मेथा 12:32 - ॱलोवा

³² धेनी मी-भुगी कोरला ङेन्‍पा ॱनागीन धीक्‍पा दे सेल्‍गीलाक हीना धाम्‍पे थुक्‍ङीगी कोरला ङेन्‍पा ॱनागीन धीक्‍पा दे, धान्‍दा धाङ माउपारगी धी़ थुक्‍पे ॱमेसेल्‍गीलाक।

मेथा 12:32 ပူးပေါင်းရင်းမြစ်များ

मेथा 11:19

मी-भु नी शा-थुङ झ्‍येरी होवालाक धेनी खुङक्‍याई, ‘खोला तो़दाङ, शान्‍डे धाङ क्षाङदुवा धेनी ठा धुगीन धाङ धीक्‍चेनक्‍याई रोवा।’ ॱनेरी ॱनालाक। हीना स्‍येराप दे होदेगी लेगागी थोक्‍ने, याङदाक्‍पा हीन्‍गीनगो खुङ केलालाक।”

मेथा 12:31

होझ्‍येरी ङा खेक्‍याला ॱनाहीन, धीक्‍पा घीरी धाङ को़न्‍क्षोकला कुरवा धेप्‍कीन घीरी सेल्‍गीलाक हीना धाम्‍पे थुक्‍ङीला कुरवा धेप्‍कीनगी धीक्‍पा दे सेल्‍गीमालाक।

मेथा 12:8

घीझ्‍येरी ॱनाना मी-भु ङासुगीन ङीमागी चोवो लाक।”

मेथा 13:22

याङ छेम्‍मागी खोकला थोरथोवा साङागो, को़न्‍क्षोकगी कागो ङेन्‍दी हीना जीक्‍तेनगी दुङा धाङ ग्‍युनोरगी ॱली़टेगी का देला ॱनेम्‍दी, होदे ढेबु ॱमेक्षाक्‍कीन मी च्‍योक्‍रे लाक।

मेथा 13:39

धेनी युक्‍पु ताप्‍कीन डागो धी़क लाक। लोदोक धुगीन धी़चो़गो थागी धी़चो़ लाक। धेनी ॱङागीनक्‍या नाम्‍खे भाङछेनक्‍या लाक।

मेथा 13:40

युक्‍पुक्‍या धी़री मेला ॱराक्‍कीन च्‍योक्‍रे, थागी धी़ला देरेराङ झ्‍युङगीलाक।

मेथा 13:55

खो नी स्‍यीङजोवागी भीजागो माले? खी़ आमागी मीङ मीरीयाम माले? धेनी खी़ पी़नक्‍या याकोब, योसेफ, सीमोन धाङ युदा माले?

मेथा 8:20

धेनी येशुगी सुवालाक, “स्‍याल्‍लाक्‍याला धेजा फु हो़तालाक धेनी ॱनामगी झ्‍याक्‍याला झ्‍याछाङ हुङालाक हीना मी-भुला गोवा श्‍याक्‍सा सा मेतालाक।”

मारकु 10:30

दे छेला दुक्‍पु मुला-मुला खाङबाक्‍या धाङ पी़नक्‍या धाङ फामाक्‍या धाङ टुवाक्‍या धाङ साश्‍यीङ, एम्‍माले ग्‍याई माङा थोप्‍कीलाक धेनी माउपारला थामेपे छेसोक थोप्‍कीलाक।

मारकु 3:28

“मी घीरीगी धीक्‍पा धाङ खुङक्‍याई, को़न्‍क्षोकला ॱमेटा पाप्‍कीन घीरी सेल्‍गीलाक ॱनेरी ङा धेन्‍पा स्‍येदाहीन।

मारकु 3:29

हीना सी़ धाम्‍पे थुक्‍ङीला ॱमेटा पाई, होदेला घोयाङ नामा थोप्‍कीमालाक धेनी खो नामा मेदाक्‍कीन धीक्‍पागी ग्‍यो़पा झ्‍यी घो़गीलाक।”

लुका 12:10

मी-भुला ॱमेटा छीक च्‍यीक ताङना, होदेला घोयाङ थोप्‍कीलाक हीना धाम्‍पे थुक्‍ङीगी कोरला कुरवा धेप्‍कीनला, घोयाङ ॱमेथोप्‍कीलाक।

लुका 16:8

धा दाक्‍पोगी़ होदे ॱङेरपा मेढाङाला राङगी क्षीला, देरे चाङग्‍यु झ्‍यीगीनगोला तो़टा तावालाक। घीझ्‍येरी ॱनाना दे जीक्‍तेनगी मीक्‍या राङगी च्‍योक्‍रेक्‍यामुला चाङग्‍यु झ्‍यीयेला, हो़गी टुक्‍याने खेवा हो़तालाक।

लुका 18:30

मीछे देला होदेने माङा थोप्‍कीलाक धेनी हुङये हीन्‍गीन धी़ला थामेपे छेसोक थोप्‍कीलाक।”

लुका 23:34

धेनी येशुगी सुवालाक, “ङी याप, देक्‍याला घोङपा ॱनाङरो ॱनाङ घीझ्‍येरी ॱनाना देक्‍याई घी झ्‍यीगीनगो देक्‍या ॱमेस्‍येलालाक।” धेनी ॱमाक्‍मीक्‍याई येशुगी घोलाकगो गेन ग्‍याप्‍ती, खोराङक्‍या नाङदु घो़वालाक।

लुका 7:34

मी-भु शा-थुङ झ्‍येरी होवालाक धेनी खेक्‍याई खोला, ‘खोला तो़दाङ, फोक्‍चाङा, क्षाङदुवा ठा धुगीनक्‍या धाङ धीक्‍चेनक्‍याई रोवा!’ ॱनेरी ॱनेवालाक।

योहान्‍ना 7:12

मीछोकक्‍याई खोक्‍दु रीङगागी “खोङ मी शाङपो च्‍यीक लाक।” धेनी रीङगागी “खोङ देरे मेन्‍दा मी माङपोला गोकोर ताङगीन च्‍यीक लाक।” ॱनेरी खोङबागी कोरला लाब ढामेढा माङा झ्‍युवालाक।

योहान्‍ना 7:39

हीना खोङला धेपा झ्‍यीगीनक्‍याला थोप्‍ये हीन्‍गीन, धाम्‍पे थुक्‍ङीगी कोरला येशुगी सुवालाक। घीहीनाः येशु शीजेला ॱमाफाक्‍पा झ्‍येरी, धाम्‍पे थुक्‍ङीगो धोराङा ॱमानाङ हो़तालाक।

योहान्‍ना 7:52

खुङक्‍याई खोला ॱनेवालाक, “ख्‍यो़याः गालीलपा हीने? सुङरापला चारी तो़, गालीलने ॱङो़नस्‍येखेन सुवा मीझ्‍युङगीलाक।” [

जेपा 3:19

होझ्‍येरी धा खेराङक्‍या राङगी धीक्‍पा पारी सेम ग्‍युरवा तोङ धेनी को़न्‍क्षोक चारु लोक्‍ती स्‍योक। धेनी खोङबागी खेराङक्‍याई धीक्‍पा घीरी चाङमा जेगीलाक। देरे झ्‍येरी खेराङक्‍याला को़न्‍क्षोकने सेम नाङदु कीदा धाङ स्‍युक जोरकीलाक।

एफीसुपा 1:21

धेनी खोङबागी मास्‍यीकाला ठीम धाङ वाङ धेनी नी़थु धाङ ग्‍यासी घीरी धेनी दे धी़रापगी च्‍यीगा मेन्‍दा, माउपारगी धी़रापला हुङगीन छेन घीरीले थो़स्‍योक को़ जेपालाक।

१ तीमोथेउ 1:13

धेनी ङाला ॱङीङजे थोप्‍जुङ घीझ्‍येरी ॱनाना होदे घीरी धेपा मेती घाङला, ङी ॱमास्‍येवा झ्‍येवालाक।

१ तीमोथेउ 1:15

“मास्‍यीका येशु नी, धीक्‍चेनक्‍याला क्‍योप्‍येला जीक्‍तेनदु फेप्‍पालाक।” ॱनागीन दे ॱलो का थुप्‍कीन धाङ घीरीगी थोक्‍ने खेलेन झ्‍यीघोगीन दुक। होदे धीक्‍चेनक्‍याने ङागो चो हीन।

१ तीमोथेउ 4:8

घीझ्‍येरी ॱनाना ली़गी ली़चेल ज्‍योङदारगी तीते च्‍यीगा फेन थोवालाक हीना क्षो़सेम दे घीरीगी थोकला फेन थोवालाक। घीझ्‍येरी ॱनाना देगी धान्‍दागी छे धाङ छीमागी छे ॱङीगाराला, फेन्‍दोकगी धाम्‍चा ॱनाङालाक।

१ तीमोथेउ 6:17

दे जीक्‍तेनगी क्षुक्‍पुक्‍याला ङागेल क्षे माझ्‍युङ धेनी तेन्‍पो मेगीन ग्‍युनोरला मेन्‍दा, होराङला कीदा झ्‍यीयेला घो़गीन घीरी मेछो़ली ॱनाङगीन, को़न्‍क्षोक खाला रेवा झ्‍यीयेला खुङक्‍याला का तेर।

२ तीमोथेउ 4:10

घीझ्‍येरी ॱनाना देमा, जीक्‍तेन देला छाक्‍ती ङाला पारी थेसालोनीकेरु लाजुङ। धेनी कारेसीकेन नी, गालातीया यु स्‍योकदु लाजुङ धेनी तीतोस नी दालमातीया यु स्‍योकदु लाजुङ।

तीतोस 2:12

होदे थुक्‍जेगी होराङला क्षो़ला ॱमीथी़न्‍गीन धाङ जीक्‍तेनगी दो़पाक्‍या पाङदी, दे जीक्‍तेनदु साम्‍लो थोङा धाङ ढाङपो धाङ को़न्‍क्षोकला थुक्‍ङेउ मीजी पी़येला, ॱलापच्‍या ॱनाङालाक।

याकोब 1:27

होरी याप को़न्‍क्षोकगी डुङदु चाङमा धाङ क्‍यो़न मेगीन क्षो़ नी, काल्‍ले ठेदी धेता दोजेक्‍या धाङ युक्‍जामाक्‍याला, तादोक झ्‍यीये धाङ राङला जीक्‍तेनगी ॱमेचाङाने ॱरुङये लाक।