हो़गीन नेको़न घीरी चो़गा जेपालाक।

मेथा 5:37

ख्‍यी़ स्‍येगीनगो हीन्‍ना ‘हीन’ मेन्‍ना ‘मेन’ झ्‍युङघोगुलाक। देले ल्‍हाक हुङगीनक्‍या ङेन्‍पागोने हुङालाक।

मारकु 4:15

मी रीङगा लाम्‍गाला तोरता, साङाक्‍या च्‍योक्‍रे हुङालाक। खुङक्‍याई कागो ङेन्‍लुङ मेताला, धी़क होरे खुङक्‍या नाङदु ताप्‍ता कागो ठोक्‍ती डुगीलाक।

लुका 10:9

होदुरु हो़गीन नेपाक्‍याला चो़गा झ्‍यी धेनी होदेक्‍याला ॱनो़, ‘को़न्‍क्षोकगी ग्‍यासी खीकी ङ्येला ॱलेप्‍सादुक।’

लुका 9:2

धेनी खोङबागी खुङक्‍याला, को़न्‍क्षोकगी ग्‍यासी सेटाक झ्‍यीये धाङ नेपाक्‍या चो़गा झ्‍यीयेला झावालाक।

योहान्‍ना 18:38

धेनी पीलातुगी खोङबाला श्‍यी़वालाक, “धेन्‍पा घी ले?” दे ॱनेसारती खो याहुदापाक्‍या हो़जारु फीला सोरी खुङक्‍याला ॱनेवालाक, “ङी मी दे नाङ क्‍यो़न घीया ॱमेङेदा।

योहान्‍ना 8:43

ङी ॱनागीन लाबक्‍या खेक्‍या घीझ्‍येरी ॱहामेघोराले? घीझ्‍येरी ॱनाना खेक्‍या ङी काला घोम ॱमीथुक्‍वालाक।

जेपा 17:32

धा मी स्‍यीस्‍या याङ सो़न्‍पो लाङगीलाक ॱनेरी घोरती, मी रीङगागी पाउलुला घो़ स्‍योरती ॱमेज्‍यु तावालाक हीना मी श्‍येम्‍माक्‍याई ॱनेवालाक, “हेक्‍या देगी कोरला धोराङा ङेन्‍ङी दो़दीक।”

जेपा 18:15

हीना दे लाब दे, छीकक्‍या धाङ मीङक्‍या धाङ खेराङक्‍याई क्षो़ठीम कोरला च्‍यीगा दुक। होझ्‍येरी खेराङक्‍याराङ दी ठीम चो़। ङा नी, लाब देरेक्‍याई ठीम्‍पो़न झ्‍युङयेमेन।”

जेपा 20:25

धा ङा साजा-साजाक्‍याला सोरी, खेराङक्‍याला को़न्‍क्षोकगी ग्‍याखापगी कोरला ताम्‍शाङ स्‍येदी सोवी। हीना देने ॱहाला खेराङक्‍याने सी़या ङाला धाब्‍ले थोङगीमालाक ॱनेरी ङाला क्षाहो़क।

जेपा 28:23

होझ्‍येरी धी़चो़ च्‍यीक ढीक्‍पालाक धेनी होदे ङीमागोला, मी ॱमीच्‍यीकी माङा पाउलु धेजारु होवालाक। ॱङारोकने घोमो थुक्‍पे खी़ को़न्‍क्षोकगी ग्‍याखापगी कोरला पाङपो तेरपालाक धेनी मोशेगी क्षो़ठीम धाङ ॱङो़नस्‍येखेनक्‍याई धेपक्‍याने पे तो़न्‍दी, येशुगी कोरला मीक्‍याला यीच्‍चे तेरपालाक।

रोमापा 1:28

धा खुङक्‍याई को़न्‍क्षोकला ची घोगीनगो क्षा माश्‍याक्‍पा, को़न्‍क्षोकगी खुङक्‍याला खोरी साम्‍लो ॱलेन्‍दा नाङला, झ्‍यी ॱमेछोक्‍कीन लेगाक्‍या झ्‍यीदु च्‍युक जेपालाक।

रोमापा 14:17

घीझ्‍येरी ॱनाना को़न्‍क्षोकगी ग्‍यासी नी, शाये धाङ थुङये मालाक हीना धाम्‍पे थुक्‍ङीगी नाङ ढाङतेन धाङ श्‍यीदे धाङ घाटो लाक।

रोमापा 2:8

हीना राङदो़ चागीन धाङ धेन्‍पाला ॱमीचीगीन धेनी ङेन्‍पाला घागीनक्‍याई, खाला खोङगी ठीम्‍चो़ थुक्‍ठो़गी गोने फोक्‍कीलाक।

एफीसुपा 3:8

ङा को़न्‍क्षोकगी धाम्‍पा मीक्‍याने ॱमास्‍योकगो हीन्‍नाः मास्‍यीकागी ढाङमेगी शीजेक्षेगी ताम्‍शाङगो, याहुदापा मेन्‍गीनक्‍याला स्‍येये धाङ धेनी घीरी को़ ॱनाङगीन, को़न्‍क्षोकगी एम्‍मा धी़रापने बेरी श्‍याक जेजा साङवा दे, मी घीरीला ॱङो़न्‍दु च्‍युक्‍येगी दे थुक्‍जे दे ङाला ॱनावालाक।

ईब्‍रीपा 2:1

होझ्‍येरी होरी घी घोरकागोला, ॱयोल्‍ले ल्‍हाक दो़नाङ झ्‍यी घो़गुलाक। देरे मेन्‍ना होरी लाम नोरयेगी ङेन्‍का हो़क।

१ योहान्‍ना 3:12

धी़कगी हीन्‍गीन धेनी राङगी नोला सेगीन, कायीन च्‍योक्‍रे माझ्‍युङ। खी़ घीझ्‍येरी राङगी नोला सेपाले? घीझ्‍येरी ॱनाना खी़ लेगाक्‍या ङेन्‍पा धाङ खी़ नोगी लेगाक्‍या ढाङपो हो़तालाक।

१ योहान्‍ना 5:18

को़न्‍क्षोकने केक्‍या हीन्‍गीनगी धीक्‍पा झ्‍यीच्‍यीक मीझ्‍यीदालाक ॱनेरी, होराङला स्‍येये हो़तालाक। को़न्‍क्षोकने ठुङगीनगी़ खोला क्‍योप्‍कीलाक धेनी धी़गी खोला ॱनो़ क्‍या ॱमीथुक्‍कीलाक।

१ योहान्‍ना 5:20

को़न्‍क्षोकगी से फेप्‍पालाक धेनी को़न्‍क्षोक धेन्‍पा हीन्‍गीनगोला ङो स्‍येयेगी क्षीदु खोङगी होराङला स्‍येयो़न ॱनाङगीनगो, होराङला स्‍येये हो़तालाक। धेनी खोङगी से येशु मास्‍यीकागी थोक्‍ने, होराङ खोङ धेन्‍पागी नाङ ॱनेलालाक। खोङराङ को़न्‍क्षोक धेन्‍पा धाङ थामेपे छेसोकगो लाक।