मेथा 12:31 - ॱलोवा

³¹ होझ्‍येरी ङा खेक्‍याला ॱनाहीन, धीक्‍पा घीरी धाङ को़न्‍क्षोकला कुरवा धेप्‍कीन घीरी सेल्‍गीलाक हीना धाम्‍पे थुक्‍ङीला कुरवा धेप्‍कीनगी धीक्‍पा दे सेल्‍गीमालाक।

मेथा 12:31 ပူးပေါင်းရင်းမြစ်များ

लुका 12:10

मी-भुला ॱमेटा छीक च्‍यीक ताङना, होदेला घोयाङ थोप्‍कीलाक हीना धाम्‍पे थुक्‍ङीगी कोरला कुरवा धेप्‍कीनला, घोयाङ ॱमेथोप्‍कीलाक।

जेपा 7:51

“खेक्‍याई सेम पाउ ॱमाचेचाक्‍याई, सेम च्‍योक्‍रे ॱरा दुक। धेनी खेक्‍या को़न्‍क्षोकगी का ङेन्‍ङी मेदो़दालाक। खेक्‍याई धाङबी फामाक्‍या च्‍योक्‍रे, धाम्‍पे थुक्‍ङीगी तो़न्‍दा लाबक्‍याला खेलेन मीझ्‍यीदालाक।

ईब्‍रीपा 10:26

घीझ्‍येरी ॱनाना धेन्‍पागी स्‍येयो़न थोप्‍तीयाः, धोराङा होराङक्‍याई काङ चुक्‍ती धीक्‍पा झ्‍यीना, धीक्‍पा सेयेगी ॱमारछो़ श्‍येम्‍मा ल्‍हाक मेतालाक।

ईब्‍रीपा 10:29

धा को़न्‍क्षोकगी सेला काङबा होकला श्‍याक्‍कीन धाङ राङला धाम्‍पा जेगीन, धाम्‍चागी कुठाकगोला ॱमेचाङा चीगीन धाङ थुक्‍जेगी थुक्‍ङीला ॱमेटा ताङगीनक्‍याला, देने घाजो़ ल्‍हाक छेपा फोक्‍यी हो़टी़ ॱनेरी, खेराङक्‍याराङ साम्‍लो तोङदाङ।

ईब्‍रीपा 6:4

घीझ्‍येरी ॱनाना थेङ च्‍यीक को़न्‍क्षोकगी हो़ थोप्‍सासा धाङ नाम्‍खे श्‍यीङखामगी ॱनाङज्‍यीनगो, ङ्यामङ्युङ झ्‍येसासाक्‍या धाङ धाम्‍पे थुक्‍ङीगी कादा जोरसासाक्‍या,

१ योहान्‍ना 1:9

याङ होराङगी होरी धीक्‍पा झ्‍येहो़क ॱनेरी, खेलेन झ्‍यीना खोङबागी होरी धीक्‍पाक्‍या सेल्‍गीलाक धेनी मेढाङा घीरीने, होराङला चाङमा जेगीलाक। घीझ्‍येरी ॱनाना खोङबा ॱलोते छोक्‍पा धाङ ढाङपो हो़तालाक।

१ योहान्‍ना 5:16

खेरी पी़नगी छीवाला ॱमीठीक्‍कीन धीक्‍पा झ्‍यीगीन थोङना, ख्‍यी़ खी़ क्षीला ॱमो़लाम ग्‍याप्‍घो़ धेनी को़न्‍क्षोकगी खोला छे ॱनाङगीलाक। छीवाला ॱमीठीक्‍कीन धीक्‍पा साक्‍कीनक्‍याई कोरला, ङा ॱनाहीन। छीवाला ठीक्‍कीन धीक्‍पाक्‍या हो़तालाक। होदेक्‍याई क्षीदु, खेक्‍याई ॱमो़लाम ग्‍याप्‍घो़ ॱनेरी ङा ॱनामेन।